SAN JUAN 8:34 - Chatino Tataltepec

³⁴ ―Liñi tsa cha' ta na' lo'o ma̱ juani ―nacui̱ Jesús li'―, cha' cua laca ntsu'u xu'na ñati̱ chalyuu, lcaa ca ñati̱ nu ntsu'u qui'ya ji'i̱ ngu'.

SAN JUAN 8:34 Iomraidhean Croise

SAN MATEO 5:18

Cha' liñi nda na' lo'o ma̱ juani, cha' ni sca si'yu cha' nu nguscua jyo'o cusu' sa'ni cuentya ji'i̱ ycui' Ndyosi, ná taca cuityi̱ ngu' cha' bi' ña'a̱ cuayá' nu tye chalyuu; chañi cha' caca lcaa ca cha' nu nscua lo quityi ji'i̱ ycui' Ndyosi cua sa'ni la.

SAN JUAN 3:3

Li' nchcui' Jesús lo'o: ―Liñi tsa cha' nu ta na' lo'o nu'u̱ juani: ndu'ni ycui' Ndyosi Sti na' cha' cala ñati̱ chaca quiya', si nti' ngu' xñi ngu' cha' ji'i̱ ycui' Ni cha' caca Ni loo ne' cresiya ji'i̱ ngu' ―nacui̱.

LOS HECHOS 8:23

Jlo ti' na' lcaa ña'a̱ cha' cuxi nu ntsu'u ne' cresiya jinu'u̱, cha' tyaala tsa nu'u̱; ya' nu xña'a̱ cua ntsu'u nu'u̱, bi' cha' ndacha' na' jinu'u̱ juani cha' culochu̱' nu'u̱ ji'i̱ cha' cuxi nu ntsu'u jinu'u̱.

ROMANOS 6:12

Bi' cha' juani nga'aa ta ma̱ chacuayá' cha' caca loo cha' cuxi bi' ji'i̱ ma̱ lo'o ndi'i̱ ma̱ nde chalyuu. Ná tso'o cha' taquiya' na ji'i̱ lcaa lo cha' cuxi nu jña ti' na cha' cua'ni na ji'i̱, cha' laca na ñati̱ chalyuu ti.

ROMANOS 6:16

Nu lo'o ndya'a̱ na ne' xña ji'i̱ sca ñati̱ ni, taquiya' na sca cña nu culo ñati̱ bi' ji'na li'; jlo ti' na cha' nu ñati̱ bi' laca xu'na na, lo'o jua'a̱ nga'a̱ cha' taquiya' na ji'i̱ cha' nu nchcui' nu xu'na bi'. Lo'o nu cuxi nu ndyu'ni cha' caca na cuxi ni, si ndyu'ni cha' cuxi bi' cha' laca bi' loo ji'na, li' ntsu'u cha' cajaa na tsiya' ti; pana si ycui' Ndyosi laca loo ji'na, taquiya' na ji'i̱ cha' nu nchcui' Ni li', caca tso'o cresiya ji'na li'.

ROMANOS 6:6

Cuxi tsa ñati̱ ngua na; pana juani laca na ñi'ya̱ laca si lo'o na ngujuii na lo sca crusi lo'o ngujuii ycui' Jesús, cha' ngüityi̱ yu tsiya' ti cha' cuxi nu ntsu'u ne' cresiya ji'na li'. Bi' cha' juani nga'aa caca ji'i̱ cha' cuxi bi' caca loo ji'na chaca quiya'.

ROMANOS 7:14

Jlo ti' na cha' cña nu ngulo ycui' Ndyosi laca nu cha' cusu' bi'; sca ti si lo'o Xtyi'i ycui' Ndyosi cua'ni cña ne' cresiya ji'na, li' taca ji'na taquiya' na ji'i̱ cña bi'. Pana nu na' ni, ñati̱ chalyuu ti laca na', loo la laca nu cha' cuxi bi' ne' cresiya jna'.

ROMANOS 7:25

Sca ti ycui' Ndyosi Sti na taca ji'i̱ Ni cua'ni lyaá Ni 'na, xqui'ya cña nu ngua'ni Jesucristo nu Xu'na na. ¡Bi' cha' quiña'a̱ tsa xlya'be tya na' ji'i̱ ycui' Ndyosi lacua! Pana tsa bi' ti cha' jlo ti' na', cha' nga'a̱ cha' taquiya' na' ji'i̱ cña nu ngulo ycui' Ndyosi; ná nchca jna' cua'ni lyaá na' ji'i̱ ycui' ca na' cha' ñati̱ chalyuu ti laca na', lo'o jua'a̱ ña'a̱ ti tya ndyu'ni ñati̱ chalyuu cha' cuxi.

ROMANOS 8:21

cua tyalaa ti sca tsa̱ nu tye lcaa cha' cuxi nu ndu'ni cha' quiñu'u̱ chalyuu, lcaa cha' cuxi nu laca loo ji'na. Lo'o li' tso'o tsa caca lcaa lo na nu ngüiñá Ni nde chalyuu, cha' stu'ba ti cua'ni lyaá Ni ji'i̱ nu na bi' lo'o ji'na nu laca na sñi' ycui' Ni.

EFESIOS 2:2

Nu ngua tyempo bi', ndya'a̱ tsa ma̱ ndu'ni ma̱ cua ña'a̱ ca cha' cuxi nu ndu'ni ñati̱ chalyuu; ndaquiya' tsa ma̱ ji'i̱ nu xña'a̱ nu laca loo ji'i̱ lcaa cui'i̱ cuxi nu ndya'a̱ nde chalyuu, la cui' nu cuxi bi' laca nu ndatsaa ji'i̱ ñati̱ chalyuu cha' ná taquiya' ngu' ji'i̱ ycui' Ndyosi.

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.

2 PEDRO 2:19

Nchcui' nu ngu' cuiñi bi' lo'o xa' la ngu' cha' ná ntsu'u cha' taquiya' ngu' ji'i̱ lcua ti cña nu culo ycui' Ndyosi ji'i̱ ngu', cha' cua ngulaá ngu' ji'i̱ cha' bi', nacui̱ ngu' cuiñi bi'; pana bilya ca cuayá' ti' nu ngu' cuiñi bi', cha' ycui' ca ngu' laca ngu' msu ji'i̱ lcaa cha' cuxi nu ndu'ni ngu'. Cua ña'a̱ ca ñati̱ nu ta chacuayá' ji'i̱ nu cuxi cha' tyiji̱loo ji'i̱, la cui' hora bi' laca nu cuxi xu'na ñati̱ bi' li'.