SAN JUAN 9:6 - Chatino Tataltepec

⁶ Ndye nchcui' Jesús, li' ngusalú yu xi hitya sañi' lo yuu, cha' nguxa' xi lo'o yuu cha' caca nana'. Nda'a̱ yu nana' bi' chu̱' scua' cloo nu quicha bi'.

SAN JUAN 9:6 Iomraidhean Croise

SAN MARCOS 7:33

Ndyaa lo'o Jesús ji'i̱ nu quicha bi' sca se'i̱ cacua ti su ná ndi'i̱ ñati̱. Li' ndyojo' sne ya' Jesús tyuu jyaca̱ nu quicha bi', ngutu'u hitya sañi' Jesús, cuati ngusta sne ya' lo ltse' nu quicha.

SAN MARCOS 8:23

Bi' cha' ndaya' Jesús ya' nu cuityi̱', ndyaa lo'o yu ji'i̱ ca to' quichi̱. Ngutu'u hitya sañi' Jesús cloo nu quicha, ngusta ya' yu cloo nu cuityi̱' bi' li'. ―¿Ha cua ña'a̱ nu'u̱ sca na? ―nacui̱ Jesús ji'i̱ nu quicha.

SAN JUAN 9:11

―Nu ñati̱ nu naa Jesús, bi' laca nu nguxa' xi nana' cha' nguta'a̱ chu̱' scua' cloo na' ―nacui̱ nu qui'yu bi'―. Lo'o li' ngulo yu bi' cña 'na cha' tsa'a na' caata̱ nde tojo'o Siloé, bi' cha' ndya'a̱ ndyaata̱ ca bi'; hora ti ngua tso'o cloo na', tyaca̱' tso'o ña'a̱ na' juani.

APOCALIPSIS 3:18

Ta na' sca cui̱i̱ lo'o ma̱ lacua, bi' cha' cua'a̱ jyaca̱ ma̱ ji'i̱ cha' nu chcui' na' lo'o ma̱, cha' chañi taca culu'u cha' bi' ji'i̱ ma̱ ñi'ya̱ caca xutacui cha' cuxi nu ntsu'u ji'i̱ ma̱: Nga'a̱ cha' cua'ni ma̱ cha' caja sca chalyuu cucui ji'i̱ ma̱ su nga'aa cua'ni ma̱ cha' cuxi, cha' nga'aa ntsu'u cha' ca tyuju'u la ti' ma̱ li'. Cua'ni ma̱ cha' culacua tso'o xi ti' ma̱ lacua, cha' ca cuayá' ti' ma̱ scaa cha'.