SAN JUAN 8:32 - Chatino Tataltepec

³² Li' taca ca cuayá' ti' ma̱ lcaa cha' liñi; ná tucui caca tatsaa ji'i̱ ma̱ cha' cua'ni ma̱ cña cuxi ca su ndi'i̱ ma̱, xqui'ya cha' jlo ti' ma̱ cha' liñi bi'.

SAN JUAN 8:32 Iomraidhean Croise

SAN MATEO 11:29

Xñi ma̱ cña nu ta na' ji'i̱ ma̱, lo'o li' ca tsa'a̱ ma̱ lcaa cha' 'na. Tya'na tsa ti' na' ña'a̱ na' ji'i̱ ma̱, lo'o jua'a̱ talo tsa tyiquee na' ji'i̱ ma̱; ti̱ ti tyi'i̱ tyiquee ma̱ lo'o cua ngüityi̱ na' cha' cuxi nu ntsu'u ne' cresiya ji'i̱ ma̱.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN JUAN 1:17

Cua sa'ni nda jyo'o Moisés cha' lo'o ñati̱, lcaa ña'a̱ cña nu ntsu'u cha' cua'ni ñati̱ cuentya ji'i̱ ycui' Ndyosi. Pana nu lo'o ya̱a̱ Jesucristo ni, xa' ña'a̱ ngua'ni Ni; nda tsa Ni cha' xlya'be ji'na, ngulu'u Ni cha' liñi ji'na li'.

SAN JUAN 14:6

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

SAN JUAN 16:13

Nu lo'o ca̱a̱ Xtyi'i ycui' Ndyosi nu tyu'u nde slo ycui' Ni, li' culu'u nu bi' lcaa cha' nu liñi ca ji'i̱ ma̱; li' chcui' liñi nu bi' lo'o ma̱ lcaa cha' nu cuentya 'na ―nacui̱―. Ná chcui' nu bi' chacuayá' ji'i̱ ycui' ca Ni; tsa ña'a̱ cha' nu cua ndyuna ti Ni ca slo ycui' Ndyosi, bi' ti cha' ta nu bi' lo'o ma̱ ―nacui̱ Jesús―. Lo'o jua'a̱ ta nu bi' cha' lo'o ma̱, lcaa cha' nu caca jna'.

SAN JUAN 17:17

Liñi tsa cha' nu nda nu'u̱, lo'o jua'a̱ tya ta la nu'u̱ cha' liñi bi' lo'o ngu' bi', cha' cha'a̱ cresiya ji'i̱ ngu'; nga'aa si'i cha' cuxi tyu'u tyiquee ngu' bi', ñi'ya̱ lo'o ntsu'u tyiquee ngu' tya sa'ni la.

SAN JUAN 6:45

Ndi'ya̱ nchcui' sca cha' nu nguscua sca jyo'o cusu' lo quityi nu ngua sa'ni: “Ycui' Ndyosi laca nu culu'u cha' ji'i̱ ycui' Ni ji'i̱ ñati̱”, nacui̱ quityi bi'. Bi' cha' ñati̱ 'na caca lcaa ñati̱ nu taquiya' cha' ji'i̱ ycui' Ndyosi Sti na', lcaa ñati̱ nu caca tsa'a̱ cha' nu culu'u Ni ji'i̱ ngu'.

SAN JUAN 7:17

Si nti' ma̱ cua'ni ma̱ cña nu nti' ycui' Ndyosi cha' cua'ni ma̱, li' caca cuayá' ti' ma̱ mala ngutu'u cha' nu nclyu'u na' ji'i̱ ngu', si slo ycui' Ndyosi ngutu'u cha' bi', si sca cha' nu nda'ya hique ti na' laca cha' bi' ―nacui̱ yu―.

SAN JUAN 8:36

Na' nu laca̱ nu sca ti Sñi' ycui' Ndyosi ni, lo'o cua'ni lyaá na' ji'i̱ ma̱, chañi cha' nga'aa caca tatsaa ngu' ji'i̱ ma̱ cha' cua'ni ma cña cuxi chaca quiya' ca su ndi'i̱ ma̱ ―nacui̱―.

ROMANOS 6:22

Pana juani ni, nga'aa caca ji'i̱ nu cuxi bi' culo cña ji'i̱ ma̱, cha' cua ndyatí̱ ma̱ lo cña ji'i̱ ycui' Ndyosi. Chaa ti' ma̱ ndyu'ni ma̱ cña ji'i̱ Ni juani, cha' xcui' na ndi'i̱ ma̱ chalyuu cuentya ji'i̱ ycui' Ni; li' ná nga'a̱ cha' tye chalyuu nu ta Ni ji'i̱ ma̱ lo'o cua ndye lcaa cha'.

ROMANOS 8:15

Na cua nda ycui' Ndyosi Xtyi'i Ni ji'i̱ ma̱, cha' ndu'ni Xtyi'i Ni cha' caca ma̱ sñi' ycui' Ndyosi; ndu'ni bi' cha' ndi'ya̱ taca chcui' na lo'o ycui' Ndyosi: “Sti ya”, ñacui̱ na ji'i̱ Ni. Si'i cha' cuxi ndu'ni Xtyi'i Ni nu lo'o nclyo bi' cña ji'i̱ ma̱, si'i cha' xcutsi̱i̱ ji'i̱ ma̱ ñi'ya̱ nu ntsi̱i̱ ma̱ cua sa'ni la, si'i jua'a̱ cña ndu'ni nu bi'.

