SAN JUAN 6:71 - Chatino Tataltepec

⁷¹ Nu nti' Jesús ñacui̱ cha' Judas sñi' Simón Iscariote, bi' laca nu ta ji'i̱ Jesús ji'i̱ ngu' xña'a̱ ca tiya' la. Lo'o nu Judas bi' ni, lo'o bi' nga'a̱ laja nu tii tyucuaa tya'a ngu' nu ndyaca tsa'a̱ ji'i̱ Jesús.

SAN JUAN 6:71 Iomraidhean Croise

SAN MATEO 10:2

Nde nscua na' xtañi ca ta'a tii tyucuaa tya'a ngu' nu ngusubi Jesús: nu clyo ngusubi yu ji'i̱ Simón, nu lo'o ndu'ni ngu' Pedro ji'i̱, lo'o Andrés tya'a ngula nu Simón bi'; li' ngusubi yu ji'i̱ Jacobo, lo'o Juan tya'a ngula Jacobo, nu laca sñi' Zebedeo;

SAN MATEO 10:4

ngusubi yu ji'i̱ Simón nu ngua ji'i̱ taju ngu' cananista, lo'o ji'i̱ Judas Iscariote nu cujui' cresiya ji'i̱ Jesús ji'i̱ ngu' cuxi ca tiya' la.

SAN MARCOS 14:10

Lo'o Judas Iscariote ni, la cui' tya'a ngu' nu ndyaca tsa'a̱ ji'i̱ Jesús laca bi'. Li' ndu'u nu Judas bi' ndyaa slo sti jo'ó nu laca loo, cha' cujui' cresiya ji'i̱ Jesús ji'i̱ ngu' bi'.

SAN JUAN 12:4

Nga'a̱ Judas sñi' Simón Iscariote lo'o ngu', cha' ñati̱ nu ndyaca tsa'a̱ ji'i̱ Jesús laca. La cui' bi' laca nu cujui' cresiya ji'i̱ Jesús ji'i̱ ngu' cuxi ca tiya' la. Na'a̱ nu Judas bi' ñi'ya̱ nu ngua'ni María, lo'o li' lye nchcui' ni cha' laca ngua'ni María jua'a̱:

SAN JUAN 13:2

Laja li' cua ngua'ni nu xña'a̱ cha' ngua'ya cha' hique Judas sñi' Simón Iscariote cha' cujui' cresiya ji'i̱ Jesús ji'i̱ ngu' cuxi.

SAN JUAN 13:26

―Ndi'ya̱ cua'ni na' ―nacui̱ Jesús ji'i̱ li'―. Ta'a̱ na' sa yu'be tyaja 'na ne' ca'ña scuaa re. Ñati̱ nu ta na' yu'be tyaja bi' ji'i̱ cha' cacu, nu bi' laca nu ni na' ji'i̱ ma̱. Li' nda'a̱ Jesús sa yu'be tyaja ne' ca'ña, nda ji'i̱ Judas, sñi' Simón Iscariote.

SAN JUAN 20:24

Cua ntsu'u sca nu qui'yu tya'a nu tii tyucuaa tya'a ngu', nu naa Tomás nu Culaca'. Ná lo'o Tomás ndi'i̱ lo'o nu xa' tya'a ngu' nu ngua tsa'a̱ bi', nu lo'o ndyaa Jesús slo ngu'.

SAN JUAN 6:64

Pana tya ntsu'u xi ngu' tya'a ndya'a̱ ma̱ nu ná jlya ti' jna' ―nacui̱ Jesús li'. Tya lo'o nguxana ti cha', tya li' ngua tii Jesús tilaca laca nu ná jlya ti' ji'i̱ yu, tilaca laca nu cujui' cresiya ji'i̱ yu ca tiya' la.

SAN JUAN 6:70

Li' nacui̱ Jesús: ―Jua'a̱ na', cua ngusubi na' ji'i̱ ca ta'a tii tyucuaa tya'a ma̱, masi cuiñaja caca tsaca ma̱.

LOS HECHOS 2:23

Cua sa'ni la cua jlo ti' ycui' Ndyosi, tya li' cua nchcui' Ni ñi'ya̱ nu caca ji'i̱ Jesús. Ndacha' lo Ni ji'i̱ ngu' cha' cujuii ñati̱ cuxi ji'i̱ ycui' Jesús. Jua'a̱ ngua li'; tsubi' ti ngusñi ma̱ ji'i̱ yu, ngujui'i̱ ca'a̱ ma̱ ji'i̱ yu lo crusi. Cua ndyujuii ma̱ ji'i̱ yu lo'o nda ma̱ cña ji'i̱ ñati̱ cuxi bi', cha' cua ngua'ni ngu' cña cuxi bi' cuentya ji'i̱ ma̱, ñi'ya̱ nu nacui̱ Ni cha' caca.

JUDAS 1:4

Ndu'ni cha' ca cuayá' ti' ma̱ cha' cua ndyatí̱ xi ñati̱ cuiñi bi' laja cu'ma̱, masi ná stu'ba cha' nu jlya ti' ma̱ lo'o ngu'. Cua sa'ni tsa nscua cha' lo quityi ji'i̱ ycui' Ndyosi cha' xcube' Ni ji'i̱ nu ngu' cuxi bi'; pana ná ndaquiya' ngu' bi' ji'i̱ cha' nu nchcui' ycui' Ndyosi tsiya' ti, ni ná ndube ti' ngu' bi' si ntsu'u tsa tyiquee Ni ña'a̱ Ni ji'i̱ ñati̱ chalyuu. Nacui̱ ngu' bi', cha' ná ndu'ni cha' masi cua'ni ngu' cha' suba', masi cua'ni ngu' lcaa lo cha' cuxi, cha' si ntsu'u tsa tyiquee Ni ña'a̱ Ni ji'na, ná xcube' Ni ji'na li', nti' ngu'. Cuiñi tsa ngu' bi', si'i ycui' Jesucristo laca xu'na ngu' bi'. Pana nu na ni, sca ti ycui' Jesucristo laca nu Xu'na na, sca ti ycui' Ni laca nu chañi cha' laca Ni loo ji'na.