SAN JUAN 5:39 - Chatino Tataltepec

³⁹ Lcaa tsa̱ nchcui' tsa ma̱ lo quityi cusu' ji'i̱ ycui' Ndyosi; nti' ma̱ cha' lo'o chcui' ma̱ lo quityi bi', li' caja chalyuu nu ná nga'a̱ cha' tye ji'i̱ ma̱. Chañi cha' nu nscua lo quityi bi', jua'a̱ taca tyuloo ñati̱ jna' lo'o chcui' ngu' lo quityi bi'.

SAN JUAN 5:39 Iomraidhean Croise

SAN MATEO 22:29

Li' nguxacui̱ Jesús cha' ji'i̱ ngu' bi': ―Ná jlo ti' ma̱ tsiya' ti, cha' ná nchca cuayá' ti' ma̱ ji'i̱ quityi ji'i̱ ycui' Ndyosi; ná nchca cuayá' ti' ma̱ cha' nchca tsa ji'i̱ ycui' Ni cua'ni Ni cña tonu.

SAN MARCOS 10:3

Li' nguxtyacui Jesús cha' lo'o ngu' bi': ―¿Ni cña ngulo jyo'o Moisés ji'i̱ ma̱ cua sa'ni la lacua? ―nacui̱ Jesús ji'i̱ ngu'.

SAN MARCOS 12:10

’¿Ha bilya chcui' ma̱ lo quityi ji'i̱ ycui' Ndyosi su nscua ndi'ya̱?: Ntsu'u sca quee nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu'; pana juani cua ngujui cña nu cua'ni quee bi', cha' ndu̱ bi' su ndulo la cha' ji'i̱ cuentya ji'i̱ ycui' Ndyosi.

SAN LUCAS 16:29

Pana nacui̱ Abraham ji'i̱: “Cua jlo ti' ngu' bi' lcaa ña'a̱ cha' nu nguscua jyo'o Moisés; jua'a̱ nu xa' la quityi ji'i̱ ycui' Ndyosi nu nguscua jyo'o cusu' cua sa'ni, ntsu'u bi' ji'i̱ ngu' tya'a nu'u̱. Tso'o si cua'a̱ jyaca̱ ngu' ji'i̱ cha' nu nscua lo quityi bi'.”

SAN LUCAS 16:31

Xa' nchcui' jyo'o Abraham lo'o nu culiya' bi' li': “Lo'o ná nti' ngu' taquiya' ngu' ji'i̱ cha' nu nguscua Moisés, lo'o jua'a̱ ná taquiya' ngu' ji'i̱ jyo'o cusu' nu ngua'a̱ loo ycui' Ndyosi cña ji'i̱ cha' chcui' lo'o ñati̱, la cui' jua'a̱ ná taquiya' ngu' ji'i̱ xa' la cha' nu ta Ni lo'o ngu', masi tyu'ú sca nu cua ngujuii chaca quiya' cha' chcui' lo'o ngu'”.

SAN LUCAS 24:25

Li' nchcui' Jesús lo'o nu ngu' nu tya'a ndyaa yu tyucui̱i̱: ―Lyiji tsa cha' ji'i̱ cu'ma̱ cha' ca cuayá' ti' ma̱ scaa cha'; tiya' tsa nxñi ma̱ lcaa cha' nu nda ngu' jyo'o nu ngua tu'ba ji'i̱ ycui' Ndyosi sa'ni la.

SAN LUCAS 24:27

Li' nguxana Jesús ngulu'u yu cha' ji'i̱ ngu', ña'a̱ cha' nu cua nscua lo quityi cusu' cha' ji'i̱ ycui' yu. Nguxana ngu' lo'o quityi nu nguscua jyo'o Moisés, lo'o li' nchcui' ngu' lo lcaa quityi nu nguscua ngu' nu ngua tu'ba ji'i̱ ycui' Ndyosi nu ngua sa'ni.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN JUAN 5:32

Ntsu'u chaca nu jlo ti' cha' liñi laca cha' nu nchcui' na', lo'o jua'a̱ jlo ti' na' cha' liñi nchcui' nu bi' ―nacui̱―.

SAN JUAN 5:36

Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.

SAN JUAN 5:40

Pana ná ntaja'a̱ ma̱ jña ma̱ chalyuu tso'o bi' jna'.

SAN JUAN 5:46

Yala ti xñi ma̱ cha' jna' si chañi cha' ngusñi ma̱ cha' nu nda jyo'o Moisés bi' lo'o ma̱ ―nacui̱ Jesús li'―. Cha' jna' nguscua jyo'o bi' lo quityi bi',

SAN JUAN 7:52

―¿Ha la cui' ngu' Galilea laca nu'u̱ lacua? ―nacui̱ tya'a fariseo ji'i̱ Nicodemo li'―. Lo quityi ji'i̱ ycui' Ndyosi nu nscua sa'ni ña'a̱ nu'u̱ xi, cha' caca cuayá' la ti' nu'u̱ cha' si'i nde Galilea tyu'u ñati̱ nu culu'u cha' ji'i̱ ycui' Ndyosi ji'na.

