SAN JUAN 6:11 - Chatino Tataltepec

¹¹ Lo'o li' ndaya' Jesús ji'i̱ xlyá bi', ndya yu xlya'be ji'i̱ ycui' Ndyosi cha' cua nda Ni na cacu ngu'. Li' ngusa'be Jesús xlyá bi', nda yu ji'i̱ ngu' nu ndyaca tsa'a̱ ji'i̱, lo'o ngu' bi' laca nu ndacha xlyá ji'i̱ ngu' quiña'a̱ bi' ca su ndi'i̱ ngu'. Lo'o cualya bi' nda Jesús cacu ngu'. Li' ndyacu ngu' ña'a̱ cuayá' nu nguaala' ti' lcaa ngu'.

SAN JUAN 6:11 Iomraidhean Croise

SAN MATEO 15:36

Li' ngusñi Jesús nu cati tya'a xlyá bi' lo'o cualya bi', ndya xlya'be ji'i̱ ycui' Ndyosi xqui'ya cha' ntsu'u na cacu ngu'. Li' ngusa'be Jesús xlyá lo'o cualya bi', nda yu'be bi' ji'i̱ ngu' nu ndyaca tsa'a̱ ji'i̱ cha' ta ngu' ji'i̱ nu ngu' quiña'a̱ bi'.

SAN LUCAS 24:30

Pana nu lo'o cua nga'a̱ yu lo'o ngu' to' mesa, li' ngusñi yu sca xlyá, ndya yu xlya'be ji'i̱ ycui' Ndyosi; lo'o li' ngusa'be yu xlyá bi', cha' ta yu ji'i̱ ngu'.

SAN JUAN 21:10

Nchcui' Jesús lo'o ngu' li': ―Tya̱a̱ lo'o ma̱ xi cualya nu ngujui ji'i̱ ma̱ ca nde ―nacui̱ yu ji'i̱ ngu'.

SAN JUAN 21:13

Li' ndyaa Jesús slo ngu', ndaya' xlyá cha' ta yu cacu ngu' bi'; jua'a̱ lo'o cualya nda yu ndyacu ngu'.

SAN JUAN 21:9

Lo'o ngua'ya ngu' to' hitya, ngutu'u ngu' ne' yaca ni'i̱ bi', li' na'a̱ ngu' cha' cua laca ndyu'u tu'u quii' nchcubi'; nscua cualya nchqui'i lo quii', lo'o xi xlyá nscua.

SAN JUAN 6:23

Lo'o li' ngulaa xi xa' la yaca ni'i̱ nu ngutu'u nde quichi̱ Tiberias, ndyacui to' hitya cacua ti su ndyacu ngu' xlyá nu cua nda ycui' nu Xu'na na xlya'be ji'i̱ ycui' Ndyosi cuentya ji'i̱.

SAN JUAN 6:9

―Ndu̱ sca nu piti qui'yu re ―nacui̱ Andrés―, lo'o xi ca'yu tya'a xlyá teje' ji'i̱, lo'o tucua tya'a cualya sube ji'i̱ ―nacui̱―. Pana ná tyu'u scua cha' bi' cha' cacu ñati̱ quiña'a̱ re ―nacui̱ Andrés ji'i̱ Jesús.

LOS HECHOS 27:35

Lo'o ndye nchcui' Pablo lo'o ngu', li' ngusñi yu sca xlyá. Ndya yu xlya'be ji'i̱ ycui' Ndyosi slo lcaa ngu', ngusa'be yu xlyá bi', ndyacu yu li'.

ROMANOS 14:6

Si tacati tsa sca tsa̱ cuentya ji'i̱ tsaca ngu', bi' laca tsa̱ nu nga'a̱ cha' cua'ni chi̱ ngu' bi' loo ycui' Ndyosi lacua; lo'o jua'a̱ taca cua'ni chi̱ nu xa' la ñati̱ loo ycui' Ndyosi, masi ná ntsu'u cha' tacati ji'i̱ ngu' lo'o tsa̱ bi'. La cui' jua'a̱ ndyu'u cha' lo'o ñati̱ nu ná ntsi̱i̱ cacu cuaña' bi'; xqui'ya cha' ngusñi ngu' cha' ji'i̱ ycui' Ndyosi, bi' cha' ná ntsi̱i̱ ngu' bi'. Ndya ngu' xlya'be ji'i̱ ycui' Ni lo'o ndacu ngu' ji'i̱. Lo'o nu ntsi̱i̱ cacu cuaña' bi' ni, la cui' ti xqui'ya ycui' Ndyosi ntsi̱i̱ ngu' cacu ngu' ji'i̱; lo'o ngu' bi' ndya ngu' xlya'be ji'i̱ ycui' nu Xu'na na cha' nda Ni na cacu ngu'.

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

1 TESALONICENSES 5:18

Lo'o jua'a̱ tya ma̱ xlya'be ji'i̱ ycui' Ndyosi cuentya ji'i̱ cua ña'a̱ ca cha' nu ndyaca ji'i̱ ma̱. Nti' Ni cha' cua'ni ma̱ jua'a̱ si chañi cha' ngusñi ma̱ cha' ji'i̱ Jesucristo.