SAN LUCAS 1:34 - Chatino Tataltepec

³⁴ Li' nchcui' María lo'o xca̱ bi': ―¿Ñi'ya̱ caca re lacua, cha' nu bilya caja clyo'o na'? ―nacui̱ María ji'i̱ xca̱ bi'.

SAN LUCAS 1:34 Iomraidhean Croise

SAN LUCAS 1:33

cha' lcaa tsa̱ ná tye cha' caca yu loo ji'i̱ lcaa tya'a ngu' Israel; jua'a̱ ná tye cha' culo yu cña ji'i̱ lcaa ñati̱ chalyuu.

SAN LUCAS 1:35

Li' nda xca̱ sca cha' lo'o: ―Ta ycui' Ndyosi Xtyi'i Ni cha' tya̱a̱ su ndi'i̱ nu'u̱, cha' tyu'ú tyucui ña'a̱ nu'u̱; sca cha' tlyu nu cua'ni ycui' Ndyosi nu laca loo caca cha' bi'. Nu lo'o cala sñi' nu'u̱, sca ñati̱ nu lubii tsa cuentya ji'i̱ ycui' Ndyosi caca cubi' nu cala bi', la cui' bi' laca nu caca naa Sñi' ycui' Ndyosi.

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.