SAN LUCAS 1:20 - Chatino Tataltepec

²⁰ Cua'a̱ jyaca̱ nu'u̱ jna' juani: caca cu'u̱ nu'u̱ juani, cha' nga'aa caca chcui' nu'u̱ ña'a̱ cuayá' nu cala cubi' bi' jinu'u̱; jua'a̱ caca jinu'u̱ xqui'ya cha' ná jlya ti' nu'u̱ jna'. Chañi tyalaa tyempo bi', li' caca cuayá' ti' nu'u̱ cha' cha' liñi laca lcaa cha' nu nchcui' na' lo'o nu'u̱ ―nacui̱ xca̱ bi' ji'i̱ Zacarías.

SAN LUCAS 1:20 Iomraidhean Croise

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN MARCOS 9:19

―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.

SAN LUCAS 1:19

―Gabriel naa na' ―nacui̱ xca̱ ji'i̱ yu li'―. Na ndu̱ ti na' ca slo ycui' Ndyosi; bi' laca nu nda 'na lijya̱a̱ cha' chcui' na' lo'o nu'u̱, cha' ta na' cha' tso'o re lo'o nu'u̱.

SAN LUCAS 1:21

Tya ndi'i̱ ngu' quichi̱ to' laa, ntajatya ngu' ji'i̱ nu Zacarías bi' ña'a̱ cuaya' nu tyu'u yu nde liya'; pana quiña'a̱ tsa nclyacua ti' ngu' ni cha' tyiquee' tsa ngutu'u Zacarías nde ne' laa bi'.

SAN LUCAS 1:22

Lo'o ndu'u Zacarías nde liya', li' nga'aa ngua chcui' yu lo'o ngu'. Ngua tii ngu' cha' ne' laa ngulu'uloo sca xee tlyu ji'i̱ yu nu ndu'u ya̱a̱ ca slo ycui' Ndyosi. Li' se'i̱ ti ndu̱ yu ndyu'ni ya' yu ji'i̱ ngu', pana ndyanu cu'u̱ ti yu.

SAN LUCAS 1:45

Tso'o tsa tyiquee nu'u̱ cha' jlya ti' nu'u̱ cha' ji'i̱ ycui' Ndyosi, cha' cua'ni Ni lcaa cha' nu nda ycui' Ni lo'o nu'u̱. Jua'a̱ nacui̱ Elisabet ji'i̱ María.

SAN LUCAS 1:64

Hora ti ndyaala tu'ba Zacarías, nguxana ndyu'ni tlyu yu ji'i̱ ycui' Ndyosi li'.

ROMANOS 3:3

Masi ntsu'u xi ngu' judío nu nga'aa jlya ti' ji'i̱ ycui' Ndyosi, ná culaya' Ni ji'i̱ cua ña'a̱ ca ngu' judío xqui'ya nu xti ti ñati̱ bi'.

2 TIMOTEO 2:13

Masi tya'a̱chu̱' na ji'i̱ ycui' Ni, ña'a̱ ti tya tso'o tsa ndu'ni Jesucristo lo'o na; ná ncha'a̱ cha' ji'i̱ Jesús, ña'a̱ ti tya cua'ni Ni ñi'ya̱ nu cua nacui̱ ycui' Ni cha' cua'ni Ni.

TITO 1:2

lo'o jua'a̱ taca jatya na ji'i̱ chalyuu nu ná nga'a̱ cha' tye ji'na li'. Ná cuiñi ycui' Ndyosi. Sa'ni tsa nchcui' Ni cha' caja chalyuu bi' ji'na, tya lo'o ngüiñá Ni chalyuu; tya li' nda Ni cha' lo'o ñati̱ ji'i̱ Ni nde chalyuu cha' taca tyi'i̱ ngu' slo Ni.

HEBREOS 6:18

Xqui'ya lcaa cha' bi' cua jlo ti' na cha' ná nga'a̱ cha' cha'a̱ tsiya' ti sca cha' nu cua nacui̱ ycui' Ndyosi cha' caca, cha' ná nti' Ni cñilo'o Ni ji'na tsiya' ti. Tso'o ti ndi'i̱ tyiquee na juani, cha' ni sca cha' cuxi ná taca xcutsi̱i̱ ji'na, xqui'ya cha' jlya ti' na cha' nu nda ycui' Ndyosi lo'o na; cua ngua'ni Ni cha' ndyaca tlyu la tyiquee na, cha' xñi tso'o na lcaa cha' nu cua nchcui' Ni lo'o na ña'a̱ cuayá' nu tyu'u tucua cha' bi'.

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.