ROMANOS 8:2

Nu lo'o laca Xtyi'i ycui' Ndyosi loo ji'na, li' caja chalyuu cucui ji'na xqui'ya Jesucristo, cha' stu'ba ntsu'u cha' ji'na lo'o Ni; na cua ngulo Ni ji'na ya' nu cuxi nu ndyu'ni cha' chcuna' chalyuu ji'na.

1 CORINTIOS 7:22

Ñati̱ nu jua'a̱ tya ntsu'u xu'na ngu' nu lo'o cua ngusubi ycui' Ndyosi ji'i̱ ngu', juani ndi'i̱ tso'o ti ngu' bi', xqui'ya cha' cua ngusñi ngu' bi' cha' ji'i̱ Jesús; masi ña'a̱ ti tya laca ngu' ñati̱ ji'i̱ xu'na ngu', taca taquiya' ngu' bi' ji'i̱ cha' nu nchcui' ycui' Ndyosi juani. Lo'o jua'a̱ nu ngu' msu nu ndi'i̱ tso'o ti ni, lo'o cusubi Cristo ji'i̱ ngu' bi', la cui' jua'a̱ caca ngu' bi' msu ji'i̱ ycui' Ndyosi.

GÁLATAS 5:1

Cua ngua'ni lyaá Cristo ji'na, cha' taca tyi'i̱ tso'o ti na chalyuu. Bi' cha' ña'a̱ ti tya tyi'i̱ tso'o ti ma̱ chalyuu lacua; nga'aa ta ma̱ tyempo cha' caca loo xa' ñati̱ ji'i̱ ma̱, ñi'ya̱ si cua ngüi'ya ngu' ji'i̱ ma̱ cha' cua'ni ma̱ cña ji'i̱ ngu'.

GÁLATAS 5:13

Cua ngusubi ycui' Ndyosi ji'i̱ ma̱ cha' caca tyi'i̱ tso'o ti ma̱ chalyuu. Tsa bi' ti cha', tii ti ti' ma̱ tyi'i̱ ma̱ chalyuu; ná clyana ma̱ cha' cuxi nu cua'ni ma̱ laja lo'o ndi'i̱ tso'o ti ma̱, cha' si'i na ndi'i̱ tso'o ti na cha' culiji na na nu ntsu'u ji'na jua'a̱ ti. Ntsu'u cha' xtyucua na ji'i̱ tya'a ñati̱ na xqui'ya cha' ntsu'u tsa tyiquee na ña'a̱ na ji'i̱ ngu', bi' cha' ndi'i̱ tso'o ti na.

2 TIMOTEO 3:7

Nti' tsa nu ngu' cuna'a̱ bi' ca tsa'a̱ ngu' sca cha', pana ná nchca ca cuayá' ti' ngu' ni sca cha' liñi.

SANTIAGO 1:25

Xtyucua ycui' Ndyosi ji'i̱ cua ña'a̱ ca ñati̱ nu chañi cha' cua'a̱ jyaca̱ ji'i̱ cha' tso'o nu nda Ni cha' tyanu ne' cresiya ji'na; bi' laca cha' nu xtyucua ji'na cha' taca tyi'i̱ tyiquee na tso'o ti. Si tso'o ti cua'ni na nde chalyuu, si cua'ni na lcaa cña nu nclyu'u ycui' Ndyosi ji'na lcaa tsa̱ lo'o tyi'i̱ na chalyuu, tso'o tsa caca ji'na li'. Si'i na nduna ti na cha' bi', lo'o li' xtyanu na ji'i̱.

SANTIAGO 2:12

Cua nda Jesús sca cha' tso'o cha' tyanu ne' cresiya ji'na, cha' xtyucua ji'na cha' taca tyi'i̱ tyiquee na tso'o ti. Nga'a̱ cha' chcui' tso'o na, jua'a̱ ntsu'u cha' cua'ni na cha' tso'o lo'o ndi'i̱ na chalyuu, cha' cua tyalaa ti tsa̱ nu lo'o cua'ni cuayá' Ni ji'i̱ lcaa ñati̱ chalyuu.

1 PEDRO 2:16

Ñati̱ nu ndi'i̱ tso'o ti laca ma̱ juani, pana ná tso'o si ná taquiya' ma̱ ji'i̱ ngu' nu laca loo lo yuu chalyuu; msu ji'i̱ ycui' Ndyosi laca ma̱ juani, bi' cha' tso'o la si cua'ni ma̱ cña nu cuentya ji'i̱ ycui' Ni lacua, cha' ña'a̱ xa' ñati̱ cha' ntsu'u cha' ji'i̱ ma̱ lo'o Ni.

2 JUAN 1:1

La cui' nu cusu' Juan laca na'. Nscua na' sca quityi re, ma' cusu', jua'a̱ sñi' nu'u̱, cha' ca̱a̱ quityi re ca slo cu'ma̱ ngu' tya'a ngusñi na cha' ji'i̱ Jesús, cha' cua ngusubi ycui' Ni ji'i̱ ma̱ cha' caca ma̱ ñati̱ ji'i̱ Ni. Chañi cha' ntsu'u tsa tyiquee na' ña'a̱ na' ji'i̱ ma̱; ni si'i sca ti na', lo'o lcua ti ña'a̱ ñati̱ lcaa quichi̱ nu nduna cha' liñi ji'i̱ Jesús, lo'o lcaa ñati̱ bi', ntsu'u tsa tyiquee ngu' ña'a̱ ngu' ji'i̱ ma̱.