SAN JUAN 6:68 - Chatino Tataltepec

⁶⁸ Li' nguxacui̱ Simón Pedro cha' ji'i̱ Jesús: ―Cusu' ―nacui̱―, ¿ma nde ntsu'u chaca se'i̱ su tsaa ya cha' cuna ya lcaa ña'a̱ cha' liñi nu nchcui' nu'u̱? Ná nga'a̱ cha' tye chalyuu ji'i̱ ya si cua'a̱ jyaca̱ ya ji'i̱ cha' nu nchcui' nu'u̱ ―nacui̱―.

SAN JUAN 6:68 Iomraidhean Croise

SAN MATEO 16:16

Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

SAN MARCOS 8:29

―Lo'o cu'ma̱ ni ―nacui̱ Jesús―, ¿tilaca laca na' nti' ma̱? ―nacui̱ yu ji'i̱ nu ngu' nu ndyaca tsa'a̱ ji'i̱. Hora ti nguxacui̱ Pedro cha' ji'i̱ yu: ―Cristo laca nu'u̱ ―nacui̱ Pedro li'.

SAN LUCAS 9:20

―Cu'ma̱ ni ―nacui̱ Jesús ji'i̱ ngu' bi' li'―, ¿tilaca laca na' nti' cu'ma̱? Li' nacui̱ Pedro ji'i̱: ―Cristo nu nda ycui' Ndyosi ji'i̱ lijya̱ nde chalyuu, bi' laca nu'u̱ ―nacui̱ Pedro ji'i̱.

SAN JUAN 12:49

Si'i chacuayá' ji'i̱ ycui' ca ti na' nchcui' na' lo'o ñati̱; ycui' Ndyosi Sti na' nu cua nda jna' lijya̱a̱ chalyuu, bi' laca nu ngulo cña 'na ñi'ya̱ cha' nu ta na', ñi'ya̱ ña'a̱ cha' nu chcui' na' lo'o ñati̱ ―nacui̱ yu―.

SAN JUAN 12:50

Jlo ti' na' cha' talo tsa lcaa cña nu nda Sti na' cha' cua'ni ma̱, ná nga'a̱ cha' tye chalyuu ji'i̱ ma̱ si taquiya' ma̱ ji'i̱ cha' bi' ―nacui̱ Jesús ji'i̱ ngu'―. Bi' cha' tsa ña'a̱ cha' nu cua nchcui' Sti na' lo'o na', bi' laca cha' nu nchcui' na' lo'o ma̱ juani.

SAN JUAN 17:8

Lo'o jua'a̱ cua ngulu'u na' ji'i̱ ngu' lcaa cha' nu ngulu'u nu'u̱ 'na ―nacui̱ Jesús―, ndaquiya' tsa ngu' cha' bi' juani. Jlo tsa ti' ngu' cha' ca slo nu'u̱ ngutu'u na' lijya̱a̱, jlya ti' ngu' cha' nu'u̱ laca nu cua nda jna' lijya̱a̱.

SAN JUAN 5:24

’Liñi tsa cha' nu ta na' lo'o ma̱ juani: Cua ña'a̱ ca ñati̱ nu taquiya' ji'i̱ lcaa cha' nu chcui' na' lo'o ngu', lcaa ñati̱ nu jlya ti' ji'i̱ ycui' Ndyosi Sti na' nu nda jna' lijya̱a̱, bi' ngu' laca nu ná nga'a̱ cha' tye chalyuu tso'o nu ta ycui' Ndyosi ji'i̱ ngu' bi'. Ná cua'ni cuayá' Ni ji'i̱ ngu' bi', ná nscua cha' cajaa ngu' bi'; lcaa tyempo tyi'i̱ ngu' bi' lo'o ycui' Ndyosi ―nacui̱ Jesús ji'i̱ ngu'―.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

LOS HECHOS 13:26

’Lcaa na nu laca na la cui' tya'a ñati̱ ji'i̱ jyo'o Abraham, lo'o jua'a̱ lcaa ma̱ nu ndaquiya' ma̱ ji'i̱ ycui' Ndyosi, cuentya ji'i̱ lcaa na laca cha' tso'o nu nda Ni lo'o na, cha' tso'o nu nchcui' ñi'ya̱ ndu'ni lyaá Ni ji'i̱ ñati̱ chalyuu.

LOS HECHOS 4:12

bi' cha' nchca ji'i̱ cua'ni lyaá ji'na ji'i̱ lcaa cha' cuxi nu ntsu'u ji'na; ná ntsu'u xa' ñati̱ tyucui ña'a̱ chalyuu nu nchca la ji'i̱, cha' sca ti ji'i̱ Jesús cua nda ycui' Ndyosi chacuayá' cua'ni cña bi'.

LOS HECHOS 5:20

―Yaa clya ma̱ ―nacui̱―, yaa ma̱ ne' laa tonu jua cha' culu'u ma̱ cha' ji'i̱ Jesús ji'i̱ tya'a ñati̱ ma̱ ―nacui̱―. Ta ma̱ cha' lo'o ngu' ñi'ya̱ caca cucui cresiya ji'i̱ ngu' xqui'ya Jesucristo.

LOS HECHOS 7:38

La cui' Moisés bi' nga'a̱ lo'o ngu' ca su ndyu'u ti'i̱ ngu' cla'be loyuu btyi bi'. Li' nchcui' xca̱ ji'i̱ ycui' Ndyosi lo'o nu cusu' bi' ca lo xlya ca'ya su naa Sinaí. Lo'o jua'a̱ nda Moisés cha' bi' lo'o lcaa ngu' bi', la cui' jyo'o cusu' ji'na laca ngu' bi'. Nu cha' nu cua nchcui' Moisés lo'o ngu' bi' li', ná nga'a̱ cha' tye cha' bi' tsiya' ti; bi' cha' tya ntsu'u cha' nu nguscua jyo'o Moisés bi', cha' ca cuayá' ti' na ji'i̱ juani.

LOS HECHOS 8:37

―Tso'o ―nacui̱ Felipe ji'i̱―. Tso'o si chañi cha' tyucui tyiquee nu'u̱ ngusñi nu'u̱ cha' ji'i̱ Jesucristo. ―Cua ngusñi na' cha' bi' tu'ni ―nacui̱ nu cusu' bi'―. Jlya ti' na' cha' sca ti Jesucristo laca Sñi' ycui' Ndyosi.