SAN JUAN 8:36 - Chatino Tataltepec

³⁶ Na' nu laca̱ nu sca ti Sñi' ycui' Ndyosi ni, lo'o cua'ni lyaá na' ji'i̱ ma̱, chañi cha' nga'aa caca tatsaa ngu' ji'i̱ ma̱ cha' cua'ni ma cña cuxi chaca quiya' ca su ndi'i̱ ma̱ ―nacui̱―.

SAN JUAN 8:36 Iomraidhean Croise

SAN LUCAS 4:18

Cua ngulacua̱ ycui' Ndyosi nu Xu'na na jna', nacui̱ lo quityi bi'. Cua ngua'a̱ loo Ni jna', bi' cha' cua ndi'i̱ Xtyi'i ycui' Ndyosi lo na', cha' chcui' na' cha' tso'o lo'o ngu' ti'i. Cua nda Ni jna' lijya̱a̱ cha' cua'ni cho'o na' tyiquee ñati̱ nu xñi'i̱ tsa ti', nacui̱ lo quityi bi'. Ntsu'u cha' chcui' na' lo'o ngu' nu laca preso ji'i̱ nu xña'a̱, cha' cua tyu'u ti ngu' ya' nu xña'a̱ bi'. Ta na' xee nu tyu'u ne' cresiya ji'i̱ ñati̱ nu ndyacu̱' hique ngu'. Lo'o lya' tsa ti' ngu' ji'i̱ tya'a ngu' ni, li' ta na' chacuayá' ji'i̱ ngu' cha' tyu'u ngu' laja ti.

ROMANOS 8:2

Nu lo'o laca Xtyi'i ycui' Ndyosi loo ji'na, li' caja chalyuu cucui ji'na xqui'ya Jesucristo, cha' stu'ba ntsu'u cha' ji'na lo'o Ni; na cua ngulo Ni ji'na ya' nu cuxi nu ndyu'ni cha' chcuna' chalyuu ji'na.

1 CORINTIOS 7:22

Ñati̱ nu jua'a̱ tya ntsu'u xu'na ngu' nu lo'o cua ngusubi ycui' Ndyosi ji'i̱ ngu', juani ndi'i̱ tso'o ti ngu' bi', xqui'ya cha' cua ngusñi ngu' bi' cha' ji'i̱ Jesús; masi ña'a̱ ti tya laca ngu' ñati̱ ji'i̱ xu'na ngu', taca taquiya' ngu' bi' ji'i̱ cha' nu nchcui' ycui' Ndyosi juani. Lo'o jua'a̱ nu ngu' msu nu ndi'i̱ tso'o ti ni, lo'o cusubi Cristo ji'i̱ ngu' bi', la cui' jua'a̱ caca ngu' bi' msu ji'i̱ ycui' Ndyosi.

2 CORINTIOS 3:17

Lo'o nchcui' ca ti quityi re cha' ji'i̱ nu “Xu'na na”, bi' nti' ñacui̱ cha' Xtyi'i ycui' Ndyosi laca nu bi'. Lo'o jua'a̱ nu lo'o laca Xtyi'i ycui' Ndyosi nu Xu'na na loo ji'na, nga'aa tucui caca ji'i̱ tatsaa ji'na cha' cua'ni na cua ña'a̱ ca cña cuxi li'.

GÁLATAS 5:1

Cua ngua'ni lyaá Cristo ji'na, cha' taca tyi'i̱ tso'o ti na chalyuu. Bi' cha' ña'a̱ ti tya tyi'i̱ tso'o ti ma̱ chalyuu lacua; nga'aa ta ma̱ tyempo cha' caca loo xa' ñati̱ ji'i̱ ma̱, ñi'ya̱ si cua ngüi'ya ngu' ji'i̱ ma̱ cha' cua'ni ma̱ cña ji'i̱ ngu'.