SAN JUAN 7:43 - Chatino Tataltepec

⁴³ Ná ngua stu'ba cha' ji'i̱ ngu' lo'o tya'a ngu' cha' ji'i̱ Jesús.

SAN JUAN 7:43 Iomraidhean Croise

SAN MATEO 10:35

xu̱u̱ tya'a sca ñati̱ lo'o sti yu xqui'ya na', xu̱u̱ tya'a sca nu cuna'a̱ lo'o xtya'a̱ cho' xqui'ya na', xu̱u̱ tya'a cuxi̱i̱ ji'i̱ ngu' lo'o xtya'a̱ laa cho'.

SAN LUCAS 12:51

¿Ha xcui' ti̱ ti tyi'i̱ ñati̱ chalyuu xqui'ya cha' cua lijya̱ na' lo yuu, nti' ma̱? Si'i. Ná nchca tyi'i̱ ti̱ ti ñati̱ chalyuu, cha' na xu̱u̱ tya'a ngu' nti' ngu'.

SAN JUAN 10:19

Tya chaca quiya' ná stu'ba cha' ji'i̱ ngu' judío lo'o tya'a ngu' cha' nchcui' Jesús jua'a̱.

SAN JUAN 7:12

Quiña'a̱ tsa cha' nda ngu' quichi̱ bi' lo'o tya'a ngu' cuentya ji'i̱ Jesús. Ntsu'u ngu' nu nchcui' ndi'ya̱: “Tso'o tsa ñati̱ bi'”. Lo'o ntsu'u xi xa' la ngu' nu ndu'ni: “Si'i. Xcui' cha' cuiñi nda yu, na ñilo'o ti yu ji'i̱ ngu'”.

SAN JUAN 9:16

Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.

LOS HECHOS 14:4

Ná stu'ba cha' ji'i̱ ngu' quichi̱ lo'o tya'a ngu' li'. Ntsu'u ngu' nu ndaquiya' tsa ji'i̱ tya'a ngu' judío, lo'o jua'a̱ ntsu'u ngu' nu ndaquiya' ji'i̱ cha' nu nda ngu' nu ndya'a̱ nchcui' cha' ji'i̱ Jesucristo bi'.