LOS HECHOS 13:27

Ná ngua cuayá' ti' ngu' quichi̱ Jerusalén tilaca laca Jesús, lo'o jua'a̱ ná ngua cuayá' ti' ngu' nu laca loo ji'i̱ quichi̱ bi' tilaca laca yu. Ná nda ngu' cuentya ñi'ya̱ ndyu'u cha' nu nguscua jyo'o cusu' nu ngua tu'ba ji'i̱ ycui' Ndyosi sa'ni; masi ndyuna ngu' lo'o ndya'a̱ nchcui' ngu' lo quityi bi' ne' laa lcaa tsa̱ nu ndi'i̱ cña' ngu', ná nda ngu' cuentya si cha' ji'i̱ ycui' Jesús nchcui' quityi bi'. Bi' cha' cuxi tsa cña ngua'ni ngu' lo'o Jesús nu lo'o ngusta ngu' qui'ya ji'i̱ yu. La cui' tya'a cña nu nguscua jyo'o cusu' lo quityi cha' cua'ni ngu' lo'o yu, cua ngua'ni ngu' li'.

LOS HECHOS 17:11

Tso'o la tyiquee ngu' quichi̱ Berea bi'; si'i na cuxi tyiquee ngu' bi' ñi'ya̱ laca tyiquee ngu' Tesalónica. Nti' tsa ngu' cuna ngu' cua ña'a̱ ca cha' nu nda Pablo lo'o Silas lo'o ngu'. Lcaa tsa̱ nclyana ngu' lo quityi ji'i̱ ycui' Ndyosi si cha' liñi laca nu nchcui' ngu' bi';

LOS HECHOS 26:27

Cusu' rey Agripa, ¿ha jlya ti' nu'u̱ cha' nu nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni? Jlo ti' na' cha' lo'o nu'u̱ jlya ti' cha' bi' ―nacui̱ Pablo ji'i̱ rey Agripa.

ROMANOS 1:2

Nu lo'o tya lyiji ca̱a̱ Jesucristo nde chalyuu, tya li' cua nchcui' liñi ycui' Ndyosi ñi'ya̱ nu caca cha' bi' tyempo nu lijya̱ nde loo la. Cua nda Ni cha' bi' lo'o xi ñati̱ nu ngua tu'ba ji'i̱ ycui' Ni, cha' nchcui' Ni lo'o ñati̱ nu ngua sa'ni la; nguscua ngu' cha' bi' lo quityi li'.

ROMANOS 3:2

Ndi'ya̱ laca sca cha' tso'o nu ntsu'u ji'na cha' laca na ngu' judío: Sca ti lo'o ngu' judío tya'a na cua nda ycui' Ndyosi cha' ji'i̱ Ni tya clyo.

COLOSENSES 3:16

Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.

HEBREOS 11:16

Pana si'i jua'a̱ ngua ti' ngu', xqui'ya cha' jlya ti' ngu' cha' ta ycui' Ndyosi sca se'i̱ su tso'o la tsiya' ti su tyi'i̱ ngu'; ngua ti' ngu' tyalaa ngu' la cui' ca su ntucua ycui' Ni. Bi' cha' ná tyuju'u ti' Ni lo'o nacui̱ ngu' cha' ycui' Ndyosi nu Xu'na ngu' laca Ni; na cua ngua'ni cho'o Ni sca se'i̱ su tyi'i̱ ngu' ca slo ycui' Ni.

HEBREOS 11:35

Lo'o jua'a̱ nu ngu' cuna'a̱ ni, xa' ndyalaa nu qui'yu ji'i̱ ngu' ña'a̱ lu'ú ti ngu', xqui'ya cha' jlya ti' ngu' cha' caca ji'i̱ ycui' Ndyosi cua'ni lyaá Ni ji'i̱ ngu', masi cua ngujuii ngu' tsaca quiya'. Ti'í tsa ngujui'i̱ ngu' cuxi ji'i̱ xa' la tya'a ngu' bi'. Si cua nguta'a̱chu̱' ngu' bi' ji'i̱ ycui' Ndyosi, cua ngulaá ngu' ji'i̱ ngu' cuxi bi' li', cha' nga'aa ngujui'i̱ ngu' cuxi ji'i̱ ngu' bi'; pana ná ntaja'a̱ ngu' bi' tya'a̱chu̱' ngu' ji'i̱ Ni, cha' tyu'u laja ti ngu' jua'a̱. Ndu̱ ti' ngu' bi' ni jacua' ca̱a̱ Ni ca̱qui'ya Ni ji'i̱ ngu', cha' ta chaca chalyuu tso'o la ji'i̱ ngu'.

APOCALIPSIS 19:10

Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.