SAN LUCAS 1:2 - Chatino Tataltepec

² Lo'o jua'a̱ ntsu'u ngu' nu ngulu'u cha' bi' ji'na; ngu' bi' ni, cua na'a̱ ngu' cha' bi' clyo, tya lo'o nguxana Jesús ngua'ni yu cña, lo'o jua'a̱ ndyaa ngu' nchcui' ngu' cha' ji'i̱ Jesús lo'o lcaa ñati̱.

SAN LUCAS 1:2 Iomraidhean Croise

SAN MARCOS 1:1

Nde nscua cha' nu ntsu'u su̱u̱ cha' tso'o ji'i̱ Jesucristo, nu sca ti Sñi' ycui' Ndyosi.

SAN MARCOS 16:20

Li' ndu'u ngu' nu ngua tsa'a̱ ji'i̱, ndyaa ngu' lcaa quichi̱ cha' chcui' ngu' cha' ji'i̱ Jesús lo'o xa' ñati̱. Nxtyucua tsa nu Xu'na na ji'i̱ nu ngu' nu ngua tsa'a̱ ji'i̱, hasta ngua cuayá' tso'o ti' ngu' lcaa quichi̱ su ndyaa ngu' bi', cha' chañi tsa cha' nu nchcui' ngu' cuentya ji'i̱ ycui' Ndyosi; ngua cuaya' ti' ngu' quichi̱ bi' lo'o na'a̱ ngu' cha' tonu nu ngua'ni ngu' bi' chacuayá' ji'i̱ ycui' Ndyosi. Tsa lo cua ti cha'.

SAN MARCOS 4:14

Ñi'ya̱ laca ñati̱ nu ndyataa si'yu bi', jua'a̱ laca ñati̱ nu nchcui' cha' tso'o ji'i̱ ycui' Ndyosi lo'o xa' la ñati̱.

SAN LUCAS 24:48

Lo'o cu'ma̱ ni, taca chcui' ma̱ cuentya jna', cha' jlo ti' ma̱ lcaa ña'a̱ nu cua ngua 'na.

SAN JUAN 15:27

Lo'o cu'ma̱ ni, cua nguti'i̱ ma̱ lo'o na' tya clyo, bi' cha' taca ji'i̱ ma̱ chcui' liñi ma̱ cha' jna' lo'o xa' ñati̱.

SAN JUAN 16:4

Cua nchcui' na' lcaa cha' bi' lo'o ma̱ juani, cha' nu lo'o tyalaa tyempo cuxi bi', li' taca tyi'u ti' ma̱ ñi'ya̱ nu cua nchcui' na' lo'o ma̱ juani. ’Tya clyo ná nda na' cha' bi' lo'o ma̱, cha' tya ndi'i̱ na' lo'o ma̱ ―nacui̱ Jesús―.

LOS HECHOS 1:3

Lo'o cua ngujuii Jesús, ndyu'ú yu chaca quiya', li' ndu'u tucua yu slo ngu' bi'. Tya tu'ba tsa̱ ndya'a̱ Jesús chalyuu, lo'o jua'a̱ tyu̱u̱ quiya' ndu'u tucua yu slo ngu' bi'; tso'o tsa ngulu'u yu ji'i̱ ngu' cha' chañi cha' cua ndyu'ú yu chaca quiya'. Lo'o jua'a̱ ngulu'u yu ji'i̱ ngu' bi' ñi'ya̱ nu caca ycui' Ndyosi loo ne' cresiya ji'i̱ ñati̱.

LOS HECHOS 1:8

Juani xa' chcui' na' lo'o ma̱, cha' caja ñi'ya̱ cua'ni ma̱ nu lo'o tyanu Xtyi'i ycui' Ndyosi ne' cresiya ji'i̱ ma̱, cha' li' taca chcui' ma̱ cha' tso'o lo'o lcaa ñati̱, nu cha' ji'i̱ ycui' na'. Chcui' ma̱ lo'o ngu' nde quichi̱ Jerusalén, jua'a̱ lo'o ngu' loyuu su cuentya Judea, jua'a̱ lo'o ngu' loyuu cacua ti nu naa Samaria bi'; chcui' ma̱ lo'o ngu' lcaa quichi̱ su ndi'i̱ ngu' chalyuu.

