SAN LUCAS 1:17 - Chatino Tataltepec

¹⁷ La cui' xtyi'i nu nguti'i̱ ne' cresiya ji'i̱ jyo'o Elías nu ndyaa lo'o ycui' Ndyosi ji'i̱ tya sa'ni la, la cui' xtyi'i bi' caja ji'i̱ Juan juani. Ca nde loo la ca̱a̱ Juan chcui' lo'o ñati̱, cha' tyaala' tyiquee ñati̱, cha' nga'aa xu̱u̱ tya'a ngu' lo'o sñi' ngu'. Li' taca cha'a̱ lcaa cha' nu ntsu'u tyiquee ngu', cha' taquiya' ngu' ji'i̱ lcaa cha' nu liñi. Jua'a̱ chcui' Juan lo'o ngu' cha' cua'ni cho'o ngu' tyiquee ngu', cha' tyaja'a̱ ngu' xñi ngu' cha' ji'i̱ ycui' Ndyosi. Li' ca̱a̱ ycui' Cristo.

SAN LUCAS 1:17 Iomraidhean Croise

SAN MATEO 11:14

La cui' bi' laca ñi'ya̱ ngua Elías, nu ngua tu'ba ji'i̱ ycui' Ndyosi cua sa'ni; la cui' cua sa'ni nscua cha' ca̱a̱ nu bi' chaca quiya' juani, si tyaja'a̱ ma̱ xñi ma̱ cha' bi'.

SAN MATEO 14:4

Tya lu'ú nu Juan bi' lo'o nchcui' lo'o Herodes ndi'ya̱: ―Ná ntsu'u chacuayá' tyi'i̱ nu'u̱ lo'o clyo'o tya'a nu'u̱ ―nacui̱ Juan ji'i̱ Herodes.

SAN MATEO 3:3

Lo'o nu Juan ni, laca yu la cui' ñati̱ nu nchcui' jyo'o cusu' Isaías ji'i̱ sa'ni, cha' jyo'o cusu' bi' ngua tu'ba ji'i̱ ycui' Ndyosi. Ndi'ya̱ nscua lo quityi bi': Cui̱i̱ xi'ya sca ñati̱ ne' quixi̱': “Xaala clya ma̱ sca tyucui̱i̱ su ca̱a̱ ycui' nu Xu'na na; xquiñi tso'o ma̱ tyucui̱i̱ su tyeje tacui ycui'”, ñacui̱ ñati̱ bi'. Jua'a̱ nguscua jyo'o cusu' cuentya ji'i̱ ñati̱ bi', lo'o Juan laca ñati̱ bi'.

SAN MATEO 3:4

Lo'o nu Juan bi' ni, lacu' yu sca late' quicha̱' camello, lo'o jua'a̱ ndyaaca̱' juata sii' yu; ndacu yu tscu' lo'o cuiñaa' cuityu̱.

SAN LUCAS 1:16

Cua'ni yu cha' xa' caca tso'o cresiya ji'i̱ quiña'a̱ tya'a ngu' Israel, cha' taquiya' ngu' ji'i̱ ycui' Ndyosi nu Xu'na ngu'.

SAN LUCAS 1:76

Lo'o nu'u̱ juani, sñi', nacui̱ yu ji'i̱ nu piti Juan, chcui' ngu' cha' nu'u̱ laca nu ta cui̱i̱ lo'o ñati̱ cuentya ji'i̱ ycui' Ndyosi nu laca loo. Tya'a̱ nu'u̱ ca nde loo la ji'i̱ ycui' nu Xu'na na, cha' quiñi tso'o tyucui̱i̱ su ca̱a̱ ycui'.

SAN JUAN 1:13

Lo'o ñati̱ nu laca sñi' ycui' Ndyosi ni, ná nclya ngu' bi' ñi'ya̱ nu nclya scaa sñi' ñati̱; sñi' ycui' Ndyosi laca ngu' bi', si'i sca ñati̱ chalyuu laca nu ndu'ni cucui cresiya ji'i̱ ngu' bi'.

SAN JUAN 1:34

Ycui' ti na' cua na'a̱ na' ji'i̱ cha' bi'. Chañi cha' nu nchcui' na' lo'o cu'ma̱, cha' yu bi' laca nu sca ti Sñi' ycui' Ndyosi; na cua ngusubi Ni ji'i̱ yu bi'.

SAN JUAN 3:28

Cua ndyuna ma̱ ñi'ya̱ nu ni na' ji'i̱ ma̱ tsubi' ti, cha' si'i na' laca̱ Cristo, nu ñati̱ tlyu nu cua ca̱a̱ ti chalyuu. Cua laca ti cña ntsu'u jna' cha' yala la ngutu'u tucua na' loyuu re cha' quiñi tyucui̱i̱ su ca̱a̱ ycui' ―nacui̱ Juan―.

LOS HECHOS 10:33

Jua'a̱ nacui̱ ñati̱ bi' jna' ―nacui̱ Cornelio―. Bi' cha' hora ti ngulo na' cña ji'i̱ ngu' cha' tsaa ngu' ca su ndi'i̱ nu'u̱. Tso'o tsa ntsu'u tyiquee na' cha' ndyalaa nu'u̱ slo na' juani; bi' cha' cua ndyu'u ti'i̱ lcaa tya'a ya se'i̱ ti chacuayá' ji'i̱ ycui' Ndyosi, cha' cuna ya lcaa cha' nu cua nda ycui' Ni lo'o nu'u̱ cha' chcui' lo'o ya.

