SAN JUAN 6:25 - Chatino Tataltepec

²⁵ Ca chaca tsu' bi' njyacua ngu' ji'i̱ Jesús. Lo'o ti nchcuane ngu' ji'i̱ yu li': ―Mstru ―nacui̱ ngu'―, ¿ni hora ngutu'u nu'u̱ lijya̱ ti nde?

SAN JUAN 6:25 Iomraidhean Croise

SAN MATEO 14:34

Lo'o li' ndyalaa ngu' chaca tsu' tayu' bi', ndyalaa ngu' nde Genesaret.

SAN MATEO 23:7

La cui' jua'a̱, si tyacua tya'a ñati̱ lo'o ngu' bi' nde calle, lo'o chcui' ñati̱ bi' lo'o ngu', na cua'ni chi̱ ñati̱ loo nti' ngu' fariseo bi'; jua'a̱ cua nti' ngu' cha' ñacui̱ ñati̱ ji'i̱, cha' mstru laca ngu'. Jua'a̱ nti' ngu' bi'.

SAN MATEO 23:8

’Pana cu'ma̱ ni, ná tso'o si ñacui̱ ngu' ji'i̱ ma̱ cha' mstru laca ma̱; tso'o la si sca ti cha' ntsu'u tyiquee ma̱ lo'o tya'a ma̱, cha' sca ti mstru ntsu'u ji'i̱ ma̱, bi' laca Cristo.

SAN MARCOS 6:53

Li' ndyalaa yaca ni'i̱ chaca tsu' tayu' lo'o ngu', ca loyuu su cuentya Genesaret ndyalaa ngu' li'. Lo'o ngusca̱' ngu' ji'i̱ yaca ni'i̱ bi',

SAN JUAN 4:31

Laja li' ndu̱ ñati̱ nu ndyaca tsa'a̱ ji'i̱, tya'na nchcui' ngu' lo'o Jesús cha' cacu yu xi tyaja. ―Mstru ―nacui̱ ngu'―, cacu nu'u̱ xi.