SAN LUCAS 1:32 - Chatino Tataltepec

³² Caca yu bi' sca ñati̱ tlyu. Ñacui̱ ngu' ji'i̱ yu cha' Sñi' ycui' Ndyosi nu Xu'na na nu tlyu la caca yu. La cui' tya'a cña tlyu nu ngua'ni jyo'o rey David, nu tya'a yu nu ya̱a̱ chalyuu cua sa'ni la, bi' cña laca nu ta ycui' nu Xu'na na ji'i̱ Jesús,

SAN LUCAS 1:32 Iomraidhean Croise

SAN MATEO 1:1

Nde nscua na' qui'i ti cha' ji'i̱ lcaa ñati̱ nu ngua jyo'o cusu' ji'i̱ Jesucristo, cha' ñati̱ tya'a ji'i̱ jyo'o David laca yu, lo'o jua'a̱ ñati̱ tya'a ji'i̱ jyo'o Abraham laca yu, masi tyijyu' ti.

SAN MATEO 12:42

Lo'o caca cuayá' chalyuu ni, la cui' jua'a̱ tyatu̱ jyo'o reina nu ngua loo ji'i̱ ngu' nde Sur, cha' sta nu cuna'a̱ bi' qui'ya ji'i̱ cu'ma̱ nu lu'ú chalyuu juani. Li' chcui' ma' cusu' bi' ñi'ya̱ ngua lo'o ndyaa ycui' ma' slo jyo'o rey Salomón. Tyijyu' tsa quichi̱ tyi ma' reina bi'; pana cua ngujui cha' ji'i̱ ma' cha' ngua tsa ji'i̱ Salomón bi', cha' tso'o tsa cui̱i̱ nu nda yu. Bi' cha' ndyalaa ma' slo nu rey bi' cha' cuna ma' cui̱i̱ nu nda nu cusu' bi', masi xti la cha' ngulu'u jyo'o Salomón bi' que cha' nu nclyu'u na' ji'i̱ ma̱ juani. Tlyu la cha' ji'i̱ ycui' Ndyosi laca nu nclyu'u na' ji'i̱ ma̱ juani, pana ná nduna ma̱ tsiya' ti.

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN MATEO 3:11

Lo'o na' ni, ntyucuatya na' ji'i̱ ma̱ lo'o hitya, si chañi cha' cua ngua tyuju'u ti' ma̱ ji'i̱ qui'ya nu ntsu'u ji'i̱ ma̱; pana cua ca̱a̱ ti sca ñati̱ nu tso'o la que na'. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na', masi caña nu ntsu'u quiya' ñati̱ bi' culo na'. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti; pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu' nu lo'o tyucuatya yu ji'i̱ ngu', lo'o li' subii Ni ji'i̱ ngu' lo'o xee ji'i̱ Ni cha' caca lubii ne' cresiya ji'i̱ ngu'.

SAN MARCOS 14:61

Ti̱ ti ndu̱ Jesús, ni sca cha' ná nguxacui̱ yu tsiya' ti. Bi' cha' xa' nchcuane sti jo'ó nu laca loo la ji'i̱ yu li': ―¿Ha chañi cha' Cristo laca nu'u̱? ―nacui̱―. ¿Ha nu'u̱ laca nu sca ti Sñi' ycui' Ndyosi nu ndu'ni tlyu na ji'i̱? ―nacui̱ sti jo'ó bi' ji'i̱ Jesús.

SAN MARCOS 5:7

Cui̱i̱ ngusi'ya nu quicha bi' ji'i̱ Jesús li': ―¿Ñi'ya̱ cña nti' nu'u̱ jna'? ―nchcuane yu quicha ji'i̱ Jesús li'―. Nu'u̱ laca Jesús nu sca ti Sñi' ycui' Ndyosi, ycui' Ni nu laca loo la ―nacui̱―. Chacuayá' ji'i̱ ycui' Ndyosi, ná xcube' nu'u̱ jna'.

