SAN JUAN 6:19 - Chatino Tataltepec

¹⁹ Cua ndyaa lo'o ngu' nu ndyaca tsa'a̱ ji'i̱ yaca ni'i̱ ji'i̱ ngu' xi ca'yu scuá kilómetro cuayá' tyijyu', li' na'a̱ ngu' cha' lijya̱ Jesús su ndi'i̱ ngu'; cuayá' lo ti hitya ndya'a̱ yu lijya̱ yu lo hitya. Ndyutsi̱i̱ tsa ngu' lo'o na'a̱ ngu' ji'i̱ yu.

SAN JUAN 6:19 Iomraidhean Croise

SAN LUCAS 24:13

La cui' tsa̱ bi' ndu'u ndyaa tucua tya'a ngu' nde quichi̱ Emaús. Quichi̱ bi' ntsu'u tii chaca kilómetro cuayá' tyijyu' ji'i̱ Jerusalén.

SAN LUCAS 9:42

Pana nu lo'o ñaa nu quicha bi' cacua la, li' nguxlyú cui'i̱ cuxi bi' ji'i̱ yu quicha bi' nde lo yuu, lo'o li' lye tsa nguxalú cui'i̱ ji'i̱ yu. Li' ngulo Jesús cña ji'i̱ cui'i̱ cuxi nu ntsu'u ji'i̱ yu cha' tyu'u bi' tyaa, cua ndyaca tso'o yu quicha bi' li'. Cuati nacui̱ ji'i̱ sti yu cha' ca̱a̱ qui'ya ji'i̱ sñi', lo'o li' ndya Jesús ji'i̱ yu nu ngua quicha bi' ji'i̱ sti yu chaca quiya'.

SAN JUAN 11:18

Ná tyijyu' ndyi'ya tya'a quichi̱ Betania bi' lo'o quichi̱ Jerusalén, ntsu'u xi tucua ti kilómetro cla'be cuayá' tyijyu' ndi'i̱ quichi̱ bi'.

SAN JUAN 14:18

Ná xtyanu na' ji'i̱ ma̱ ycui' ti ma̱, ñi'ya̱ si laca ma̱ ñati̱ nu ná tucui ntsu'u ji'i̱ ma̱ ―nacui̱―, tya ca̱a̱ na' su ndi'i̱ ma̱ chaca quiya'.

SAN JUAN 6:18

Lye tsa nchca cui'i̱ lo hitya tayu' bi', hasta ndyatu̱ clyoo'.

SAN JUAN 6:20

Bi' cha' hora ti nchcui' Jesús lo'o ngu': ―Ná cutsi̱i̱ ma̱, na' laca̱ re ―nacui̱.

APOCALIPSIS 14:20

To' quichi̱ nscua su ngusi̱ si'yu bi', la cui' su ngujuii ñati̱ cha' nchcube' Ni ji'i̱ ngu'. Clyaa tsa tañi ndyalú lijya̱ lo yuu li'; tsa ña'a̱ cuayá' nu ndyalaa tu'ba cuayu, tsa lo cua clyaa tañi ndyalú bi'. Sna siyento kilómetro cuayá' tyijyu' ngusna tañi bi' ndyaa.

APOCALIPSIS 21:16

Stu'ba tsa ña'a̱ quichi̱ bi'; jacua jyaca̱ ntsu'u ji'i̱ tsiya' ti, jua'a̱ stu'ba cuayá' cu' lo'o cuayá' loo. Li' ngusñi xca̱ cuayá' ji'i̱ ycui' quichi̱ tlyu bi' lo'o cuayá' oro ji'i̱; tucua mil ntucua tucua siyento kilómetro cuayá' tyucui̱ sca la'a, la cui' jua'a̱ cuayá' loo, la cui' jua'a̱ cuayá' cua̱ quichi̱ tlyu bi'.