SAN JUAN 6:44 - Chatino Tataltepec

⁴⁴ Ná tucui caca ñati̱ jna' si ná lo'o ycui' Ndyosi Sti na' ngua'ni cha' caca ngu' jua'a̱. Lo'o li' na' laca̱ nu cua'ni cha' tyu'ú ngu' bi' chaca quiya' lo'o cua tye ti chalyuu ―nacui̱ Jesús―.

SAN JUAN 6:44 Iomraidhean Croise

SAN MATEO 12:34

Pana, ¡ñi'ya̱ nti' cuaña tyaala, jua'a̱ nti' cu'ma̱! Ná nchca chcui' ma̱ cha' tso'o laja lo'o ntsu'u tsa cha' cuxi tyiquee ma̱; ñi'ya̱ nu ntsu'u tyiquee scaa na, jua'a̱ ndyu'u cha' nu nchcui' na.

SAN MATEO 16:17

―Tso'o ntsu'u tyiquee nu'u̱ Simón, sñi' Jonás ―nacui̱ Jesús ji'i̱ li'―. Si'i ñati̱ chalyuu ti nu ngulu'u cha' bi' jinu'u̱; pana ycui' Ndyosi Sti na' nu ntucua nde cua̱, nda Ni cha' bi' nu ngua'ya hique nu'u̱.

SAN JUAN 12:32

Lo'o sicua̱ ngu' cuxi jna' ca su ndi'i̱ na' lo yuu, cujui'i̱ ca'a̱ ngu' jna' lo crusi, li' cuane na' ji'i̱ lcaa ñati̱ cha' xñi ngu' cha' 'na.

SAN JUAN 5:44

Bi' cha' ná caja ñi'ya̱ caca xñi ma̱ cha' ji'i̱ ycui' Ndyosi ―nacui̱ Jesús―. Ndulo cha' ji'i̱ ma̱ cha' tso'o ti chcui' ñati̱ ji'i̱ ma̱, pana ná ndulo cha' ji'i̱ ma̱ cha' tso'o ti cua'ni ycui' Ndyosi lo'o ma̱.

SAN JUAN 6:43

Li' nguxtyacui Jesús cha' lo'o ngu': ―Nga'aa chcui' tsa ma̱ lo'o tya'a ma̱ ji'i̱ cha' nu nda na' lo'o ma̱ tsa̱ ―nacui̱―.

SAN JUAN 6:45

Ndi'ya̱ nchcui' sca cha' nu nguscua sca jyo'o cusu' lo quityi nu ngua sa'ni: “Ycui' Ndyosi laca nu culu'u cha' ji'i̱ ycui' Ni ji'i̱ ñati̱”, nacui̱ quityi bi'. Bi' cha' ñati̱ 'na caca lcaa ñati̱ nu taquiya' cha' ji'i̱ ycui' Ndyosi Sti na', lcaa ñati̱ nu caca tsa'a̱ cha' nu culu'u Ni ji'i̱ ngu'.

SAN JUAN 6:65

Li' nacui̱ Jesús: ―Bi' cha' nacui̱ na' ji'i̱ ma̱ tsa̱ cha' ná tucui caca ñati̱ jna' si ná cua'ni Sti na' cha' ñati̱ 'na caca ngu' bi'.

SAN JUAN 8:43

¿Ni cha' laca ná ndaca'a̱ jyaca̱ ma̱ ji'i̱ cha' nu nchcui' na' lo'o ma̱? ―nacui̱ Jesús ji'i̱ ngu' li'―. Ná nchca ji'i̱ ma̱ tsiya' ti caca cuayá' ti' ma̱ cha' nu nda na' lo'o ma̱ ―nacui̱ yu ji'i̱ ngu' judío bi'―.

FILIPENSES 1:29

Tso'o tsa laca cha' nda ycui' Ndyosi chacuayá' cha' ngusñi ma̱ cha' ji'i̱ Cristo; pana cua nscua cha' caja xi cha' ti'í ji'i̱ ma̱, nu lo'o cua ngusñi ma̱ cha' ji'i̱ Cristo bi'.

COLOSENSES 2:12

Lo'o cua ntyucuatya ma̱ ni, ñi'ya̱ laca si cua nguatsi' ma̱ ne' cuaá lo'o Cristo, jua'a̱ laca ma̱ lo'o Cristo; lo'o li' ñi'ya̱ si cua ndyu'ú ma̱ stu'ba ti lo'o Cristo chaca quiya', jua'a̱ laca cha' bi' li'. Ycui' Ndyosi laca nu ndu'ni cha' tyu'ú ma̱, xqui'ya cha' ntsu'u cha' ji'i̱ ma̱ lo'o Ni.