SAN JUAN 8:48 - Chatino Tataltepec

⁴⁸ Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

SAN JUAN 8:48 Iomraidhean Croise

SAN MATEO 10:25

Sca ti cuayá' cha' ti'í caca ji'i̱ ngu' cuañi' bi' li', ñi'ya̱ nu ndyaca ji'i̱ mstru ji'i̱ ngu'; sca ti cuayá' cña ti'i̱ caca ji'i̱ msu bi' li', ñi'ya̱ nu ndyaca ji'i̱ xu'na ngu'. Bi' cha' taca ca cuayá' ti' ma̱ cha' ti'í tsa chcui' ngu' ji'i̱ ma̱ nu ntsu'u cha' ji'i̱ ma̱ lo'o na', cha' laca̱ nu Xu'na ma̱; cua nchcui' ngu' cha' Beelzebú nu xu'na cuiñaja laca na'.

SAN MATEO 10:5

Ngulo Jesús cña ji'i̱ nu tii tyucuaa tya'a ngu' bi' ndi'ya̱: ―Ná tsaa ma̱ tyucui̱i̱ nde xa' tsu' su ndi'i̱ ngu' nu ná ntsu'u cha' ji'i̱ lo'o ycui' Ndyosi tsiya' ti, ni ná tsaa ma̱ quichi̱ tyi ngu' Samaria ―nacui̱ Jesús ji'i̱ ngu' bi'―.

SAN MATEO 11:18

Nu lo'o ñaa Juan bi' ni, ntsu'u quiña'a̱ tsa na nu ná ndacu yu, nu ná ndyi'yu yu. Lo'o li' nchcui' ma̱ ji'i̱ yu: “Ntsu'u cui'i̱ xña'a̱ ji'i̱ yu, bi' cha' ndu'ni yu jua'a̱”, nacui̱ ma̱.

SAN MATEO 12:24

Lo'o ndyuna ngu' fariseo cha' bi', xa' ña'a̱ cha' nchcui' ngu' bi' ji'i̱ Jesús: ―Sca ti chacuayá' ji'i̱ Beelzebú nu laca xu'na lcaa lo cui'i̱ cuxi, sca ti jua'a̱ nchca ji'i̱ nu qui'yu re culo ji'i̱ cui'i̱ cuxi nu ngusñi ji'i̱ ñati̱ ―nacui̱ ngu' fariseo bi'.

SAN MATEO 12:31

’Bi' cha' ndacha̱' ji'i̱ ma̱ juani cha' taca cui'ya ycui' Ni cha' clyu ti' ji'i̱ ñati̱ xqui'ya lcaa qui'ya nu ntsu'u ji'i̱ ngu', masi cuxi tsa nchcui' ngu' ji'i̱ ycui' Ni; pana lo'o cuxi tsa nchcui' ngu' ji'i̱ cña nu ndu'ni Xtyi'i ycui' Ndyosi, li' nga'aa cui'ya ycui' Ni cha' clyu ti' ji'i̱ ngu' bi' tsiya' ti.

SAN MATEO 15:7

Cuiñi tsa ma̱, cha' tucua cha' ntsu'u tyiquee ma̱. Tya sa'ni la nchcui' jyo'o Isaías cha' liñi ji'i̱ cu'ma̱. Ndi'ya̱ cha' nu nguscua jyo'o bi' lo quityi:

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 10:20

Ntsu'u tsa ngu' nu nacui̱ ndi'ya̱: ―Ñi'ya̱ nti' sca nu xña'a̱, jua'a̱ nti' yu cua. Na tonto yu. Ná ntsu'u cha' cuna na cha' nu nchcui' yu cua.

SAN JUAN 13:13

“Mstru”, ndu'ni ma̱ 'na; “Xu'na ya”, ndu'ni ma̱ 'na, lo'o chañi tsa cha' bi'. Jua'a̱ laca na' cuentya ji'i̱ ma̱ ―nacui̱ yu―.

SAN JUAN 4:9

―Ngu' judío laca nu'u̱ ―nacui̱ nu cuna'a̱ bi'―, lo'o na', ngu' Samaria laca na'. ¿Ni cha' laca ndijña nu'u̱ hitya jna' cha' co'o nu'u̱? ―nacui̱ nu cuna'a̱ bi'. Nacui̱ jua'a̱ cha' ná ntsu'u cha' ji'i̱ ngu' Samaria lo'o ngu' judío tyempo bi'.

SAN JUAN 7:20

―Ñi'ya̱ nti' sca nu xña'a̱, jua'a̱ nti' nu'u̱ ―ndu'ni ngu' ji'i̱ Jesús li'―. ¿Tilaca nti' cujuii jinu'u̱ lacua?

SAN JUAN 8:22

―¿Ha cujuii yu ji'i̱ ycui' ca yu? ―nacui̱ ngu' judío ji'i̱ tya'a ngu'―. ¿Ha jua'a̱ ntsu'u tyiquee yu lo'o nacui̱ yu: “Ná caja chacuayá' tsaa ma̱ ca su tyi'i̱ na' li'”?

SAN JUAN 8:52

Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.

ROMANOS 15:3

ñi'ya̱ nu ngua'ni ycui' Cristo, ni sca cña ná ngua'ni yu cha' ji'i̱ ti yu. Cua ntsu'u sca cha' nu nscua lo quityi cusu', sca cha' nu nda yu lo'o ycui' Ndyosi Sti yu ndi'ya̱: “Lcaa cha' cuxi nu nchcui' ngu' jinu'u̱, cua ndyanu cha' bi' hichu̱' na'; yabe' nu ngusta ngu' jinu'u̱ laca bi'”.

HEBREOS 13:13

Lo'o jua'a̱ na, tso'o si ná cutsi̱i̱ na, masi tsalo'o ngu' ji'na cha' xcube' ngu' ji'na cuentya ji'i̱ Jesús; stu'ba ti caca ji'na nde chalyuu, ñi'ya̱ nu ngua ji'i̱ Jesús lo'o lya' tsa ti' ngu' ji'i̱ yu.

SANTIAGO 2:19

Jlya ti' ma̱ cha' sca ti ycui' Ndyosi ntsu'u chalyuu. Tso'o tsa, pana cua ña'a̱ ca cui'i̱ xña'a̱ jlya ti' cha' bi'; lo'o jua'a̱ lye tsa nchcua̱ cui'i̱ xña'a̱ bi', cha' ntsi̱i̱ cui'i̱ ji'i̱ ycui' Ni.