SAN LUCAS 1:49 - Chatino Tataltepec

⁴⁹ Tlyu tsa cña nu ndu'ni ycui' Ndyosi, lo'o jua'a̱ tlyu tsa cha' nu ndyu'ni Ni lo'o na'; lubii tsa ycui' Ndyosi, nacui̱ María.

SAN LUCAS 1:49 Iomraidhean Croise

SAN MARCOS 5:13

Lo'o li' nda Jesús chacuayá' bi' ji'i̱ lcaa cui'i̱ xña'a̱ bi'. Li' ndu'u cui'i̱ ndyaa, ngusñi ji'i̱ cube'. Ndi'i̱ tucua mil tya'a cube', lo'o jua'a̱ ngusñi cui'i̱ bi' ji'i̱ lcaa ni'. Ngusna ni' sii' cua'a̱ li', ndyú ca ta'a ni' ne' hitya tayu'; ndyi'o ni' hitya, ngujuii lcaa cube' bi' li'.

SAN LUCAS 1:48

Ndube tsa ti' ycui' Ni 'na cha' laca na' msu ji'i̱ Ni, masi sca ñati̱ ti'i laca na'. Su nguxana ti juani, ñacui̱ lcaa ñati̱ nu lijya̱ chalyuu nde loo la cha' tso'o tsa ntsu'u tyiquee na'.

SAN LUCAS 1:50

Ná culaya' ycui' Ndyosi ji'i̱ ñati̱ nu taquiya' ji'i̱ cha' nu nchcui' Ni; ña'a̱ cuayá' lcaa tyempo lijya̱ ñati̱ tyi'i̱ chalyuu, chañi cha' cua'ni tya'na ti' Ni ji'i̱ ngu' bi'.

EFESIOS 3:20

Tso'o lacua. Chcui' na cha' tlyu tsa laca ycui' Ndyosi. Nchca tsa ji'i̱ Ni, hasta nde loo la ndu'ni Ni cuentya ji'i̱ lcaa cha' nu ndijña na ji'i̱ Ni; ná nchca ca cuayá' ti' na ñi'ya̱ ndu'ni Ni lcaa cha' bi'. La cui' ycui' Ndyosi ndu'ni cña laja na, hasta nde ne' cresiya ji'na, cha' cua'ni Ni cña nu nti' Ni cua'ni Ni lo'o na.

APOCALIPSIS 15:4

¿Ha ná ntsi̱i̱ ngu' jinu'u̱? ¿Ha ná tyaja'a̱ ngu' ñacui̱ ngu' cha' tlyu tsa cña nu ndu'ni nu'u̱? Sca ti ycui' nu'u̱ nu lubii tsa cresiya jinu'u̱. Cua na'a̱ ngu' lcaa su ndyu'ni cuayá' nu'u̱ ji'i̱ ñati̱ cha' liñi tsa ndyu'u cha'; bi' cha' tya̱a̱ lcaa ñati̱ tyucui ña'a̱ chalyuu ca su ntucua nu'u̱, cha' cua'ni tlyu ngu' jinu'u̱. Ndye ji̱i̱ nu ndyula tu'ba ngu' li'.

APOCALIPSIS 4:8

Scuá tya'a lu'be ntsu'u ji'i̱ scaa na'ni bi', pana ntucua cloo ni' tyucui ña'a̱ hichu̱' lu'be ni'; lo'o nde ne' lu'be ni', la cui' jua'a̱ ntucua cloo ni'. Nga'aa nchca ti̱ cha' ndula tu'ba ni' tsa̱ lo'o talya: Xcui' na lubii tsa cresiya ji'i̱ ycui' Ndyosi nu nchca ji'i̱ ndu'ni lcaa cña, nacui̱ ni' lo'o ndyula tu'ba ni'. Nu ngua tya clyo lu'ú ycui' Ni, la cui' jua'a̱ na lu'ú Ni juani, lo'o ña'a̱ ti tya lu'ú Ni tyempo nde loo la. Jua'a̱ nacui̱ ni' lo'o ndyula tu'ba ni'.