SAN LUCAS 1:15

cha' nu bi' caca sca ñati̱ tlyu nde loo ycui' Ndyosi. Ná co'o Juan bi' lcui ngatsi, lo'o jua'a̱ ni sca lo lcui ná co'o yu. Tya hora nu cala yu, li' tyanu Xtyi'i ycui' Ndyosi ne' cresiya ji'i̱ yu.

SAN LUCAS 1:35

Li' nda xca̱ sca cha' lo'o: ―Ta ycui' Ndyosi Xtyi'i Ni cha' tya̱a̱ su ndi'i̱ nu'u̱, cha' tyu'ú tyucui ña'a̱ nu'u̱; sca cha' tlyu nu cua'ni ycui' Ndyosi nu laca loo caca cha' bi'. Nu lo'o cala sñi' nu'u̱, sca ñati̱ nu lubii tsa cuentya ji'i̱ ycui' Ndyosi caca cubi' nu cala bi', la cui' bi' laca nu caca naa Sñi' ycui' Ndyosi.

SAN LUCAS 1:76

Lo'o nu'u̱ juani, sñi', nacui̱ yu ji'i̱ nu piti Juan, chcui' ngu' cha' nu'u̱ laca nu ta cui̱i̱ lo'o ñati̱ cuentya ji'i̱ ycui' Ndyosi nu laca loo. Tya'a̱ nu'u̱ ca nde loo la ji'i̱ ycui' nu Xu'na na, cha' quiñi tso'o tyucui̱i̱ su ca̱a̱ ycui'.

SAN LUCAS 3:16

Li' nchcui' Juan lo'o lcaa ngu' nu ndi'i̱ bi': ―Lo'o hitya ti ntyucuatya na' ji'i̱ ma̱ ―nacui̱ Juan―, pana cua ca̱a̱ ti chaca ñati̱ slo cu'ma̱ nu nchca la ji'i̱ que na'. Lo'o na' cua'ni tlyu na' ji'i̱ ñati̱ bi'. Tso'o tsa cña ngujui 'na nti' na', masi caña ntsu'u quiya' ñati̱ bi' sati̱' na' juata. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti, pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu', nu lo'o tyucuatya yu ji'i̱ ngu'. Lo'o li' cua'ni lubii Ni ji'i̱ ngu' bi' lo'o xee ji'i̱ Ni, cha' jua'a̱ caca tso'o tyiquee ngu' ―nacui̱―.

SAN LUCAS 6:35

Pana nu cu'ma̱ ni, ntsu'u cha' tyu'u tso'o tyiquee ma̱ ña'a̱ ma̱ ji'i̱ tya'a cusu̱u̱ ma̱, cua'ni ma̱ cha' tso'o lo'o ngu' bi'. Ta ma̱ jñi' ngu', ná tu̱ ti' ma̱ si ta ngu' sca cha' tso'o ji'i̱ ma̱, si ná ta ngu'. Tlyu tsa cha' tso'o tyacua ji'i̱ ma̱ ca slo ycui' Ndyosi si tso'o ntsu'u tyiquee ma̱ ña'a̱ ma̱ ji'i̱ ngu', cha' jua'a̱ ndu'ni ñati̱ nu laca sñi' ycui' Ndyosi. Lo'o ycui' Ndyosi ni, tya'na ti' Ni ji'i̱ ngu', masi xña'a̱ ngu', masi ná ndya ngu' xlya'be ji'i̱ Ni;

SAN JUAN 12:34

Li' nguxtyacui ngu' cha' lo'o Jesús: ―Cua ndyuna ya lo'o nchcui' ngu' lo quityi cusu' ji'na, cha' ndi'ya̱ nscua, cha' ná nga'a̱ cha' tye tsa̱ ji'i̱ Cristo, nu ñati̱ tlyu nu ta ycui' Ndyosi ji'i̱ lijya̱ ―nacui̱ ngu'―. ¿Ñi'ya̱ ndyu'u cha' nu nchcui' nu'u̱ cha' ntsu'u cha' cujui'i̱ ca'a̱ ngu' ji'i̱ lo crusi, ji'i̱ Cristo nu ya̱a̱ chalyuu cha' caca ñati̱? ¿Ñi'ya̱ ña'a̱ ñati̱ laca nu Cristo bi'?

