SAN JUAN 7:12 - Chatino Tataltepec

¹² Quiña'a̱ tsa cha' nda ngu' quichi̱ bi' lo'o tya'a ngu' cuentya ji'i̱ Jesús. Ntsu'u ngu' nu nchcui' ndi'ya̱: “Tso'o tsa ñati̱ bi'”. Lo'o ntsu'u xi xa' la ngu' nu ndu'ni: “Si'i. Xcui' cha' cuiñi nda yu, na ñilo'o ti yu ji'i̱ ngu'”.

SAN JUAN 7:12 Iomraidhean Croise

SAN MATEO 10:25

Sca ti cuayá' cha' ti'í caca ji'i̱ ngu' cuañi' bi' li', ñi'ya̱ nu ndyaca ji'i̱ mstru ji'i̱ ngu'; sca ti cuayá' cña ti'i̱ caca ji'i̱ msu bi' li', ñi'ya̱ nu ndyaca ji'i̱ xu'na ngu'. Bi' cha' taca ca cuayá' ti' ma̱ cha' ti'í tsa chcui' ngu' ji'i̱ ma̱ nu ntsu'u cha' ji'i̱ ma̱ lo'o na', cha' laca̱ nu Xu'na ma̱; cua nchcui' ngu' cha' Beelzebú nu xu'na cuiñaja laca na'.

SAN MATEO 21:46

Lye tsa ngua ti' ngu' bi' taya' ngu' ji'i̱ Jesús, cha' cujuii ngu' ji'i̱, ngua ti' ngu'; pana ná ngua ji'i̱ ngu' bi', cha' ndyutsi̱i̱ ngu' ji'i̱ nu ñati̱ quiña'a̱ bi', cha' quiña'a̱ tsa ngu' jlya ti' ngu' cha' laca Jesús sca ñati̱ nu laca tu'ba ji'i̱ ycui' Ndyosi.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN LUCAS 18:19

Li' nguxacui̱ Jesús cha' ji'i̱ yu: ―¿Ni cha' laca nacui̱ nu'u̱ cha' tso'o tsa na'? ―nacui̱ Jesús ji'i̱ yu bi'―. Sca ti ycui' Ndyosi laca nu chañi cha' tso'o laca Ni.

SAN LUCAS 23:47

Lo'o na'a̱ nu capitán ji'i̱ sendaru romano ñi'ya̱ ngua cha' bi', li' ngua'ni tlyu ji'i̱ ycui' Ndyosi. Ndi'ya̱ nchcui' li': ―Chañi cha' ná ntsu'u qui'ya ji'i̱ jyo'o re tsiya' ti ―nacui̱ nu capitán ji'i̱ sendaru bi'.

SAN LUCAS 23:50

Cua ntsu'u sca ñati̱ tso'o nu ndyu'ni tlyu ji'i̱ ycui' Ndyosi, José naa nu qui'yu bi'. Arimatea laca quichi̱ tyi; loyuu su cuentya Judea, bi' ndi'i̱ quichi̱ tyi. Sca nu laca cña laca nu José bi', stu'ba ti ntucua lo'o lcaa ngu' tisiya ji'i̱ ngu' judío.

SAN LUCAS 6:45

Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee ni, cuxi ti nchcui' ngu' bi' li'. Cua ña'a̱ ca cha' nu ntsu'u ne' cresiya ji'i̱ scaa ngu', jua'a̱ nchcui' ngu'.

SAN LUCAS 7:16

Ndube tsa ti' lcaa ñati̱ ca bi' lo'o na'a̱ ngu' ji'i̱ yu nu ngujuii bi'. Li' nguxana ngu' ndyu'ni tlyu ngu' ji'i̱ ycui' Ndyosi. ―Tlyu tsa ñati̱ ndyalaa slo na juani ―nacui̱ ngu'―, bi' laca nu chcui' lcaa cha' ji'i̱ ycui' Ndyosi lo'o na. Jua'a̱ nacui̱ ngu' li'. Lo'o chaca cha' nacui̱ ngu': ―Cua ndyalaa ycui' Ndyosi juani cha' xtyucua Ni ji'i̱ ñati̱ ji'i̱ ycui' Ni ―nacui̱ ngu'.

SAN JUAN 6:14

Lo'o cua na'a̱ ngu' cña tonu nu ngua'ni ca Jesús, li' nacui̱ ngu': ―Chañi cha' yu jua laca nu cusu' nu chcui' cha' ji'i̱ ycui' Ndyosi lo'o na, nu cua tyu'u tucua ti nde chalyuu.

SAN JUAN 7:32

Cua ndyuna ngu' fariseo ña'a̱ cha' nu nchcui' ngu' quichi̱ ji'i̱ Jesús. Bi' cha' ngulo ngu' cña ji'i̱ policía ne' laa cha' tsaa ngu' taya' ngu' ji'i̱ Jesús. Jua'a̱ ngua'ni sti jo'ó nu laca loo lo'o nu ngu' fariseo bi'.

SAN JUAN 7:47

Nguxacui̱ ngu' fariseo cha' ji'i̱ ngu' bi': ―¿Ha lo'o ji'i̱ cu'ma̱ ñilo'o yu jua lacua? ―nacui̱ ngu'―.

SAN JUAN 7:52

―¿Ha la cui' ngu' Galilea laca nu'u̱ lacua? ―nacui̱ tya'a fariseo ji'i̱ Nicodemo li'―. Lo quityi ji'i̱ ycui' Ndyosi nu nscua sa'ni ña'a̱ nu'u̱ xi, cha' caca cuayá' la ti' nu'u̱ cha' si'i nde Galilea tyu'u ñati̱ nu culu'u cha' ji'i̱ ycui' Ndyosi ji'na.

SAN JUAN 9:16

Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.

LOS HECHOS 11:24

Tso'o tsa tyiquee Bernabé; cua ndyanu Xtyi'i ycui' Ndyosi ne' cresiya ji'i̱ yu, lo'o jua'a̱ tso'o tsa jlya ti' yu ji'i̱ Jesucristo. Bi' cha' quiña'a̱ la ñati̱ cua ngusñi ngu' cha' ji'i̱ nu Xu'na na xqui'ya nu Bernabé bi' li'.

ROMANOS 5:7

Tlyu tsa cha' cua'ni na si tyaja'a̱ na cajaa na cha' caja ñi'ya̱ nu cua'ni lyaá na ji'i̱ chaca ñati̱; masi sca ñati̱ nu xcui' cha' tso'o ndu'ni, ná nti' na cajaa na cuentya ji'i̱ yu. Sca ti si sca ñati̱ nu tso'o tsa ndu'ni laca bi', tso'o tsa nchcui' lo'o tya'a, ná tyiquee' tyaja'a̱ sca ngu' cajaa cuentya ji'i̱ ñati̱ bi', si caca cua'ni lyaá ngu' ji'i̱ nu ñati̱ bi' li'.

FILIPENSES 2:14

Lcaa lo cña nu cua'ni ma̱ ni, ná caca chi̱i̱ nti' ma̱ ña'a̱ ma̱ ji'i̱ ngu' lo'o ndyu'ni ma̱ cña bi', ná xlyú ma̱ cha' hichu̱' ngu',