SAN LUCAS 1:44 - Chatino Tataltepec

⁴⁴ Chañi cha' nu nda na' lo'o nu'u̱, cha' cua ngüiña xi cubi' nu ntsu'u ne' na' cha' chaa ti' yu laja lo'o ndyuna na' cha' nu nchcui' nu'u̱ lo'o na'.

SAN LUCAS 1:44 Iomraidhean Croise

SAN LUCAS 1:41

pana laja lo'o ndyuna Elisabet cha' nu nchcui' María lo'o, hora ti ngüiña xi cubi' nu ntsu'u ne' ma'. Li' ngutsa'á̱ tyiquee Elisabet ntsu'u Xtyi'i ycui' Ndyosi,

SAN LUCAS 1:43

¿Tilaca ta laca na' cha' cua ndyalaa nu'u̱ nu caca xtya'a̱ nu Xu'na na ca slo na'?

SAN LUCAS 1:45

Tso'o tsa tyiquee nu'u̱ cha' jlya ti' nu'u̱ cha' ji'i̱ ycui' Ndyosi, cha' cua'ni Ni lcaa cha' nu nda ycui' Ni lo'o nu'u̱. Jua'a̱ nacui̱ Elisabet ji'i̱ María.

SAN LUCAS 6:23

tso'o tsa caca tyiquee ma̱ li', caca chaa ti' ma̱, masi cua'ni ngu' lcaa cha' lya' ti' lo'o ma̱ jua'a̱. Ná cube ti' ma̱, cua laca ndyu'u co'o ycui' Ndyosi sca cha' tso'o nu cua tlyu xi nu tyacua ji'i̱ scaa ma̱ ca su ntucua ycui' Ni ―nacui̱ Jesús li'―. La cui' jua'a̱ ngua tya sa'ni la, cha' lya' tsa ti' jyo'o cusu' ji'i̱ ñati̱ nu ngua tu'ba ji'i̱ ycui' Ndyosi cha' nchcui' Ni lo'o ñati̱ ―nacui̱ Jesús―.