SAN JUAN 7:25 - Chatino Tataltepec

²⁵ Lo'o ndyuna xi ngu' quichi̱ Jerusalén cha' bi', li' nguxana nchcui' ngu' ji'i̱: ―Nu ñati̱ jua, ¿ha si'i na nclyana ngu' ji'i̱ yu cha' cujuii ngu' ji'i̱? ―nacui̱ ngu'―.

SAN JUAN 7:25 Iomraidhean Croise

SAN JUAN 7:24

Ná tso'o cua'ni cuayá' ma̱ ji'i̱ sca ñati̱ lo'o ña'a̱ ti ma̱ ji'i̱ ―nacui̱ yu―. Ñi'ya̱ nu tyu'u liñi cha' ji'i̱ sca ngu', jua'a̱ cua'ni cuayá' ma̱ ji'i̱ ngu' tso'o la.

SAN JUAN 7:26

Lo'o juani ña'a̱ ma̱ ñi'ya̱ nu ndyu'ni yu jua, ndu̱ yu nchcui' yu su ndi'i̱ lcaa ñati̱. Ná nchca ji'i̱ ngu' tsiya' ti cua'a ngu' ji'i̱ yu cha' nga'aa chcui' yu ―nacui̱ ngu' ji'i̱ tya'a ngu'―. ¿Ha ngujui cha' ji'i̱ nu laca loo ji'na lacua, cha' nu jua laca Cristo, nu ñati̱ tlyu nu cua ca̱a̱ ti?