SAN JUAN 8:12 - Chatino Tataltepec

¹² Chaca quiya' nda Jesús cha' lo'o ngu' ne' laa bi'. ―Na' laca̱ nu nda̱ xee cha' tyu'ú ne' cresiya ji'i̱ ñati̱ ―nacui̱ yu―. Tyanu xee lubii jna' ne' cresiya ji'i̱ ñati̱ nu xñi cha' jna', lo'o jua'a̱ ná nga'a̱ cha' tye chalyuu ji'i̱ ngu' bi' li'; nga'aa ntsu'u cha' tya'a̱ yu'u ngu' bi', ñi'ya̱ nu ndu'ni ngu' nu ná ntsu'u xee jna' ne' cresiya ji'i̱ tsiya' ti.

SAN JUAN 8:12 Iomraidhean Croise

SAN MATEO 5:14

’Ñi'ya̱ nti' sca xee laca cu'ma̱, cha' culu'u ma̱ tyucui̱i̱ ji'i̱ ycui' Ndyosi ji'i̱ lcaa ñati̱ chalyuu. Sca quichi̱ nu ndi'i̱ lo xlya ca'ya ni, ná ca tyi'i̱ bi' cuaana ti; ña'a̱ lcaa ñati̱ quichi̱ bi'.

SAN LUCAS 2:32

Caca ycui' nu bi' sca xee tlyu nu tyu'u ne' cresiya ji'i̱ ñati̱ tyucui ña'a̱ chalyuu; tlyu tsa cha' tso'o caca ycui' nu bi' cuentya ji'i̱ ñati̱ jinu'u̱, nu ngu' Israel bi'. Jua'a̱ cha' nda nu cusu' Simeón bi' lo'o ycui' Ndyosi.

SAN JUAN 12:35

Li' nguxtyacui Jesús cha' lo'o ngu': ―Tya xi ca tsa̱ tya tyi'i̱ na' slo cu'ma̱, na' nu ta̱ xee nu tyu'ú ne' cresiya ji'i̱ ñati̱ ―nacui̱ Jesús―. Bi' cha' juani yaa ma̱ su nga'a̱ cha' tsaa ma̱ lo'o tya xee ti, cha' ná cua'ni nu cuxi ngana ji'i̱ ma̱, nu cuxi nu nda talya chalyuu. Nu lo'o talya ña'a̱ su ndya'a̱ na, ná jlo ti' na ma nde ndya'a̱ na li'.

SAN JUAN 12:36

Lo'o jua'a̱ cu'ma̱ ―nacui̱ Jesús ji'i̱ ngu'―, tso'o la si xñi ma̱ cha' jna' laja lo'o tya ndi'i̱ na' chalyuu, na' nu ta̱ xee nu tyu'ú ne' cresiya ji'i̱ cu'ma̱ ñati̱ chalyuu. Li' tyucui tyiquee ma̱ caca ma̱ ñati̱ ji'i̱ ycui' Ndyosi. Ndye nchcui' Jesús jua'a̱ lo'o ngu', li' ngutu'u yu ndyaa yu ca su ná quije yu ji'i̱ ngu'.

SAN JUAN 12:46

Cua lijya̱ na' chalyuu cha' caca na' ñi'ya̱ laca sca xee nu tyu'ú ne' cresiya ji'i̱ ñati̱. Lo'o xñi ñati̱ cha' jna', li' nga'aa tyi'i̱ ngu' chalyuu ñi'ya̱ laca si ná ntsu'u xee ne' cresiya ji'i̱ ngu' xqui'ya cha' cuxi nu ndu'ni ngu'.

SAN JUAN 14:6

―Na' laca̱ nu nclyu'u̱ tyucui̱i̱ ―nacui̱ Jesús li'―, na' nclyu'u̱ lcaa cha' nu liñi ca; na' nda̱ chalyuu tso'o ji'i̱ ngu', chalyuu nu ná nga'a̱ cha' tye. Ná taca ji'i̱ ngu' tyalaa ngu' ca slo ycui' Ndyosi si ná lo'o na' ―nacui̱ Jesús―.

SAN JUAN 3:19

Na cua nda ycui' Ndyosi xee lijya̱ lo yuu, pana ná ntaja'a̱ ñati̱ chalyuu tyi'i̱ su xee bi'. Ntsu'u tsa ngu' nu ndiya la ti' tyi'i̱ ngu' su talya ña'a̱, cha' xña'a̱ tsa ngu' bi'; bi' cha' ntsu'u qui'ya nu ngusta Ni ji'i̱ ngu' bi'.

SAN JUAN 7:17

Si nti' ma̱ cua'ni ma̱ cña nu nti' ycui' Ndyosi cha' cua'ni ma̱, li' caca cuayá' ti' ma̱ mala ngutu'u cha' nu nclyu'u na' ji'i̱ ngu', si slo ycui' Ndyosi ngutu'u cha' bi', si sca cha' nu nda'ya hique ti na' laca cha' bi' ―nacui̱ yu―.

SAN JUAN 9:5

Lo'o tya tyi'i̱ na' chalyuu, tya ta na' xee nu tyu'ú ne' cresiya ji'i̱ ñati̱.