LOS HECHOS 14:25

cha' tsaa ngu' ca quichi̱ Perge. Ngulu'u ngu' ji'i̱ ngu' quichi̱ bi' ñi'ya̱ laca cha' ji'i̱ Jesucristo. Li' ndu'u ngu' ndyaa ngu' ca quichi̱ Atalia,

LOS HECHOS 16:6

Lo'o li' ná nda Xtyi'i ycui' Ndyosi chacuayá' ji'i̱ ngu' cha' culu'u ngu' cha' ji'i̱ Jesucristo ca quichi̱ nde loyuu su cuentya Asia, bi' cha' nteje tacui ngu' loyuu su cuentya Frigia, lo'o jua'a̱ loyuu su cuentya Galacia,

LOS HECHOS 17:11

Tso'o la tyiquee ngu' quichi̱ Berea bi'; si'i na cuxi tyiquee ngu' bi' ñi'ya̱ laca tyiquee ngu' Tesalónica. Nti' tsa ngu' cuna ngu' cua ña'a̱ ca cha' nu nda Pablo lo'o Silas lo'o ngu'. Lcaa tsa̱ nclyana ngu' lo quityi ji'i̱ ycui' Ndyosi si cha' liñi laca nu nchcui' ngu' bi';

LOS HECHOS 26:16

“Tyatu̱ nu'u̱ juani. Cua ngulu'u loo na' jinu'u̱ juani cha' cua'ni nu'u̱ cña jna', cha' cacha' nu'u̱ ji'i̱ xa' ñati̱ cha' cua na'a̱ nu'u̱ jna' tsa̱ juani. Lo'o jua'a̱ ntsu'u cha' ta nu'u̱ cha' lo'o ngu', lcaa ña'a̱ cha' nu culu'u na' jinu'u̱ nde loo la.

LOS HECHOS 4:20

Tso'o la nti' ya cha' cua'ni ya cña nu ngulo ycui' Ndyosi ji'i̱ ya; bi' cha' ná tye chca cha' chcui' ya lo'o ñati̱, lcaa cha' nu cua na'a̱ ya ji'i̱ Jesús, lo'o lcaa cha' nu cua ndyuna ya, cha' nu nchcui' yu lo'o ya.

LOS HECHOS 8:4

Lo'o nu ngu' nu ndyaa xa' quichi̱ bi' ni, nda ngu' cha' ji'i̱ Cristo nu Xu'na na lo'o ngu' lcaa quichi̱ ca su ndyaa ngu'.

ROMANOS 15:16

Cua ngusubi ycui' Ndyosi 'na cha' cua'ni na' cña ji'i̱ Jesucristo; cña bi' laca cha' tsa'a na' ta na' cha' tso'o ji'i̱ ycui' Ndyosi lo'o ngu' xa' tsu', lcaa su ndi'i̱ ngu'. Jua'a̱ ndyu'ni na', cha' tyucui tyiquee ngu' caca ngu' bi' ñati̱ ji'i̱ ycui' Ndyosi xqui'ya cña nu cua'ni Xtyi'i ycui' Ndyosi ne' cresiya ji'i̱ ngu'. Li' tyaja'a̱ Ni quiñi cha' ji'i̱ Ni lo'o ngu' bi' xqui'ya na'.

1 CORINTIOS 4:1

Nga'a̱ cha' tyi'u ti' ma̱ cha' cña ji'i̱ ycui' Cristo ndyu'ni ya. Na ndi'ya lo ya cña cha' culu'u ya ji'i̱ ñati̱ lcaa cha' nu cua ngulu'u ycui' Ndyosi ji'i̱ ya; sca cha' nu bilya cuna ñati̱ chalyuu tsiya' ti, bi' laca cha' nu culu'u ya ji'i̱ ngu'.

HEBREOS 2:3

La cui' ti cha' caca ji'na juani, si ná taquiya' na ji'i̱ cha' nu cua ndyuna na bi', cha' clyaá na ji'i̱ nu cuxi; ná caja ñi'ya̱ clyaá na ji'i̱ ycui' Ndyosi lo'o cua ndye chalyuu, nu lo'o cua'ni cuayá' Ni ji'i̱ lcaa ñati̱. Clyo ndacha' ycui' Jesús nu Xu'na na cha' bi' ji'i̱ ñati̱ nu ngua tsa'a̱ ji'i̱ yu, jua'a̱ ndyuna ngu' bi' cha' nu nchcui' yu; tiya' la li', lo'o ji'na ndacha' ngu' bi' cha' bi'. Bi' cha' jlo ti' na cha' chañi laca cha' bi'.

1 PEDRO 5:1

Sca ngu' cusu' nu laca loo laca na', lo'o juani nti' na' ta na' sca cui̱i̱ lo'o cu'ma̱ tya'a cusu' na. Lo'o na', cua na'a̱ na' ji'i̱ Cristo lo'o nguxcube' ngu' ji'i̱ yu, bi' cha' jlo ti' na' cha' stu'ba ti tyi'i̱ lcaa tya'a na ca slo ycui' Ndyosi; ña'a̱ na cha' tlyu nu caca li'.

2 PEDRO 1:16

Si'i cña cua̱ nu ngua'ya hique ti ya ngua cha' nu nchcui' ya lo'o ma̱, nu lo'o ndacha' ya ji'i̱ ma̱ cha' tlyu tsa cha' caca ji'i̱ ycui' Jesucristo nu Xu'na na nu lo'o ca̱a̱ yu chaca quiya'. Ycui' cuare cua na'a̱ ya ji'i̱ Jesús lo'o tlyu tsa cha' ntsu'u ji'i̱ yu;