SAN LUCAS 1:4 - Chatino Tataltepec

⁴ cha' caca cuayá' ti' nu'u̱ tso'o la lcaa cha' nu nda ngu' lo'o nu'u̱.

SAN LUCAS 1:4 Iomraidhean Croise

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

LOS HECHOS 18:25

Tya tsubi' la cua ngulu'u tso'o ngu' ji'i̱ yu lcaa cha' nu cuentya ji'i̱ ycui' nu Xu'na na; bi' cha' yala ti ti' yu, ná taja ti' yu tsiya' ti cha' chcui' yu cha' bi'. Tso'o tsa nclyu'u yu cha' ji'i̱ Jesús lo'o ñati̱ li'; jua'a̱ ntyucuatya yu ji'i̱ ngu' ñi'ya̱ nu ntyucuatya jyo'o Juan, cha' bilya ca cuayá' ti' yu lcaa cha' ji'i̱ Jesús.

ROMANOS 2:18

Na cua jlo ti' ma̱ ñi'ya̱ laca cña nu nti' ycui' Ndyosi cha' cua'ni ma̱, nti' ma̱; cua nguscua Moisés cha' bi' lo quityi cuentya ji'i̱ ma̱, bi' cha' cua nda la ma̱ xi cuentya ñi'ya̱ laca sca cha' tso'o, ñi'ya̱ laca sca cha' cuxi.

1 CORINTIOS 14:19

Pana nu lo'o ndyu'u ti'i̱ na cha' cua'ni tlyu na ji'i̱ ycui' Ndyosi, nti' na' cha' tso'o la si chcui' na' lo'o ma̱ sca tucua ti si'yu cha' nu nchca cuayá' ti' ma̱ cha' ca tsa'a̱ la ma̱ li'; ná ndulo cha' ji'i̱ ma̱ masi chcui' na' tii mil tya'a si'yu cha' nu nchcui' xa' ñati̱ nu ná nduna ma̱ ji'i̱ tsiya' ti, ná sca cha' laca bi'.

GÁLATAS 6:6

Lcaa tya'a na nu ndyaca tsa'a̱ na cha' tso'o nu cua nda Cristo bi', ntsu'u cha' ta na xi cha' tso'o nu ntsu'u ji'na cha' caja cua ña'a̱ ca na nu tyiji̱ yu'u ji'i̱ mstru nu ngulu'u cha' tso'o bi' ji'na.