SAN LUCAS 1:41 - Chatino Tataltepec

⁴¹ pana laja lo'o ndyuna Elisabet cha' nu nchcui' María lo'o, hora ti ngüiña xi cubi' nu ntsu'u ne' ma'. Li' ngutsa'á̱ tyiquee Elisabet ntsu'u Xtyi'i ycui' Ndyosi,

SAN LUCAS 1:41 Iomraidhean Croise

SAN LUCAS 1:15

cha' nu bi' caca sca ñati̱ tlyu nde loo ycui' Ndyosi. Ná co'o Juan bi' lcui ngatsi, lo'o jua'a̱ ni sca lo lcui ná co'o yu. Tya hora nu cala yu, li' tyanu Xtyi'i ycui' Ndyosi ne' cresiya ji'i̱ yu.

SAN LUCAS 1:40

Li' ndyalaa María to' tyi Zacarías, nguxana nchcui' lo'o Elisabet;

SAN LUCAS 1:42

bi' cha' cui̱i̱ tsa nchcui' ma' lo'o María li': ―Tlyu tsa cha' tso'o nu nda ycui' Ndyosi jinu'u̱ ―nacui̱ Elisabet ji'i̱ María―. Ná cua'ni Ni jua'a̱ lo'o xa' la nu cuna'a̱. Lo'o jua'a̱ tyaca'a tsa cubi' nu ntsu'u jinu'u̱ cuentya ji'i̱ ycui' Ndyosi ―nacui̱―.

SAN LUCAS 1:44

Chañi cha' nu nda na' lo'o nu'u̱, cha' cua ngüiña xi cubi' nu ntsu'u ne' na' cha' chaa ti' yu laja lo'o ndyuna na' cha' nu nchcui' nu'u̱ lo'o na'.

SAN LUCAS 1:67

Cua ngutsa'á̱ tyiquee Zacarías ntsu'u nu Xtyi'i ycui' Ndyosi lo yu. Li' nguxana nu cusu' bi' nda cha' lo'o ñati̱ ca bi', lcaa ña'a̱ cha' nu cua nda Ni lo'o ycui' yu. Ndi'ya̱ nchcui' yu:

SAN LUCAS 4:1

Ngutsa'á̱ tyiquee Jesús ndi'i̱ Xtyi'i ycui' Ndyosi ne' cresiya ji'i̱, nu lo'o ndu'u Jesús to' sta'a̱ Jordán ñaa chaca quiya'; nde sca nati̱' btyi su ná ndi'i̱ ñati̱ ndyaa li',

LOS HECHOS 2:4

jua'a̱ ngua lo'o ndyanu Xtyi'i ycui' Ndyosi ne' cresiya ji'i̱ lcaa ngu' bi'. Li' nguxana nchcui' ngu' cha'cña ji'i̱ xa' ñati̱, cha' Xtyi'i ycui' Ndyosi ngua'ni lo'o ngu' cha' ngua ji'i̱ ngu' li'.

LOS HECHOS 4:8

Li' tso'o tsa nguxtyucua Xtyi'i ycui' Ndyosi ji'i̱ Pedro, bi' cha' ngua ji'i̱ yu nguxacui̱ yu cha' ji'i̱ ngu' nu laca loo, jua'a̱ ji'i̱ ngu' cusu' bi': ―Cu'ma̱ ngu' cusu' nu laca loo ji'i̱ ya ―nacui̱ Pedro ji'i̱ ngu'―,

LOS HECHOS 6:3

Cu'ma̱ ngu' tya'a na, tso'o la si subi ma̱ tya chcati tya'a ngu' tya'a ma̱ nu caca cña bi', cha' stu'ba ti xtyucua ngu' ji'i̱ lcaa ngu' ti'i tya'a na. Nga'a̱ cha' caca ngu' bi' ñati̱ nu tso'o tsaa nchcui' ngu' ji'i̱, ñati̱ nu nclyacua tso'o ti', ñati̱ nu ntsu'u Xtyi'i ycui' Ndyosi ne' cresiya ji'i̱ cha' ta la juersa ji'i̱, cha' taca cña'a̱si̱i̱ tso'o ngu' lcaa na nu ntsu'u ji'na. Tso'o si jua'a̱ laca ñati̱ nu cua'a̱ lo ma̱ cña ji'i̱ cha' caca ngu' cña bi'.

LOS HECHOS 7:55

Nxña'a̱ Esteban nde cua̱, li' na'a̱ yu sca xee tlyu tsa nu ngua'ni Xtyi'i ycui' Ndyosi cha' ña'a̱ yu ji'i̱; xee ji'i̱ ycui' Ndyosi ngua bi'. Lo'o li' na'a̱ yu ji'i̱ ycui' Jesús ndu̱ la'a tsu' cui̱ ca su ntucua ycui' Ndyosi.

LOS HECHOS 9:17

Li' ndyaa Ananías slo Saulo ca to' tyi Judas bi'. Ndyatí̱ Ananías ni'i̱, ngusta ya' yu lo Saulo, nchcui' yu lo'o nu Saulo bi' li': ―Saulo, tya'a na' ―nacui̱ yu―. La cui' Jesucristo nu laca Xu'na na cua ngulu'uloo Ni jinu'u̱ tyucui̱i̱ su lijya̱ nu'u̱ ca quichi̱ re. Lo'o nu juani cua ngulo nu Xu'na na cña 'na cha' ca̱a̱ na' slo nu'u̱ cha' cua'ni na' jo'o ji'i̱ cloo nu'u̱, cha' caca ña'a̱ nu'u̱ chaca quiya'; bi' cha' lijya̱ na' slo nu'u̱ juani, xqui'ya cha' nti' Xtyi'i ycui' Ndyosi tyanu ne' cresiya jinu'u̱.

EFESIOS 5:18

Ná ca cu'bi ma̱; ndu'ni ñu'u̱ tsa nu xña'a̱ ji'i̱ ñati̱ cha' chcuna' chalyuu ji'i̱ ngu', xqui'ya cha' cu'bi ngu'. Xa' ña'a̱ cua'ni ma̱, cha' xtyucua Xtyi'i ycui' Ndyosi ji'i̱ ma̱ lo'o cua ña'a̱ ca cña nu cua'ni ma̱ chalyuu.

APOCALIPSIS 1:10

Tsa̱ clyo ji'i̱ semana ngua, tsa̱ ji'i̱ ycui' nu Xu'na na, li' tyucui ña'a̱ na' ngua tii na' cha' ngua'ya Xtyi'i ycui' Ndyosi lo na' tsiya' ti; nga'aa ngua cua'ni na' xa' la cha'. Li' ndyuna na' cha' nchcui' tsaca ñati̱ nde chu̱' su ndu̱ na'; cui̱i̱ ngusi'ya bi' lo'o nchcui', ñi'ya̱ ndañi nclya'á ngu' sca cui'chcua̱.