SAN LUCAS 1:46 - Chatino Tataltepec

⁴⁶ Li' ngua'ni tlyu María ji'i̱ ycui' Ndyosi: Tyucui tyiquee na' cua'ni tlyu na' ji'i̱ ycui' nu Xu'na na', nacui̱ María.

SAN LUCAS 1:46 Iomraidhean Croise

ROMANOS 5:11

Ni si'i tsa lo cua ti cha', masi lo'o cha' tso'o tsa ntsu'u tyiquee na ña'a̱ na ji'i̱ ycui' Ndyosi xqui'ya Jesucristo nu Xu'na na, cha' bi' laca nu ngua'ni cha' caca ca stu'ba cha' ji'na lo'o Ni.

1 CORINTIOS 1:31

Bi' cha' cua'ni na ndi'ya̱, ñi'ya̱ nu nscua lo quityi cusu': “Si nti' na chcui' na lo'o xa' ñati̱ cuentya ji'i̱ sca cha' tlyu, li' tso'o la si chcui' na ji'i̱ cha' tlyu nu ngua'ni ycui' nu Xu'na na”. Jua'a̱ nacui̱ quityi bi'.

2 CORINTIOS 2:14

Ndya tsa na' xlya'be ji'i̱ ycui' Ndyosi cha' stu'ba cha' ji'na lo'o Cristo. Laca cha' ñi'ya̱ si ndya'a̱ lo'o ycui' Ndyosi ji'na ndya'a̱ qui'i ti na calle, cha' ndyu'ni chi̱ Ni loo Jesucristo cha' cua ntiji̱loo yu ji'i̱ nu cuxi. Jua'a̱ ji'na ta Ni su tya'a̱ na laja ñati̱ bi', cha' lo'o na nsañi na cha' ji'i̱ ycui' Cristo ca slo lcaa ñati̱; ndacha' na cha' ji'i̱ ycui' Ndyosi ca slo ñati̱, masi nchcui' na lo'o ñati̱ nu nti' clyaá ji'i̱ nu cuxi, masi nchcui' na lo'o xa' ñati̱ nu ná nti' cuna cha' tso'o bi'. Pana ñi'ya̱ laca sca na tyixi xtyi'i nu nda xtyi'i ntyucua lcaa se'i̱, jua'a̱ laca cña nu ndu'ni na cuentya ji'i̱ ycui' Ndyosi. Ndiya tsa ti' ycui' Ndyosi ji'i̱, la cui' jua'a̱ ndiya ti' Ni cña nu ndyu'ni Cristo nde chalyuu xqui'ya na.

FILIPENSES 3:3

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.

FILIPENSES 4:4

Nti' na' cha' lcaa tsa̱ caca chaa ti' ma̱ xqui'ya ycui' nu Xu'na na; masi tucua quiya' chcui' na' cha' bi' lo'o ma̱: Nti' na' cha' caca chaa ti' ma̱.

1 TESALONICENSES 5:23

Ndu'ni ycui' Ndyosi cha' ti̱ ti tyi'i̱ tyiquee na. Bi' cha' juani cua'ni Ni cha' caca ma̱ ñati̱ liñi tsiya' ti; caca tso'o tyiquee ma̱, caca lubii cresiya ji'i̱ ma̱, caca ma̱ ñati̱ nu tyucui tyiquee tsiya' ti. Si lubii cresiya ji'i̱ ma̱ lo'o ca̱a̱ ycui' Jesucristo nu Xu'na na chaca quiya', li' nga'aa ntsu'u cha' sta Ni qui'ya ji'i̱ ma̱;

1 PEDRO 1:8

Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.