SAN JUAN 6:40 - Chatino Tataltepec

⁴⁰ Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

SAN JUAN 6:40 Iomraidhean Croise

SAN MATEO 10:15

Cha' liñi nchcui' na' lo'o ma̱, cha' nu lo'o tyalaa tsa̱ nu cua'ni cuayá' ycui' Ndyosi ji'i̱ lcaa ñati̱, li' xcube' tsa Ni ji'i̱ ngu' quichi̱ su ná ntaja'a̱ ngu' cuna ngu' cha' nu culu'u ma̱ ji'i̱ ngu'; tsa̱ bi' ca tso'o la cha' ji'i̱ ngu' cuxi nu nguti'i̱ quichi̱ Sodoma, nu nguti'i̱ quichi̱ Gomorra nu ngua sa'ni.

SAN MATEO 25:46

Lo'o li' tyaa ngu' bi' ca bilyaa su ná tye cha' chcube' ngu'; pana ngu' nu lubii tyiquee ni, caja chalyuu nu ná nga'a̱ cha' tye tsiya' ti ji'i̱ ngu' bi'.

SAN MARCOS 16:16

Nu lo'o xñi ñati̱ cha' 'na, tyucuatya ngu' chacuayá' jna' li', clyaá ngu' bi' ji'i̱ nu cuxi li'. Ñati̱ nu ná tyaja'a̱ xñi cha' 'na tsiya' ti, tyanu qui'ya ji'i̱ ngu' li'.

SAN LUCAS 2:30

Lo'o si'yu cloo ycui' ca na' cua na'a̱ na' ji'i̱ ycui' nu culo ji'i̱ ñati̱ laja cha' cuxi nu ntsu'u ji'i̱ ngu';

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

SAN JUAN 10:28

Ná nga'a̱ cha' tye chalyuu nu ta na' ji'i̱ ngu' bi', ná chcuna' cresiya ji'i̱ ngu' li'. Ná tucui caca ji'i̱ xlyaá ji'i̱ ñati̱ bi' 'na, cha' tso'o tsa ña'a̱si̱i̱ na' ji'i̱ ñati̱ bi' ―nacui̱ Jesús―.

SAN JUAN 11:24

―Jlo ti' na' cha' chaca quiya' tyu'ú yu bi' nu lo'o tyu'ú lcaa jyo'o lo'o cua tye ti chalyuu ―nacui̱ Marta.

SAN JUAN 11:25

Li' nguxtyacui Jesús cha' lo'o nu cuna'a̱ bi': ―Na' laca̱ nu ndu'ni cha' tyu'ú ñati̱, na' laca̱ nu ndu'ni cha' chañi caca tso'o cresiya ji'i̱ ñati̱ ―nacui̱ Jesús―. Masi cajaa ngu', tya tyu'ú ngu' bi' chaca quiya', caja chalyuu cucui ji'i̱ ngu' si cua ngusñi ngu' cha' jna' ―nacui̱ Jesús ji'i̱ Marta―.

SAN JUAN 12:45

Lo'o ña'a̱ ñati̱ jna', li' ña'a̱ ngu' ji'i̱ ycui' Ni nu nclyo cña jna'.

SAN JUAN 12:50

Jlo ti' na' cha' talo tsa lcaa cña nu nda Sti na' cha' cua'ni ma̱, ná nga'a̱ cha' tye chalyuu ji'i̱ ma̱ si taquiya' ma̱ ji'i̱ cha' bi' ―nacui̱ Jesús ji'i̱ ngu'―. Bi' cha' tsa ña'a̱ cha' nu cua nchcui' Sti na' lo'o na', bi' laca cha' nu nchcui' na' lo'o ma̱ juani.

SAN JUAN 14:17

Ná caca tyanu Xtyi'i ycui' Ndyosi ne' cresiya ji'i̱ ñati̱ cuxi, cha' ná nchca ña'a̱ ngu' bi' ji'i̱ Ni, ná nslo ngu' tilaca laca ycui' Ni. Nu cu'ma̱, nslo ma̱ ji'i̱ Ni xqui'ya cha' ndi'i̱ nu bi' lo'o ma̱, lo'o jua'a̱ cua tyanu ti Ni ne' cresiya ji'i̱ ma̱ ―nacui̱ Jesús ji'i̱ ngu'―.

SAN JUAN 14:19

Ca tiya' la xi, li' nga'aa ña'a̱ ñati̱ chalyuu jna'; pana cu'ma̱, tya ña'a̱ ma̱ jna'. Li' caca tso'o tyiquee ma̱, xqui'ya cha' lu'ú na'.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN JUAN 3:36

Lo'o xñi ñati̱ cha' ji'i̱ Jesús, Sñi' ycui' Ndyosi, ná nga'a̱ cha' tye chalyuu tso'o nu ta Ni ji'i̱ ngu' bi'. Pana ñati̱ nu ná taquiya' tsiya' ti ji'i̱ cha' nu nchcui' Jesús, ná ta Ni chalyuu tso'o ji'i̱ ngu' bi'; xcube' tsa Ni ji'i̱ ngu' bi' li'.

