SAN JUAN 8:54 - Chatino Tataltepec

⁵⁴ Lo'o li' nacui̱ Jesús: ―Ná tso'o na' tsiya' ti si cua'ni na' cha' caca tlyu ycui' ca ti na', pana ycui' Ndyosi Sti na' ndu'ni cha' caca tlyu na' ―nacui̱―. Ndu'ni ma̱ cha' Sti ma̱ laca ycui' Ndyosi;

SAN JUAN 8:54 Iomraidhean Croise

SAN JUAN 17:1

Lo'o ndye nchcui' Jesús cha' bi', li' nguxña'a̱ yu nde cua̱, lo'o jua'a̱ cui̱i̱ tsa nchcui' yu lo'o ycui' Ndyosi Sti yu: ―Chcui' na' lo'o nu'u̱, cha' nu'u̱ laca Sti na' ―nacui̱―. Cua ndyalaa hora 'na cha' caja̱a̱. Lo'o juani cua'ni nu'u̱ cha' caca tlyu la na', cha' laca na' Sñi' nu'u̱, cha' li' taca cua'ni na' cha' caca tlyu la ycui' nu'u̱.

SAN JUAN 17:5

Sti na' laca nu'u̱, bi' cha' cua'ni nu'u̱ cha' caca tlyu la na', ñi'ya̱ ngua nu lo'o nguti'i̱ na' lo'o nu'u̱ tya clyo lo'o tya lyiji xana chalyuu. Cua'ni nu'u̱ cha' caca tlyu na', la cui' ñi'ya̱ laca tlyu nu'u̱ ca su ntucua nu'u̱.

SAN JUAN 2:11

Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.

SAN JUAN 5:41

’Si'i na nti' na' cha' cua'ni chi̱ ñati̱ loo na' ―nacui̱ Jesús ji'i̱ ngu'―.

SAN JUAN 7:18

Sca ñati̱ nu nchcui' cha' ji'i̱ ycui' ca lo'o ngu', jua'a̱ nti' yu cha' caca tlyu ycui' ca ti yu. Xa' ña'a̱ ndu'ni na', cha' tyucui tyiquee na' ndu'ni tlyu na' ji'i̱ ycui' Ndyosi nu Xu'na na' nu ngulo cña 'na ca̱a̱ na' nde chalyuu. Ná ntsu'u cha' cuiñi 'na tsiya' ti.

SAN JUAN 7:39

Cua nti' Jesús chcui' lo'o ngu' cha' cua ta ti Ni Xtyi'i ycui' Ni cha' tyanu ne' cresiya ji'i̱ ñati̱ nu cua ngusñi cha' ji'i̱ ycui' Ni, bi' cha' nacui̱ yu jua'a̱. Bilya ta ycui' Ndyosi Xtyi'i ycui' Ni ca̱a̱ nde chalyuu, xqui'ya cha' bilya tyaa Jesús ca su tlyu su ntucua ycui' Ndyosi Sti yu.

SAN JUAN 8:41

Ná ngua'ni jyo'o Abraham jua'a̱ ―nacui̱ Jesús―. Chaca nu laca sti cu'ma̱, lo'o jua'a̱ cña nu nclyo nu bi', bi' laca cña nu ndiya la ti' ma̱ cha' ndu'ni ma̱. ―Si'i sñi' nu xña'a̱ laca ya ―nacui̱ ngu'―. Sca ti ycui' Ndyosi laca Sti ya ―ndu'ni ngu' judío lo'o Jesús li'.

SAN JUAN 8:50

Pana si'i cha' nti' na' cha' cua'ni tlyu ngu' ji'i̱ ycui' na', cha' ycui' Ndyosi Sti na' ndu'ni cha' caca tlyu na'. Sca ti ycui' Ndyosi laca nu cua'ni cuayá' ji'i̱ lcaa ñati̱.

LOS HECHOS 3:13

Ycui' Ndyosi Sti na ni, la cui' Ni laca nu ngua'ni tlyu jyo'o cusu' ji'na ji'i̱ tya sa'ni la, masi jyo'o Abraham, masi jyo'o Isaac, masi jyo'o Jacob; lcaa jyo'o cusu' ji'na ngua'ni tlyu ngu' ji'i̱ ycui' Ndyosi bi'. Ycui' Ndyosi laca nu cua nda chacuayá' ji'i̱ Jesús Sñi' ycui' Ni cha' caca tlyu yu. Ntejeya' ma̱ ji'i̱ nu Jesús bi' tsubi' ti, ndyaa lo'o ma̱ ji'i̱ yu, ndyaa ma̱ ngusta ma̱ qui'ya ji'i̱ yu slo ngu' nu laca loo; nu lo'o ngua ti' gobernador Pilato cha' tyu'u Jesús laja ti, ná ntaja'a̱ ma̱ li'.

2 CORINTIOS 10:18

Si'i na taquiya' tso'o la Ni ji'i̱ ñati̱ nu nchcui' tsa ji'i̱ cña nu ndyu'ni ycui' ca ngu'; nu lo'o tso'o ti nti' Ni ña'a̱ Ni ji'i̱ ñati̱, li' taquiya' Ni ji'i̱ cña nu ndyu'ni ngu' bi'.

1 PEDRO 1:12

Pana ná nquije cha' bi' ji'i̱ ngu' bi' li'; sca ti cha' nchcui' ycui' Ni lo'o ngu' bi', cha' si'i ycui' ngu' bi' laca nu ca cuayá' tso'o ti' ñi'ya̱ caca cha' bi' tyempo nde loo la. Pana cu'ma̱ ni, nu lijya̱ chalyuu nde loo la ji'i̱ ngu' jyo'o bi', nchca cuayá' ti' ma̱ juani, xqui'ya cha' cua ndyuna ma̱ lcaa cha' tlyu nu ngua'ni Jesucristo. Cua ndacha' liñi ya cha' bi' ji'i̱ ma̱; chacuayá' ji'i̱ Xtyi'i ycui' Ndyosi ngulu'u ya cha' bi' ji'i̱ ma̱, cha' cua nda ycui' Ndyosi Xtyi'i ycui' Ni lijya̱ lo ya nde chalyuu. Lo'o jua'a̱ lcaa xca̱ ji'i̱ ycui' Ni nu ndi'i̱ slo Ni, lcaa ngu' bi' nti' tsa ngu' ca cuayá' ti' ngu' lcaa cha' nu ngua ji'i̱ Cristo lo'o ñaa yu nde chalyuu.

1 PEDRO 1:21

Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.

2 PEDRO 1:17

ngua'ni tlyu ycui' Ndyosi Sti Jesús ji'i̱ yu, ndubi tsa ña'a̱ ngua tyucui ña'a̱ loo Jesús lo'o xee ji'i̱ ycui' Ni li'. Masi ná na'a̱ ya ji'i̱ ycui' Ndyosi nu laca loo ji'i̱ lcaa xu'na chalyuu, pana jlo ti' ya cha' nguti'i̱ Ni cacua ti tsa̱ bi', cha' li' ndyuna ya lo'o nchcui' Ni lo'o ngu'. Ndi'ya̱ nacui̱ Ni: “Nu nde laca Sñi' na' nu tyaca'a tsa 'na. Tso'o tsa ntsu'u tyiquee na' ña'a̱ na' ji'i̱ yu”, nacui̱ Ni.