SAN JUAN 8:53 - Chatino Tataltepec

⁵³ ¿Ha nti' nu'u̱ cha' xti la cha' jlo ti' jyo'o cusu' Abraham ji'i̱ ya, quiña'a̱ la cha' jlo ti' ycui' nu'u̱ lacua? ¿Ha jua'a̱ nti' nu'u̱? Lo'o jyo'o Abraham, lo'o nu xa' la jyo'o cusu' bi', cua ngujuii lcaa ngu' bi'. ¿Tilaca laca nu'u̱, nti' nu'u̱?

SAN JUAN 8:53 Iomraidhean Croise

SAN MATEO 12:6

Chañi cha' nu nchcui' na', sca cha' nu ndulo la ji'i̱ ma̱ que laa tonu bi' ji'i̱ ma̱.

SAN MATEO 3:9

Ná culacua ti' ma̱ cha' caca tso'o ji'i̱ ma̱ slo ycui' Ndyosi si xcui' ndyi'u ti' ma̱ ji'i̱ jyo'o cusu' ji'i̱ ma̱, nu cusu' Abraham bi'. Ná talo ycui' Ni ji'i̱ cha' cuxi nu ndu'ni ma̱ tsiya' ti, masi ñati̱ tya'a ji'i̱ jyo'o Abraham laca ma̱, nchcui' ma̱. Na cuiñi ma̱. Si nti' ycui' Ndyosi, taca ji'i̱ Ni cuiñá Ni ji'i̱ ñati̱ tya'a ji'i̱ jyo'o Abraham, masi lo'o quee to' sta'a̱ re, taca ji'i̱ Ni si nti' Ni. Nga'aa taquiya' Ni ji'i̱ cu'ma̱ li'.

SAN JUAN 10:33

Li' nguxtyacui nu ngu' judío bi' cha' lo'o Jesús: ―Ná cujuii ya jinu'u̱ lo'o quee xqui'ya sca cña tso'o nu ngua'ni nu'u̱ ―nacui̱ ngu'―, xqui'ya cha' cuxi nu nchcui' nu'u̱ ji'i̱ ycui' Ndyosi, bi' cha' cu̱ ya quee jinu'u̱. Sñi' ñati̱ chalyuu ti laca nu'u̱, pana ndu'ni nu'u̱ cha' laca nu'u̱ ycui' Ndyosi.

SAN JUAN 12:34

Li' nguxtyacui ngu' cha' lo'o Jesús: ―Cua ndyuna ya lo'o nchcui' ngu' lo quityi cusu' ji'na, cha' ndi'ya̱ nscua, cha' ná nga'a̱ cha' tye tsa̱ ji'i̱ Cristo, nu ñati̱ tlyu nu ta ycui' Ndyosi ji'i̱ lijya̱ ―nacui̱ ngu'―. ¿Ñi'ya̱ ndyu'u cha' nu nchcui' nu'u̱ cha' ntsu'u cha' cujui'i̱ ca'a̱ ngu' ji'i̱ lo crusi, ji'i̱ Cristo nu ya̱a̱ chalyuu cha' caca ñati̱? ¿Ñi'ya̱ ña'a̱ ñati̱ laca nu Cristo bi'?

SAN JUAN 19:7

Li' nguxacui̱ ngu' judío cha' ji'i̱ Pilato bi': ―Ntsu'u sca cha' ji'i̱ cuare ―nacui̱ ngu'―. Cuentya ji'i̱ ya ntsu'u qui'ya ji'i̱ yu, cha' nacui̱ yu cha' laca yu nu sca ti Sñi' ycui' Ndyosi; xqui'ya cha' bi' ntsu'u cha' cajaa yu.

SAN JUAN 4:12

¿Ha tlyu la nu'u̱ que jyo'o cusu' Jacob ji'na nu nda tyuu re ji'i̱ ya? ―nacui̱―. Ndyi'yu jyo'o bi' hitya tyuu re, lo'o jua'a̱ ndyi'yu sñi' yu, lo'o scu̱' ngu' ndyi'yu hitya re.

SAN JUAN 5:18

Bi' cha' chi̱i̱ tsa ntsu'u tyiquee ngu' judío bi' ña'a̱ ngu' ji'i̱ Jesús, ntsu'u tsa ngu' bi' nu nti' cujuii ji'i̱ Jesús li'. Ti'í ti' ngu' bi' ña'a̱ ngu' ji'i̱ yu, cha' ná ndaquiya' yu tsa̱ ta'a ji'i̱ ngu', nacui̱ ngu'. Ná ndiya ti' ngu' tsiya' ti cha' nacui̱ Jesús cha' ycui' Ndyosi laca Sti yu, cha' stu'ba nti' ycui' ca yu lo'o ycui' Ndyosi.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.

ROMANOS 9:5

Sñi' jyo'o cusu' ji'na laca ngu' bi'. Nu lo'o ngula Cristo chalyuu ngua Ni ñati̱, la cui' tya'a ngu' Israel ngua yu li'. La cui' jua'a̱ laca Cristo ycui' Ndyosi nu laca loo ji'i̱ lcaa na tsiya' ti, bi' cha' lcaa tyempo ndu'ni tlyu ngu' ji'i̱ Ni. Chañi tsa cha' bi'.