SAN JUAN 4:14

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

SAN JUAN 5:24

’Liñi tsa cha' nu ta na' lo'o ma̱ juani: Cua ña'a̱ ca ñati̱ nu taquiya' ji'i̱ lcaa cha' nu chcui' na' lo'o ngu', lcaa ñati̱ nu jlya ti' ji'i̱ ycui' Ndyosi Sti na' nu nda jna' lijya̱a̱, bi' ngu' laca nu ná nga'a̱ cha' tye chalyuu tso'o nu ta ycui' Ndyosi ji'i̱ ngu' bi'. Ná cua'ni cuayá' Ni ji'i̱ ngu' bi', ná nscua cha' cajaa ngu' bi'; lcaa tyempo tyi'i̱ ngu' bi' lo'o ycui' Ndyosi ―nacui̱ Jesús ji'i̱ ngu'―.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 6:39

Na cua nti' Sti na' cha' ná chcuna' ni sca ñati̱ nu cua ngusñi cha' 'na. Lo'o li' cua'ni na' cha' tyu'ú ngu' chaca quiya' lo'o cua tye ti chalyuu ―nacui̱―.

SAN JUAN 6:44

Ná tucui caca ñati̱ jna' si ná lo'o ycui' Ndyosi Sti na' ngua'ni cha' caca ngu' jua'a̱. Lo'o li' na' laca̱ nu cua'ni cha' tyu'ú ngu' bi' chaca quiya' lo'o cua tye ti chalyuu ―nacui̱ Jesús―.

SAN JUAN 6:54

Cua ña'a̱ ca ñati̱ nu jua'a̱ ti caja tyucui ña'a̱ ycui' na' ji'i̱ ngu', ná nga'a̱ cha' tye chalyuu ji'i̱ ngu' bi'. Cua'ni na' cha' tyu'ú ngu' bi' chaca quiya' lo'o cua tye ti chalyuu ―nacui̱ Jesús―.

SAN JUAN 8:56

Nu Abraham jyo'o cusu' ji'i̱ ma̱ ni, lye tsa ngua ti' yu ña'a̱ yu jna' lo'o cala na' chalyuu. Lo'o li' ndi'ya̱ ngua, cha' cua na'a̱ nu cusu' jna', tso'o tsa ndyu'u tyiquee yu li'.

ROMANOS 5:21

Nu cuxi laca loo ji'na, bi' cha' ndyijii na; pana juani nti' ycui' Ndyosi caca Ni loo ji'na, cha' tya'na tsa ti' Ni ji'na. Lo'o caca tso'o cresiya ji'na cuentya ji'i̱ Ni, li' ta Ni sca chalyuu nu ná nga'a̱ cha' tye ji'na xqui'ya Jesús nu Xu'na na.

ROMANOS 6:23

Tsa bi' ti caya' caja ji'na lo'o ndu'ni na cha' cuxi, cha' chcuna' lyiji cresiya ji'na lo'o; pana si stu'ba ntsu'u cha' ji'na lo'o Jesús nu Xu'na na, li' ta ycui' Ndyosi sca chalyuu nu ná nga'a̱ cha' tye ji'na. Sca cha' xlya'be nu nda ti Ni ji'na laca.

2 CORINTIOS 4:6

La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.

HEBREOS 11:1

Na jlya ti' na ji'i̱ sca cha' lo'o ndu̱ ti' na cha' caca cha' bi', nu lo'o jlo ti' na cha' caca cha' bi' ji'na, masi bilya ña'a̱ na ji'i̱.

HEBREOS 11:27

Jlya ti' jyo'o Moisés bi' ji'i̱ ycui' Ndyosi, bi' cha' ngutu'u yu loyuu Egipto bi'; ná ndyutsi̱i̱ yu masi ngunasi̱' tsa rey xña'a̱ bi' li', ni ná nguta'a̱chu̱' Moisés tsiya' ti. Ndyalo'o yu ji'i̱ ngu' Israel tyucui̱i̱ tyijyu', ñi'ya̱ si ndyaa lca'a̱ yu ji'i̱ ycui' Ndyosi, masi ná nchca ña'a̱ na ji'i̱ ycui' Ni.

1 PEDRO 1:8

Ntsu'u tsa tyiquee ma̱ ña'a̱ ma̱ ji'i̱ Jesús, masi bilya ña'a̱ ma̱ ji'i̱ Ni; hasta juani tya lyiji ña'a̱ ma̱ ji'i̱, pana jlya ti' ma̱ cha' lu'ú Ni. Chañi cha' tso'o tsa ntsu'u tyiquee ma̱ juani xqui'ya Jesús, ni ná tye chca cha' chcui' ma̱ lcaa cha' tso'o nu ntsu'u tyiquee ma̱ cuentya ji'i̱ ycui' Jesús lo'o xa' ñati̱.

1 JUAN 2:25

Bi' laca cha' nu ngüiñi ji'i̱ Jesucristo lo'o na, cha' taca caja chaca chalyuu cucui nu ná nga'a̱ cha' tye ji'na.

JUDAS 1:21

Bi' cha' lacua, cua'a ma̱ ji'i̱ ycui' ca ma̱; cui'ya ma̱ cuentya ñi'ya̱ nu cua'ni ma̱ nde chalyuu, cha' jlo ti' ma̱ cha' ntsu'u tsa tyiquee ycui' Ndyosi ña'a̱ Ni ji'i̱ ma̱. Jatya ma̱ ni jacua' tyalaa tsa̱ lo'o ta ycui' Jesucristo nu Xu'na na chalyuu nu ná nga'a̱ cha' tye tsiya' ti ji'na, cha' tya'na tsa ti' Ni ña'a̱ Ni ji'na.