SAN JUAN 8:17 - Chatino Tataltepec

¹⁷ Ndaquiya' tsa na ji'i̱ cha' cusu' nu nscua lo quityi cua sa'ni la; ndacua nscua sca cha' nu nchcui' cha' tyu'u lubii ñati̱ ji'i̱ scaa cha' nu ntsu'u ji'i̱, nu lo'o stu'ba ti chcui' tucua tya'a ngu' ji'i̱ cha' bi'.

SAN JUAN 8:17 Iomraidhean Croise

SAN MATEO 18:16

Pana si ná tyaja'a̱ ngu' tya'a ma̱ bi' cuna ngu' cha' nu nchcui' ma̱ lo'o ngu', tso'o la si tsaa ma̱ slo ngu' bi' chaca quiya'; pana lo'o xi xa' la ngu' tya'a ma̱ tsaa ma̱ li', cha' lo'o ngu' bi' cuna ngu' cha' nu chcui' tyucuaa ma̱, cha' caca ngu' bi' testigo.

SAN JUAN 10:34

Li' nacui̱ Jesús ji'i̱ ngu': ―Lo quityi nscua cha' cusu' nu jlya tsa ti' ma̱, ntsu'u sca cha' nu nchcui' ndi'ya̱: “Ndyosi laca lcaa cu'ma̱ cuentya jna'” ―nacui̱ Jesús―.

SAN JUAN 15:25

Nga'a̱ cha' caca cha' jua'a̱, cha' nu nscua lo quityi cusu' ji'i̱ ngu' bi'; ndi'ya̱ nchcui' cha' bi': “Liye' ti' ngu' ña'a̱ ngu' jna', masi ná ntsu'u su̱u̱ cha' ji'i̱ ngu' cha' cua'ni ngu' jua'a̱”.

2 CORINTIOS 13:1

Cua tya'a ti sna quiya' juani cha' ca̱a̱ na'a̱ na' ji'i̱ cu'ma̱. Ndi'ya̱ cua'ni na juani: Xcui' nga'a̱ cha' cua'ni cuayá' na ji'i̱ ñati̱ cuxi lo'o tucua sna tya'a ñati̱ nu cua na'a̱ ji'i̱ cha' cuxi bi'.

GÁLATAS 3:24

Laca cha' cusu' bi' loo ji'na ñi'ya̱ nti' si laca na sca nu sube; ngulu'u cha' cusu' bi' xi cha' liñi ji'na ña'a̱ cuayá' nu ñaa ycui' Cristo. Pana juani cua'ni Cristo cha' caca tso'o cresiya ji'na cuentya ji'i̱ ycui' Ndyosi, ñi'ya̱ nu nti' ycui' Ni cha' caca na nu lo'o jlya ti' na ji'i̱ nu Cristo bi'.

GÁLATAS 4:21

Cu'ma̱, cua nti' ma̱ taquiya' ma̱ ji'i̱ cha' cusu' bi' ti. Tso'o lacua. ¿Ha bilya cuna ma̱ cha' re, nu nchcui' cha' ji'i̱ Abraham?

HEBREOS 10:28

Nu ngua sa'ni ni, lo'o ntsu'u ñati̱ nu ná ndaquiya' tsiya' ti ji'i̱ cña nu ngulo ycui' Ndyosi, ndyujuii ngu' ji'i̱ ñati̱ bi' li'. Ngua'ni cuayá' ngu' ji'i̱ ñati̱ bi' clyo cuentya ji'i̱ jyo'o Moisés lo'o tucua sna tya'a xa' ñati̱ nu ndacha' liñi ñi'ya̱ ngua cha' bi'; li' ngusta ngu' yabe' hichu̱' ñati̱ bi', ndyujuii ngu' ji'i̱ li', cha' nga'aa ngujui ñi'ya̱ jña ngu' cha' clyu ti' ji'i̱ ycui' Ndyosi cuentya ji'i̱ nu cuxi bi' li'. Jua'a̱ ngua tya sa'ni la.

1 JUAN 5:9

Ntucuá na ji'i̱ cha' nu nchcui' ñati̱ chalyuu lo'o na, pana juani ndulo la cha' nu nda ycui' Ndyosi lo'o na. Ca ta'a sna cha' nu nda ycui' Ndyosi, lcaa cha' bi' nchcui' cha' sca ti Jesucristo laca Sñi' ycui' Ndyosi.

APOCALIPSIS 11:3

li' ta na' tucua tya'a ñati̱ nu ca̱a̱ chalyuu cha' chcui' ngu' lcaa cha' nu nti' na' ta na' lo'o ñati̱. Tyucuaa ngu' bi' tsatu̱ ngu' cla'be quichi̱ bi' tyempo li' ―nacui̱ Ni 'na―, ña'a̱ cuayá' tya'a tii tyucuaa siyento ntucua snayala tsa̱ tyu̱ ngu' bi'. Tyucui tyempo cacu' ngu' bi' late' ngata, cha' tonu tsa cha' nu ta ngu' lo'o ñati̱, ñi'ya̱ nu cua'ni na' nde loo la.