SAN JUAN 5:9 - Chatino Tataltepec

⁹ Lo'o li' jua'a̱ ngua, hora ti ndyaca tso'o nu quicha bi'. Li' nguxana ndu'u ta'a̱, ndyaa lo'o ji'i̱ jaa' ji'i̱. Tsa̱ saru ngua li'. Tacati tsa tsa̱ bi' ji'i̱ ngu' judío, nga'aa ndu'ni ngu' cña li'.

SAN JUAN 5:9 Iomraidhean Croise

SAN MARCOS 1:31

Li' ndyaa Jesús slo nu quicha bi', ngusñi yu ya' ma' cha' xtyucua yu ji'i̱ ma' tyatu̱ ma'. Hora ti ndyu'u tyique' ji'i̱ ma' bi'. Lo'o ti nguxana ma' ngua'ni cho'o xi scuaa cacu ngu' li'.

SAN MARCOS 1:42

Hora ti ndyaca tso'o su ngutsu' cuaña'; ngua lubii cuaña', cha' cua ndye quicha bi' ji'i̱ tsiya' ti li'.

SAN MARCOS 10:52

―Tso'o ―nacui̱ Jesús ji'i̱―, tyaa nu'u̱ to' tyi juani. Jlya ti' nu'u̱ 'na, bi' cha' cua ndyaca tso'o cloo nu'u̱. Hora ti ngua tso'o cloo nu cuityi̱' bi', na'a̱ chaca quiya'. Li' ndu'u lca'a̱ ji'i̱ Jesús tyucui̱i̱.

SAN MARCOS 5:29

Hora ti ndyacu̱' cha' ndyalú tañi ma', tsa tsiya' ca ngua tii ycui' ca ma' cha' cua ndyaca tso'o li'.

SAN JUAN 5:14

Ca ngusi̱i̱ la xa' ndyacua tya'a Jesús lo'o nu ngua quicha bi' lo'o ndya'a̱ yu ne' laa. Li' nacui̱ Jesús ji'i̱: ―Cua ndyaca tso'o nu'u̱ juani ―nacui̱ yu―, bi' cha' xtyanu nu'u̱ tyucui̱i̱ cuxi cua hi̱ cha' nga'aa tyacua xa' quicha tlyu la hi̱.

SAN JUAN 7:23

Nu lo'o ndu'u scua snu' tsa̱ tya lo'o ngula sñi' ma̱, ndu'ni ma̱ cña bi', masi ndi'i̱ cña' ngu' cha' ta'a, cha' ndaquiya' ma̱ lcaa cha' nu cua nda Moisés lo'o na. Bi' cha' juani, ¿ni cha' laca cha' ñasi̱' ma̱ 'na? ―nacui̱ Jesús―. Laca cha' ngua'ni na' cha' ngua tso'o sca ñati̱, masi sca tsa̱ ndi'i̱ cña' ngu' ngua bi'.

SAN JUAN 9:14

Tsa̱ nu ndi'i̱ cña' ngu' ngua bi', tsa̱ tacati ngua nu lo'o nguxa' Jesús nana' bi', ngua'ni yu jo'o ji'i̱ cloo nu cuityi̱' bi'.