SAN JUAN 6:69

Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.

LOS HECHOS 16:17

Ndyaa lca'a̱ cho' ji'i̱ Pablo lo'o ji'i̱ cuare. Cui̱i̱ tsa ngusi'ya nu cuna'a̱ quicha bi' lijya̱: ―Msu ji'i̱ ycui' Ndyosi nu laca loo laca ngu' re ―nacui̱ nu quicha bi'―. Culu'u ngu' ji'i̱ ma̱ ñi'ya̱ nu cua'ni lyaá ycui' Ndyosi ji'i̱ ma̱.

LOS HECHOS 2:30

Tu'ba ji'i̱ ycui' Ndyosi ngua jyo'o David bi'; jlo ti' yu cha' nda Ni cha' liñi lo'o yu lo'o nchcui' Ni cha' sca ñati̱ tya'a nati̱ ji'i̱ ycui' yu cala nde loo la, bi' caca nu Cristo. Caca Cristo bi' rey, ñi'ya̱ lo'o ngua ycui' David rey.

LOS HECHOS 2:36

’Ntsu'u sca cha' ji'i̱ ycui' Jesús nu nga'a̱ cha' ca cuayá' ti' lcaa na nu laca na ngu' Israel: La cui' Jesús nu ngujui'i̱ ca'a̱ na ji'i̱ lo crusi cha' cujuii na ji'i̱, la cui' yu bi', cua nda ycui' Ndyosi chacuayá' ji'i̱ yu cha' caca yu Xu'na na, cha' laca yu nu Cristo.

LOS HECHOS 7:48

Lo'o ycui' Ndyosi ni, ná ntaja'a̱ Ni tyanu Ni ne' ni'i̱ nu ngüiñá ñati̱ ti, cha' laca ycui' Ndyosi loo ji'i̱ lcaa ca chalyuu. Ñi'ya̱ nguscua sca jyo'o cusu' cha' cuentya ji'i̱ ycui' Ndyosi tya sa'ni la:

ROMANOS 1:4

lo'o jua'a̱ laca Jesús nu sca ti Sñi' nu ntsu'u ji'i̱ ycui' Ndyosi. Ndi'ya̱ caca cuayá' tso'o ti' na cha' bi': chacuayá' ji'i̱ ycui' Ndyosi Sti yu ndyu'ú Jesús chaca quiya' lo'o cua ngujuii yu, tlyu tsa cha' ngua'ni Ni li'. Nu lo'o nda ycui' Ndyosi Xtyi'i ycui' Ni ji'i̱ Jesús, nda Ni cha' lo'o na cha' Sñi' ycui' ca Ni laca nu Jesús bi'.

APOCALIPSIS 3:7

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Filadelfia, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui̱' lo'o ma̱, na' nu laca̱ nu sca ti Sñi' ycui' Ndyosi: Xcui' lubii tsa cresiya 'na, xcui' cha' liñi ndu'ni na'. Juani laca na' loo ji'i̱ ñati̱ 'na ñi'ya̱ ngua jyo'o David loo ji'i̱ ngu' tya sa'ni la. Nu lo'o ta na' chacuayá' cha' cua'ni ñati̱ sca cña, ná tucui taca ji'i̱ tacu̱' cha' ji'i̱ ngu' bi' li'; nu lo'o tacu̱' na' cha' ji'i̱ ñati̱ cha' ná cua'ni ngu' sca cña, ná tucui taca ji'i̱ cua'ni cña bi' li'.