LOS HECHOS 13:47

Jua'a̱ cña ngulo ycui' nu Xu'na na ji'i̱ ya nu nchcui' quityi cusu' bi' ndi'ya̱: Ñi'ya̱ nti' sca xee ndubi nu nclyu'u xee tyijyu', jua'a̱ nga'a̱ cha' ta ma̱ cha' jna' lo'o ngu' xa' tsu', nacui̱ ycui' Ndyosi, cha' ca cuayá' ti' lcaa ñati̱ chalyuu tilaca laca nu cua'ni lyaá ji'i̱ ngu'.

LOS HECHOS 26:23

Cua nguscua ngu' cha' lye tsa xcube' ñati̱ ji'i̱ nu Cristo bi' nde loo la; ntsu'u cha' cajaa yu, lo'o li' Cristo laca nu clyo nu tyu'ú chaca quiya' lo'o cua ngujuii yu. Cua nguscua ngu' cha' tyu'ú yu chaca quiya' cha' cua'ni lyaá Ni ji'i̱ lcaa na, masi ngu' judío tya'a na, masi ngu' xa' tsu'. Jua'a̱ nclyu'u na' ji'i̱ ñati̱.

2 PEDRO 2:17

Taca chcui' na cha' laca nu ngu' cuiñi bi' ñi'ya̱ laca sca pilya nu ngüityi tsiya' ti, nu nga'aa ntsu'u hitya ne'. La cui' jua'a̱ laca ngu' bi' ñi'ya̱ laca sca coo ngati̱ ti, nu nxna tsa xqui'ya cui'i̱, pana ná ndu'ni bi' cha' ca'ya tyo; na ndya'a̱ ti bi' nde cua̱. Lo'o nu ngu' cuiñi bi' ni, ná ntsu'u cha' tso'o tyiquee ngu' tsiya' ti, bi' cha' ntsu'u cha' tsaa ngu' bi' ca su talya tsa ña'a̱; ca jua cua ngüiñá ycui' Ndyosi sca se'i̱ nu cuxi tsa ña'a̱, su tsaa ngu' nu ndu'ni jua'a̱.

2 PEDRO 2:4

Nu cua sa'ni ni, ná ngua'ni clyu ti' ycui' Ndyosi ji'i̱ nu ngu' xca̱ ji'i̱ Ni nu ntsu'u qui'ya ji'i̱; nguxcua̱a̱ Ni ji'i̱ ngu' xca̱ nu xña'a̱ bi', ndyaa ngu' nde ca bilyaa, ca su talya ña'a̱ tsiya' ti. Ndyaaca̱' ngu' xca̱ bi' lo'o ju̱u̱ chcua̱, cha' ca bi' tyanu ngu' ña'a̱ cuayá' nu cua'ni cuayá' Ni ji'i̱ lcaa ñati̱ chalyuu, lo'o ji'i̱ ngu' xca̱ bi'.

1 JUAN 1:6

Cha' cuiñi laca nu nda na si ñacui̱ na cha' stu'ba ntsu'u tyiquee na lo'o ycui' Ndyosi, lo'o li' ña'a̱ ti tya ndiya ti' na cha' cuxi; ndi'i̱ na chalyuu ñi'ya̱ laca si talya tsa ña'a̱ su ndi'i̱ na li', cha' ná tso'o ndu'ni na.

JUDAS 1:13

Ñi'ya̱ nxasu clyoo' tyujo'o, nchcua̱a̱ clyoo' ngo' cuu' ca to' hitya, jua'a̱ laca cña cuxi nu ndyu'ni ngu' bi'; ñi'ya̱ laca sca cuii nde cua̱ nu ngusna ndyaa xa' tyucui̱i̱ cha' nga'aa ta xee nde talya, jua'a̱ laca ngu' cuiñi bi'. Pana cua ngua'ni cho'o ycui' Ndyosi sca se'i̱ su ná ntsu'u xee tsiya' ti su tyaa nu ngu' cuiñi bi'.

JUDAS 1:6

Lo'o jua'a̱ tyi'u ti' ma̱ ji'i̱ xca̱ ji'i̱ ycui' Ndyosi nu ná ntaja'a̱ taquiya' ji'i̱ cña nu nda Ni ji'i̱ ngu' nu ngua sa'ni, bi' cha' nguxtyanu xca̱ bi' tyi ngu' ca slo ycui' Ndyosi. Pana juani cua ndu̱ xca̱ cuxi bi' ndyaaca̱' lo'o carena; ca su talya ña'a̱ tsiya' ti ndu̱ xca̱ cuxi bi', cha' preso ji'i̱ ycui' Ndyosi laca ngu' juani. Jua'a̱ ntsu'u cha' jatya xca̱ bi' ni jacua' tyalaa tsa̱ nu cua'ni cuayá' ycui' Ni ji'i̱ lcaa ñati̱.

APOCALIPSIS 21:24

bi' laca nu ta xee su tya'a̱ ñati̱ tyucui ña'a̱ chalyuu cucui. Lo'o jua'a̱ ntsu'u xi ngu' nu laca loo chalyuu nu tyalaa ca quichi̱ tlyu bi', tya̱lo'o ngu' ji'i̱ lcaa cha' tso'o nu ntsu'u ji'i̱ ngu' ca bi'.