SAN JUAN 6:54 - Chatino Tataltepec

⁵⁴ Cua ña'a̱ ca ñati̱ nu jua'a̱ ti caja tyucui ña'a̱ ycui' na' ji'i̱ ngu', ná nga'a̱ cha' tye chalyuu ji'i̱ ngu' bi'. Cua'ni na' cha' tyu'ú ngu' bi' chaca quiya' lo'o cua tye ti chalyuu ―nacui̱ Jesús―.

SAN JUAN 6:54 Iomraidhean Croise

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 6:47

Liñi tsa cha' nu nda na' lo'o ma̱ juani, cha' ñati̱ nu ngusñi cha' ji'i̱ ycui' Ndyosi ni, cua laca ngujui chalyuu nu ná nga'a̱ cha' tye ji'i̱ ngu' ―nacui̱―.

SAN JUAN 6:55

Chañi cha' taca caja tyucui ña'a̱ ycui' na' ji'i̱ ma̱, ñi'ya̱ laca si caja cuaña' na' cha' cacu ma̱, ñi'ya̱ laca si caja tañi na' cha' co'o ma̱.

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

GÁLATAS 2:20

Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.