SAN LUCAS 1:31 - Chatino Tataltepec

³¹ Caca tana nu'u̱, caja sñi' nu'u̱; ñacui̱ nu'u̱ cha' Jesús ca naa cubi' nu caja jinu'u̱.

SAN LUCAS 1:31 Iomraidhean Croise

SAN MATEO 1:21

Lo'o cala sñi' nu cuna'a̱ bi', cubi' qui'yu caca nu bi'. Lo'o xcua xtañi cubi' bi' li', bi' ca naa Jesús. Lo'o nu Jesús bi' ni, bi' laca nu cua'ni lyaá ji'i̱ ñati̱ nu ntsu'u cha' ji'i̱ lo'o ycui' Ni, cha' clyaá ngu' ji'i̱ qui'ya nu ntsu'u ji'i̱ ngu'.

SAN MATEO 1:23

Caca tana sca nu cuna'a̱ nu ntucua ycui' ti, lo'o li' qui'yu caca sñi'; Emanuel ñacui̱ ngu' ji'i̱ cubi' bi'. Jua'a̱ nscua lo quityi, bi' cha' jua'a̱ ngua ji'i̱ María li'. Nu nchcui' ngu' Emanuel ni, ndi'ya̱ nti' ñacui̱ cha' bi': Ndi'i̱ ycui' Ndyosi lo'o na.

SAN MATEO 1:25

pana ná ngujua' yu lo'o ña'a̱ cuayá' nu cua ngula sñi'. Lo'o cua ngula cubi', li' ngua naa Jesús.

SAN LUCAS 1:13

Nchcui' xca̱ bi' lo'o yu li': ―Ná cutsi̱i̱ nu'u̱ Zacarías ―nacui̱―. Cua ndyuna ycui' Ndyosi cha' nu tya'na tsa nchcui' nu'u̱ lo'o Ni, bi' cha' cala sca sñi' Elisabet clyo'o nu'u̱. Juan caca naa yu, jua'a̱ caca xtañi nu sta nu'u̱ ji'i̱.

SAN LUCAS 1:27

Nda ycui' Ndyosi ji'i̱ xca̱ bi' ji'i̱ Ni cha' tsaa slo sca nu cuna'a̱ nu ntucua ycui' ti. Na cua ngüiñi cha' ji'i̱ nu cuna'a̱ bi', cha' caja clyo'o lo'o sca nu qui'yu nu naa José; David laca xtañi nu qui'yu bi', sca ti xtañi yu lo'o jyo'o cusu' David nu ngutu'ú sa'ni la. María naa nu cuna'a̱ nu ntucua ycui' ti bi', lo'o jua'a̱ la cui' tya'a nu Elisabet bi' laca María.

SAN LUCAS 2:21

Cua ndu'u scua snu' tsa̱, li' ngulacua̱ ngu' ji'i̱ nu cubi' cuañi' bi' cuentya ji'i̱ ngu' judío. Li' ngusta ngu' xtañi cha' Jesús caca naa yu, nacui̱ ngu', cha' la cui' jua'a̱ cua ndacha' xca̱ ji'i̱ ycui' Ndyosi ji'i̱ María lo'o tya lyiji caca tana.

SAN LUCAS 20:44

Xu'na na', ngua'ni ycui' David ji'i̱ Cristo. ¿Ñi'ya̱ caca chcui' ngu' cha' jyo'o cusu' ti ji'i̱ Cristo ngua David lacua?

GÁLATAS 4:4

Pana lo'o cua ndyalaa tsa̱ nu ndu'u scua cha' nu ngüiñi ji'i̱ Ni lo'o na, li' cua nda ycui' Ndyosi ji'i̱ Sñi' ycui' ca Ni ñaa chalyuu; sñi' sca nu cuna'a̱ ngu' judío ngua nu Jesús bi', lo'o jua'a̱ ndaquiya' tsa yu ji'i̱ lcaa cha' cusu' nu jlya ti' ngu' judío.