SAN JUAN 5:40 - Chatino Tataltepec

⁴⁰ Pana ná ntaja'a̱ ma̱ jña ma̱ chalyuu tso'o bi' jna'.

SAN JUAN 5:40 Iomraidhean Croise

SAN MATEO 22:3

Ngulo cña ji'i̱ msu ji'i̱ cha' tsaa ngu', tsaa chcui' ngu' lo'o lcaa ñati̱ nu ntsu'u cha' ji'i̱ lo'o rey, cha' cua ndyalaa tsa̱ nu caca ta'a bi'; pana ná ntaja'a̱ ñati̱ bi' ca̱a̱ ngu' slo rey nu ngua tsa̱ ta'a bi'.

SAN MATEO 23:37

’¡Tya'na̱ tsa cu'ma̱ ngu' Jerusalén! Tucui tsa cha' ntsu'u ji'i̱ ma̱. Tya sa'ni la ndyujuii ma̱ ji'i̱ ñati̱ nu ngua'a̱ lo ycui' Ndyosi cña ji'i̱, masi ngujui'i̱ ma̱ quee ji'i̱ ngu' nu laca tu'ba ji'i̱ Ni. Tyu̱u̱ tsa quiya' ngua ti' na' cha' cua'ni tyaca'a na' ji'i̱ ma̱ cha' ná ca cuxi ji'i̱ ma̱. Ñi'ya̱ nti' sca su'u̱ nu nxuti'i̱ ji'i̱ sñi' ne' lu'be ni', jua'a̱ ngua ti' na' cua'ni na' lo'o ma̱; pana ná nda ma̱ chacuayá' 'na tsiya' ti.

SAN JUAN 1:11

Ya̱a̱ yu bi' chalyuu su laca tyi nquicha', lo'o jua'a̱ ñati̱ chalyuu nu ngüiñá yu, ná ndyuloo ngu' ji'i̱ yu.

SAN JUAN 10:10

’Tsa cu' ti cña cuaana ndu'ni nu ngu' cuaana bi' ―nacui̱ Jesús―. Ndya'a̱ ngu' bi' cha' cua'ni ñu'u̱ ngu' ji'i̱ ñati̱, cha' chcuna' cresiya ji'i̱ ñati̱ bi'; na cua lijya̱ na' cha' ta na' chalyuu tso'o ji'i̱ ñati̱, su caca tyi'i̱ ngu' tyucui tyiquee ngu' li' ―nacui̱―.

SAN JUAN 3:19

Na cua nda ycui' Ndyosi xee lijya̱ lo yuu, pana ná ntaja'a̱ ñati̱ chalyuu tyi'i̱ su xee bi'. Ntsu'u tsa ngu' nu ndiya la ti' tyi'i̱ ngu' su talya ña'a̱, cha' xña'a̱ tsa ngu' bi'; bi' cha' ntsu'u qui'ya nu ngusta Ni ji'i̱ ngu' bi'.

SAN JUAN 5:39

Lcaa tsa̱ nchcui' tsa ma̱ lo quityi cusu' ji'i̱ ycui' Ndyosi; nti' ma̱ cha' lo'o chcui' ma̱ lo quityi bi', li' caja chalyuu nu ná nga'a̱ cha' tye ji'i̱ ma̱. Chañi cha' nu nscua lo quityi bi', jua'a̱ taca tyuloo ñati̱ jna' lo'o chcui' ngu' lo quityi bi'.

SAN JUAN 5:41

’Si'i na nti' na' cha' cua'ni chi̱ ñati̱ loo na' ―nacui̱ Jesús ji'i̱ ngu'―.

SAN JUAN 5:44

Bi' cha' ná caja ñi'ya̱ caca xñi ma̱ cha' ji'i̱ ycui' Ndyosi ―nacui̱ Jesús―. Ndulo cha' ji'i̱ ma̱ cha' tso'o ti chcui' ñati̱ ji'i̱ ma̱, pana ná ndulo cha' ji'i̱ ma̱ cha' tso'o ti cua'ni ycui' Ndyosi lo'o ma̱.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

ROMANOS 6:23

Tsa bi' ti caya' caja ji'na lo'o ndu'ni na cha' cuxi, cha' chcuna' lyiji cresiya ji'na lo'o; pana si stu'ba ntsu'u cha' ji'na lo'o Jesús nu Xu'na na, li' ta ycui' Ndyosi sca chalyuu nu ná nga'a̱ cha' tye ji'na. Sca cha' xlya'be nu nda ti Ni ji'na laca.

APOCALIPSIS 22:17

―Tya̱a̱ ma̱ ca nde ―nacui̱ nu laca Xtyi'i ycui' Ni. La cui' jua'a̱ laca cha' nu nda lcaa na nu ngusñi na cha' ji'i̱ ycui' Ndyosi, tyucui ña'a̱ taju ñati̱ tya'a na nu ntsu'u cha' ji'na lo'o nu ñi'ya̱ ña'a̱ xlya' bi'. Lo'o li' la cui' jua'a̱ nga'a̱ cha' chcui' lcaa na nu ndyuna na cha' re: ―Tya̱a̱ cu'ma̱ lo'o cua ―ñacui̱ na li'. Lcaa ñati̱ nu lyiji tsa cha' ji'i̱, tya̱a̱ ngu' cha' co'o ngu' hitya nu ta ycui' Ndyosi ji'i̱ ngu' xlya'be ti; caja chalyuu cucui nu ta ycui' Ndyosi ji'i̱ ngu' li', lcaa ñati̱ nu nti' tsa cha' caja cha' bi' ji'i̱.