SAN JUAN 6:41 - Chatino Tataltepec

⁴¹ Lo'o li' ná ndiya ti' ngu' judío cha' nchcui' Jesús lo'o ngu' ndi'ya̱: “Ñi'ya̱ nu ndu'ni tyaja, jua'a̱ cua'ni na' si xñi sca ñati̱ cha' jna'. Sca ti na' nu ngutu'u̱ ca su ntucua ycui' Ndyosi, sca ti na' taca cua'ni na' cha' tyaala' ti' ñati̱”, nacui̱ Jesús. Nda tsa ngu' cha' lo'o tya'a ngu' cha' ná tso'o cha' bi'.

SAN JUAN 6:41 Iomraidhean Croise

SAN LUCAS 15:2

Bi' cha' nguxana ngu' fariseo, lo'o jua'a̱ ngu' mstru cha' jo'ó, ngusta ngu' qui'ya ji'i̱ Jesús: ―Ndiya ti' yu re cua'ni tya'a yu lo'o ngu' cuxi jua. Stu'ba ti ndacu yu tyaja lo'o ngu' cuxi ―nacui̱ ngu' bi'.

SAN LUCAS 19:7

Nu lo'o na'a̱ ngu' cha' ndyaa Jesús slo Zaqueo bi', lcaa ngu' lye tsa nchcui' tube ngu' cha' ndyaa Jesús cha' tyanu toni'i̱ ji'i̱ sca ngu' cuxi, sca ñati̱ nu ntsu'u tsa qui'ya ji'i̱.

SAN LUCAS 5:30

Li' nguxana ngu' fariseo nu tacati tsa ndu'ni ngu', nti' ngu', lo'o nu mstru cha' jo'ó bi', nguxlyú ngu' cha' hichu̱' ngu' nu ndyaca tsa'a̱ ji'i̱ Jesús. ―¿Ni cha' laca cha' stu'ba ti ndacu ma̱ tyaja, stu'ba ti nga'a̱ ma̱ lo'o ngu' cuxi cua? ―nacui̱ ngu'―. Msu ji'i̱ ngu' xa' tsu' laca ngu' cua, nu cuiñi ti nxñi quiña'a̱ tsa cñi cña loo ñati̱. Lo'o jua'a̱ ntucua xi xa' la ngu' nu ndya'a̱ calle ti.

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 6:33

Juani ta Sti na' sca lo cha' tso'o nu cacu ma̱ nu chañi cha' cua'ni cha' tyaala' ti' ma̱ lo'o caja cha' bi' ji'i̱ ma̱, ñi'ya̱ laca lo'o ndyacu ma̱ tyaja. Ndu'u cha' tso'o bi' ca su ndi'i̱ ycui' Ndyosi, lijya̱ bi' nde lo yuu, nda bi' chalyuu nu ná nga'a̱ cha' tye ji'i̱ ma̱.

SAN JUAN 6:43

Li' nguxtyacui Jesús cha' lo'o ngu': ―Nga'aa chcui' tsa ma̱ lo'o tya'a ma̱ ji'i̱ cha' nu nda na' lo'o ma̱ tsa̱ ―nacui̱―.

SAN JUAN 6:48

Ta na' sca chalyuu ji'i̱ ngu' su xcui' ndyaala' tso'o ti' ngu'.

SAN JUAN 6:58

Na' laca̱ nu cha' tso'o nu cacu ngu' bi' ―nacui̱ Jesús ji'i̱ ngu'―, cha' ngutu'u na' nde slo ycui' Ndyosi lijya̱ na' lo yuu; si'i la cui' tya'a na nu ndyacu jyo'o cusu' ji'na lo nati̱' btyi cua sa'ni ―nacui̱―. Nga'aa lu'ú ngu' bi' juani, masi cua ndyacu ngu' cha' bi' nu ngua sa'ni li'; pana lo'o caja cha' tso'o bi' ji'i̱ ma̱ cha' cacu ma̱ ―nacui̱―, ná nga'a̱ cha' tye chalyuu ji'i̱ ma̱ li'.

SAN JUAN 6:60

Lo'o ndyuna tyu̱u̱ tya'a ñati̱ nu ndyaca tsa'a̱ ji'i̱ Jesús cha' nu nchcui' yu, li' nacui̱ ngu' bi': ―Tlyu tsa cha' nchcui' nu cusu' re lo'o na. Tso'o la si nga'aa cuna na cha' bi' tsiya' ti.

SAN JUAN 6:66

Lo'o jua'a̱ ngua li', ngua tyuju'u ti' tyu̱u̱ tya'a ngu' nu ndyaca tsa'a̱ ji'i̱ Jesús; nga'aa ntaja'a̱ ngu' bi' tya'a̱ lo'o yu.

SAN JUAN 7:12

Quiña'a̱ tsa cha' nda ngu' quichi̱ bi' lo'o tya'a ngu' cuentya ji'i̱ Jesús. Ntsu'u ngu' nu nchcui' ndi'ya̱: “Tso'o tsa ñati̱ bi'”. Lo'o ntsu'u xi xa' la ngu' nu ndu'ni: “Si'i. Xcui' cha' cuiñi nda yu, na ñilo'o ti yu ji'i̱ ngu'”.

1 CORINTIOS 10:10

La cui' ti cha' ná ntsu'u cha' chcui' cuxi na ji'i̱ ycui' Ndyosi. Cua ntsu'u xi jyo'o cusu' bi' nu ngua'ni ngu' jua'a̱, lo'o li' ndye ngu' ndyujuii Ni ji'i̱ ngu' bi', cha' nda Ni sca xca̱ lijya̱ nu ndyujuii ji'i̱ ngu' bi'.

JUDAS 1:16

Nu ngu' cuiñi bi' ni, xcui' na chi̱i̱ nti' ngu' bi' ndi'i̱ ngu' chalyuu; ná sca na ná ndiya ti' ngu' bi' tsiya' ti, cha' chiya'a̱ ti nchcui' ngu' ji'i̱ lcua ti cha'. Xcui' ndiya la ti' ngu' bi' lcaa lo cha' cuxi nu ntsu'u tyiquee ngu' ji'i̱. Lye tsa nchcui' tyucuaa ti' ngu' bi' lo'o tya'a ngu', pana xcui' tso'o tsa nchcui' ngu' bi' ji'i̱ ñati̱ si xtyucua ngu' ji'i̱ ngu' bi' lo'o sca cña cuxi.