SAN JUAN 5:41 - Chatino Tataltepec

⁴¹ ’Si'i na nti' na' cha' cua'ni chi̱ ñati̱ loo na' ―nacui̱ Jesús ji'i̱ ngu'―.

SAN JUAN 5:41 Iomraidhean Croise

SAN JUAN 12:43

Ndiya la ti' ngu' bi' cha' tso'o ti chcui' ñati̱ chalyuu cha' ji'i̱ ycui' ngu'. Ná nti' ngu' cha' caca tso'o tyiquee ycui' Ndyosi ña'a̱ Ni ji'i̱ ngu'.

SAN JUAN 5:34

Pana ná ntsu'u cha' caja sca nu chcui' cha' liñi cuentya jna'. Na nda ti na' cha' bi' lo'o ma̱ cha' caja ñi'ya̱ clyaá ycui' ma̱ tsa̱ bi' lo'o caca cuayá' ji'i̱ ma̱ slo ycui' Ndyosi.

SAN JUAN 5:40

Pana ná ntaja'a̱ ma̱ jña ma̱ chalyuu tso'o bi' jna'.

SAN JUAN 5:42

Pana cu'ma̱ ni, jlo ti' na' cha' xa' ña'a̱ ndu'ni cu'ma̱, xqui'ya cha' ná ntsu'u tyiquee ma̱ tsiya' ti ji'i̱ ycui' Ndyosi Sti na'.

SAN JUAN 5:44

Bi' cha' ná caja ñi'ya̱ caca xñi ma̱ cha' ji'i̱ ycui' Ndyosi ―nacui̱ Jesús―. Ndulo cha' ji'i̱ ma̱ cha' tso'o ti chcui' ñati̱ ji'i̱ ma̱, pana ná ndulo cha' ji'i̱ ma̱ cha' tso'o ti cua'ni ycui' Ndyosi lo'o ma̱.

SAN JUAN 6:15

Hora ti ngua tii Jesús cha' ngua ti' ngu' taya' ngu' ji'i̱, cha' tsaa lo'o ngu' ji'i̱ cha' caca yu rey nu caca loo ji'i̱ ngu'. Bi' cha' ndu'utsu' Jesús ndyaa cuaana ti nde ca'ya, ndyaa yu sca ti yu.

SAN JUAN 7:18

Sca ñati̱ nu nchcui' cha' ji'i̱ ycui' ca lo'o ngu', jua'a̱ nti' yu cha' caca tlyu ycui' ca ti yu. Xa' ña'a̱ ndu'ni na', cha' tyucui tyiquee na' ndu'ni tlyu na' ji'i̱ ycui' Ndyosi nu Xu'na na' nu ngulo cña 'na ca̱a̱ na' nde chalyuu. Ná ntsu'u cha' cuiñi 'na tsiya' ti.

SAN JUAN 8:50

Pana si'i cha' nti' na' cha' cua'ni tlyu ngu' ji'i̱ ycui' na', cha' ycui' Ndyosi Sti na' ndu'ni cha' caca tlyu na'. Sca ti ycui' Ndyosi laca nu cua'ni cuayá' ji'i̱ lcaa ñati̱.

SAN JUAN 8:54

Lo'o li' nacui̱ Jesús: ―Ná tso'o na' tsiya' ti si cua'ni na' cha' caca tlyu ycui' ca ti na', pana ycui' Ndyosi Sti na' ndu'ni cha' caca tlyu na' ―nacui̱―. Ndu'ni ma̱ cha' Sti ma̱ laca ycui' Ndyosi;

1 TESALONICENSES 2:6

Ná nti' ya cha' cua'ni chi̱ ma̱ loo ya, masi chacuayá' ji'i̱ ycui' Jesucristo ndyalaa ya slo cu'ma̱; si'i na nchcui' tyucuaa ti' ya lo'o ma̱, cha' loo laca ya ji'i̱ ma̱, ni si'i na tyixi ya cha' loo laca ya ji'i̱ xa' ñati̱.

1 PEDRO 2:21

Tya lo'o ngusubi Ni ji'i̱ ma̱, tya li' jlo ti' Ni cha' jua'a̱ xcube' ngu' ji'i̱ ma̱, cha' la cui' jua'a̱ nguxcube' ngu' ji'i̱ ycui' Cristo tya clyo la cuentya ji'i̱ cu'ma̱. Jua'a̱ ngua cha' ngulu'u Cristo ji'i̱ ma̱ ñi'ya̱ caca talo tyiquee ma̱ lo'o xcube' ngu' ji'i̱ ma̱.

2 PEDRO 1:17

ngua'ni tlyu ycui' Ndyosi Sti Jesús ji'i̱ yu, ndubi tsa ña'a̱ ngua tyucui ña'a̱ loo Jesús lo'o xee ji'i̱ ycui' Ni li'. Masi ná na'a̱ ya ji'i̱ ycui' Ndyosi nu laca loo ji'i̱ lcaa xu'na chalyuu, pana jlo ti' ya cha' nguti'i̱ Ni cacua ti tsa̱ bi', cha' li' ndyuna ya lo'o nchcui' Ni lo'o ngu'. Ndi'ya̱ nacui̱ Ni: “Nu nde laca Sñi' na' nu tyaca'a tsa 'na. Tso'o tsa ntsu'u tyiquee na' ña'a̱ na' ji'i̱ yu”, nacui̱ Ni.