ROMANOS 9:23

Pana ngua ti' Ni cha' caca cuayá' ti' na ñi'ya̱ tlyu tsa cha' tso'o nu ndyu'ni Ni lo'o na, cha' tya'na tsa ti' Ni ña'a̱ Ni ji'na. Tya tsubi' la cua ngusubi ycui' Ndyosi ji'na, cha' lo'o na caja cha' tso'o nu ntsu'u ji'i̱ ycui' Ndyosi ji'na.

COLOSENSES 1:12

Lo'o jua'a̱ tya ma̱ xlya'be ji'i̱ ycui' Ndyosi Sti ma̱ nu cua nda chacuayá' cha' tyacua cha' tso'o ji'i̱ ma̱, la cui' ti cha' nu cua nchco'o Ni cha' tyacua ji'i̱ ñati̱ ji'i̱ ycui' Ni, nu lo'o tyalaa ngu' ca su xee tsa ca su ntucua ycui' Ni.

2 TIMOTEO 2:21

Ñi'ya̱ nti' ya' xña nu ntsu'u ne' cosiña, jua'a̱ laca ñati̱ ji'i̱ Jesucristo; nti' na cha' cua'ni ycui' nu Xu'na na cha' tso'o lo'o na, cha' cube ti' Ni ji'na ñi'ya̱ lo'o ndube ti' xu'na ni'i̱ ji'i̱ ca'ña ji'i̱, nu quiña'a̱ tsa nga'a̱. Ná caca cua'ni na cha' tso'o bi' si ná lubii cresiya ji'na; bi' cha' ndu'ni cha' xtyanu na lcaa cha' cuxi cha' caca lubii cresiya ji'na, cha' sca ti cña nu nda ycui' Ndyosi ji'na cua'ni na li'.

1 PEDRO 2:9

Pana cu'ma̱ ni, cua ngusubi ycui' Ndyosi ji'i̱ cu'ma̱ cha' caca ma̱ ña'a̱ tsaca taju ñati̱ nu ndyu'ni tlyu ji'i̱ ycui' Ni. Laca ma̱ ñi'ya̱ laca sca latya sti jo'ó nu cuentya ji'i̱ ycui' Ndyosi nu laca loo tsiya' ti; ñi'ya̱ tsaca taju ñati̱ lubii laca ma̱ cha' cua'ni tlyu ma̱ ji'i̱ ycui' Ndyosi lcaa tsa̱. Ndu'ni Ni lo'o ma̱: “Ñati̱ 'na laca ma̱”, nacui̱ Ni. Bi' cha' nti' tsa Ni cha' chcui' ma̱ lo'o lcaa ñati̱ lcaa ña'a̱ cha' tso'o nu ngua'ni ycui' Ndyosi lo'o ma̱; cua ngulo Ni ji'i̱ ma̱ ji'i̱ chalyuu cuxi su talya tsa ña'a̱, cha' tya'a̱ ma̱ ca su ndubi tsa xee ji'i̱ ycui' Ni.

1 JUAN 2:28

Nu juani ti, cu'ma̱ sñi' na', xñi tso'o ma̱ cha' ji'i̱ Jesucristo. Lo'o li', lo'o ca̱a̱ Jesucristo chalyuu chaca quiya', nga'aa ntsu'u cha' ca tyuju'u ti' na lo'o ña'a̱ na ji'i̱ Ni cha' ca̱a̱ Ni; tyucui tyiquee na tyacua tya'a na lo'o Ni li'.

APOCALIPSIS 20:4

Lo'o li' na'a̱ na' su ntucua tyu̱u̱ tya'a yaca xlya tlyu. Ndyuloo na' ji'i̱ ngu' nu ntucua lo yaca xlya bi', cha' laca ngu' nu ntsu'u chacuayá' ji'i̱ cua'ni cuayá' ji'i̱ ñati̱ chalyuu. Laja ngu' nu ntucua bi' na'a̱ na' ji'i̱ ñati̱ chalyuu nu cua ndyujuii tya'a ñati̱ ji'i̱, xqui'ya cha' ná ntsi̱i̱ ngu' cacha' liñi ngu' cha' tso'o ji'i̱ tya'a ñati̱, cha' nu cua nda Jesús lo'o na cuentya ji'i̱ ycui' Ndyosi Sti yu. Ná ngua'ni tlyu jyo'o bi' ji'i̱ na'ni chiya'a̱ ña'a̱ bi', la cui' ti ná ngua'ni tlyu ngu' ji'i̱ lcui̱ ji'i̱ na'ni bi', jua'a̱ ná ngua'a̱ cuayá' na'ni bi' nde tyaca̱a̱ ngu', nde chu̱' ya' ngu'; cua ndyu'ú ngu' bi' chaca quiya', lo'o juani laca ngu' cña lo'o Cristo ca su ntucua ycui' Ndyosi ña'a̱ cuayá' tyu'u scua sca mil yija̱.