SAN JUAN 7:23 - Chatino Tataltepec

²³ Nu lo'o ndu'u scua snu' tsa̱ tya lo'o ngula sñi' ma̱, ndu'ni ma̱ cña bi', masi ndi'i̱ cña' ngu' cha' ta'a, cha' ndaquiya' ma̱ lcaa cha' nu cua nda Moisés lo'o na. Bi' cha' juani, ¿ni cha' laca cha' ñasi̱' ma̱ 'na? ―nacui̱ Jesús―. Laca cha' ngua'ni na' cha' ngua tso'o sca ñati̱, masi sca tsa̱ ndi'i̱ cña' ngu' ngua bi'.

SAN JUAN 7:23 Iomraidhean Croise

SAN MATEO 12:10

Li' na'a̱ yu cha' ndi'i̱ sca nu qui'yu nu quicha ya', cha' cua nchcu̱' tyucuí̱ sca tsu' ya'. Li' nchcuane ngu' ji'i̱ Jesús: ―¿Ha ntsu'u chacuayá' ji'na cha' cua'ni na jo'o ji'i̱ ngu' quicha tsa̱ ta'a, nu lo'o nga'a̱ cha' tyi'i̱ cña' na? ―nacui̱ ngu' ji'i̱ Jesús. Nti' tsa ngu' bi' sta ngu' qui'ya hichu̱' Jesús.

SAN MATEO 12:2

Li' na'a̱ ngu' fariseo cha' ndyu'ni ngu' jua'a̱, nchcui' ngu' lo'o Jesús li': ―¿Ha ná jlo ti' ma̱ cha' ná ntsu'u chacuayá' cua'ni na cña juani, cha' tsa̱ nu ndi'i̱ cña' na laca? ―nacui̱ ngu' bi' ji'i̱ Jesús―. Nu ngu' cua nu ndyaca tsa'a̱ jinu'u̱ ni, ¿ni cha' laca ndyu'ni ngu' cña juani lacua?

SAN MATEO 12:5

Lo'o jua'a̱ ntsu'u chaca cha' nu nguscua jyo'o Moisés lo quityi, cha' ngu' sti jo'ó ni, ná nga'a̱ cña' sti jo'ó ne' laa tonu lo'o ndyaca tsa̱ nu ndi'i̱ cña' ngu'; ntsu'u cña nu ndu'ni ngu' sti jo'ó bi'. Pana la cui' ti ná ntsu'u qui'ya ji'i̱ ngu' bi' cuentya ji'i̱ ycui' Ndyosi ―nacui̱ Jesús ji'i̱ ngu' fariseo bi'―.

SAN JUAN 5:10

Bi' cha' nchcui' nu ngu' judío bi' lo'o nu ngua quicha bi': ―Tsa̱ nu ndi'i̱ cña' ngu' laca juani ―nacui̱ ngu' bi' ji'i̱―. Ná ntsu'u chacuayá' jinu'u̱ tsiya' ti cha' tya'a̱ lo'o ji'i̱ jaa' cua hi̱ juani.

SAN JUAN 7:21

Li' nchcui' Jesús lo'o ngu' chaca quiya': ―Sca ti quiya' ngua'ni na' sca cha' tlyu tsa̱ ta'a tsa̱ nu tacati tsa ji'i̱ ma̱, lo'o li' ndube tsa ti' ma̱.

SAN JUAN 9:16

Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.