SAN JUAN 7:44 - Chatino Tataltepec

⁴⁴ Pana ná tucui ntejeya' ji'i̱ yu, masi ntsu'u ngu' nu ngua ti' ngu' xñi ngu' ji'i̱.

SAN JUAN 7:44 Iomraidhean Croise

SAN MATEO 12:14

Lo'o li' ngua ñasi̱' tsa nu ngu' fariseo bi' ji'i̱ yu, ndu'u ngu', ndyaa ngu'; ngua ti' ngu' si caja ñi'ya̱ caca cua'ni tye ngu' cha' ji'i̱ Jesús li'.

SAN JUAN 7:30

Lo'o ndye nchcui' Jesús cha' bi', li' ndyalaa xi ngu' slo yu, ngua ti' ngu' cha' taya' ngu' ji'i̱ yu. Pana ni sca ngu' ná ndaya' ngu' ji'i̱ yu, cha' tya lyiji tyalaa tyempo ji'i̱ Ni cha' xñi ngu' ji'i̱ yu.

SAN JUAN 8:20

Nacui̱ Jesús jua'a̱ lo'o ngulu'u yu ji'i̱ ngu' ne' laa tonu, ntucua yu cacua ti su ndu̱ cñá' su cujui'i̱ ngu' cñi nu caca msta̱ ji'i̱ ngu' ne' laa. Lo'o ná tucui ngua'ni cha' tejeya' ji'i̱ Jesús, cha' tsaa lo'o ji'i̱ yu ni'i̱ chcua̱, cha' tya lyiji tyalaa tyempo ji'i̱ yu cha' xcube' ngu' xña'a̱ ji'i̱ yu.

LOS HECHOS 18:10

Ndi'i̱ na' lo'o nu'u̱ cha' xtyucua na' jinu'u̱, bi' cha' nga'aa caca xñi ngu' jinu'u̱ cha' xcube' ngu' hi̱. Lo'o jua'a̱ ntsu'u tsa ngu' quichi̱ re nu taca xñi ngu' cha' jna' nde loo la, si ta nu'u̱ cha' lo'o ngu'.

LOS HECHOS 23:11

Lo'o ngua talya lye, li' ndyalaa ycui' nu Xu'na na slo Pablo. ―Cua'ni tlyu tyiquee nu'u̱ Pablo ―nacui̱ Ni―. Ñi'ya̱ cua nchcui' nu'u̱ cha' jna' nde quichi̱ Jerusalén re, jua'a̱ ntsu'u cha' chcui' nu'u̱ cha' jna' ca quichi̱ Roma.