SAN JUAN 5:4 - Chatino Tataltepec

⁴ Nda ti' ngu' quichi̱ bi', cha' tyijyu' ndacui cuayá' ti nda'ya sca xca̱ ji'i̱ ycui' Ndyosi nu yaa̱ nde cua̱, ndyaa ne' hitya tayu' bi', cha' xquiña lo hitya bi'; nu quicha nu ndyaa yala la ndyaata chcu to' hitya bi' lo'o nguiña ca ti lo hitya, bi' laca nu ndyaca tso'o ji'i̱ cua ña'a̱ ca quicha nu ntsu'u ji'i̱, nacui̱ ngu'.

SAN JUAN 5:4 Iomraidhean Croise

SAN MATEO 11:12

’Tya lo'o lijya̱ Juan bi' tya clyo hasta juani quiña'a̱ tsa cha' nchcui' ngu', cha' nti' tsa ngu' cha' caca ycui' Ndyosi loo ji'i̱ ñati̱. Lo'o jua'a̱ ntsu'u tsa ngu' nu lye tsa ndu'ni juersa cha' tyalaa ngu' slo ycui' Ndyosi jua'a̱ ti.

SAN MATEO 6:33

bi' cha' si'i ji'i̱ cha' bi' clyana ma̱. Tso'o la si ta ma̱ tyempo ji'i̱ ycui' Ni cha' caca Ni loo ne' cresiya ji'i̱ ma̱, jua'a̱ tso'o la si cua'ni ma̱ lcaa cha' nu nti' ycui' Ni cha' cua'ni ma̱ nde chalyuu; li' ta Ni lcaa na nu lyiji xi ji'i̱ ma̱.

SAN LUCAS 13:24

―Chubi tsa toni'i̱ su tyatí̱ ma̱ ca bi', bi' cha' cua'ni yala ma̱ cha' quije tyucui̱i̱ ji'i̱ ma̱ nu tyalaa ca toni'i̱ bi'. Ndi'ya̱ ñacui̱ na' ji'i̱ ma̱: Ntsu'u quiña'a̱ tsa ñati̱ nu cua nchcui' cha' cua tyatí̱ ti ngu' toni'i̱ bi', pana na ndu'ni ti ngu' jua'a̱; ná nchca quije ji'i̱ ngu' tsiya' ti ñi'ya̱ caca nu tyatí̱ ngu' toni'i̱ bi'.

SAN LUCAS 16:16

’Nu tyempo cua sa'ni la ni, ntsu'u cha' cusu' ji'i̱ ñati̱, la cui' cha' nu nda ycui' Ndyosi lo'o Moisés, jua'a̱ lo'o ngu' nu ngua tu'ba ji'i̱ Ni tya sa'ni la; pana nu lo'o ñaa Juan, tya li' nguxana ngañi cha' tso'o ji'i̱ ycui' Ndyosi, cha' caca Ni loo ne' tyiquee ñati̱. Quiña'a̱ tsa ñati̱, lye tsa nda ngu' juersa cha' xñi ngu' cha' ji'i̱ ycui' Ndyosi.

SAN JUAN 5:3

Tyi'i̱ ca to' tayu' piti bi' ndacui ca'yu tya'a corredor su ndi'i̱ quiña'a̱ tsa ngu' quicha; nu cuityi̱', nu cu' quiya', nu nchcu̱' tyucuí̱, ndi'i̱ ngu' ca bi' ntajatya ngu' ña'a̱ cuayá' nu quiña lo hitya tayu' bi'.

SAN JUAN 5:5

Cua ntsiya sca nu quicha quiya' ca bi'; cua calaa tyii ntucua snu' yija̱ ntsiya quicha.

SAN JUAN 5:7

―Cusu' ―nacui̱ ji'i̱ Jesús―, ná tucui ntsu'u 'na nu caca xtyucua xi 'na cha' tsaa lo'o 'na to' hitya lo'o nguiña lo hitya bi'. Ndatu̱ ca na' lo'o yala la ndyaa xi xa' ñati̱ lo tayu' cua.

1 CORINTIOS 6:11

Lo'o jua'a̱ ntsu'u xi cu'ma̱ nu ngua'ni ma̱ la cui' tya'a cha' cuxi bi' tya sa'ni la; pana cua xa' ña'a̱ ndu'ni ma̱ juani, cha' cua ngüityi̱ Jesús lcaa qui'ya nu ntsu'u ji'i̱ ma̱ tya li', cua ndyatí̱ ma̱ cuentya ji'i̱ ycui' Ndyosi li'. Cua ngüiñi cha' ji'i̱ ma̱ lo'o ycui' Ndyosi nu lo'o ngusñi ma̱ cha' ji'i̱ ycui' Jesucristo nu Xu'na na, lo'o li' cua nda Ni Xtyi'i ycui' Ni cha' tyanu ne' cresiya ji'i̱ ma̱.

1 JUAN 1:7

Pana si lubii cresiya ji'na ñi'ya̱ lo'o lubii cresiya ji'i̱ ycui' Ni, ndu'ni na cha' tso'o li'; stu'ba ti caca tyiquee na lo'o tya'a ngusñi na cha' ji'i̱ Jesús li'. Lo'o jua'a̱ cuityi̱ Ni qui'ya nu ntsu'u ji'na, xqui'ya cha' cua ndyalú tañi Jesús Sñi' ycui' Ni lo'o ngujuii yu lo crusi.