SAN JUAN 5:34 - Chatino Tataltepec

³⁴ Pana ná ntsu'u cha' caja sca nu chcui' cha' liñi cuentya jna'. Na nda ti na' cha' bi' lo'o ma̱ cha' caja ñi'ya̱ clyaá ycui' ma̱ tsa̱ bi' lo'o caca cuayá' ji'i̱ ma̱ slo ycui' Ndyosi.

SAN JUAN 5:34 Iomraidhean Croise

SAN LUCAS 13:34

’Tya'na tsa cu'ma̱ ngu' Jerusalén, cha' tucui tsa cha' nu ntsu'u ji'i̱ ma̱. Tya sa'ni ndujuii ma̱ ji'i̱ ngu' nu laca tu'ba ji'i̱ ycui' Ndyosi, ngujui'i̱ ma̱ quee ji'i̱ ñati̱ nu ngua'a̱ lo Ni cña ji'i̱. Tyu̱u̱ tsa quiya' ngua ti' na' cha' cua'ni tyaca'a na' ji'i̱ ma̱, cha' ná ca cuxi ji'i̱ ma̱; ñi'ya̱ nti' sca su'u̱ nu nxuti'i̱ ji'i̱ sñi' ne' lu'be ni', jua'a̱ nti' na' cua'ni na' lo'o ma̱, pana ná nda ma̱ chacuayá' 'na tsiya' ti.

SAN LUCAS 19:10

Cua nda Ni 'na lijya̱a̱ cha' caca na' ñati̱ cha' clyana na' ji'i̱ ñati̱ nu nguna' chalyuu ji'i̱ xqui'ya nu cuxi, lo'o jua'a̱ cua'ni lyaá na' ji'i̱ ngu' bi'.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

SAN JUAN 5:32

Ntsu'u chaca nu jlo ti' cha' liñi laca cha' nu nchcui' na', lo'o jua'a̱ jlo ti' na' cha' liñi nchcui' nu bi' ―nacui̱―.

SAN JUAN 5:41

’Si'i na nti' na' cha' cua'ni chi̱ ñati̱ loo na' ―nacui̱ Jesús ji'i̱ ngu'―.

SAN JUAN 8:54

Lo'o li' nacui̱ Jesús: ―Ná tso'o na' tsiya' ti si cua'ni na' cha' caca tlyu ycui' ca ti na', pana ycui' Ndyosi Sti na' ndu'ni cha' caca tlyu na' ―nacui̱―. Ndu'ni ma̱ cha' Sti ma̱ laca ycui' Ndyosi;

ROMANOS 10:1

Cu'ma̱ ngu' tya'a ntsu'u cha' ji'na lo'o Jesús, tyucui tyiquee na' lye tsa nchcui' tya'na na' lo'o ycui' Ndyosi, cha' cua'ni lyaá Ni ji'i̱ ngu' judío tya'a na'.

ROMANOS 10:21

Pana xa' ña'a̱ nguscua jyo'o Isaías cha' ji'i̱ ngu' Israel: “Tyucui tsa̱ ngusi'yana na' ji'i̱ ngu'”, nacui̱ Ni, “pana ná ndaquiya' ngu' bi' 'na tsiya' ti; xcui' na nxu̱u̱ tya'a ti ngu' lo'o na'”. Jua'a̱ nchcui' quityi.

ROMANOS 12:21

Bi' cha' nga'aa ta ma̱ tyempo ji'i̱ nu cuxi cha' cua'ni bi' ngana ji'i̱ ma̱. Juani taca tyiji̱loo ma̱ ji'i̱ nu cuxi, xqui'ya cha' xcui' cha' tso'o ndyu'ni ma̱.

ROMANOS 3:3

Masi ntsu'u xi ngu' judío nu nga'aa jlya ti' ji'i̱ ycui' Ndyosi, ná culaya' Ni ji'i̱ cua ña'a̱ ca ngu' judío xqui'ya nu xti ti ñati̱ bi'.

1 CORINTIOS 9:22

Lo'o li', lo'o ndi'i̱ na' lo'o ngu' tya'a ngusñi na cha' ji'i̱ Jesús nu tya lyiji jlya tso'o ti' ngu' cha' ji'i̱ Jesús, ñi'ya̱ si stu'ba ti cha' laca 'na lo'o ngu', jua'a̱ ndi'i̱ na' lo'o ngu' li', cha' cuna la ngu' bi' cha' ji'i̱ Cristo. Lcua ti lo cña cua'ni na' cha' tyaja'a̱ la ñati̱ xñi ngu' cha' ji'i̱ Cristo.

1 TIMOTEO 4:16

Talo nu'u̱ ji'i̱ cña bi'. Cua'a nu'u̱ ji'i̱ ycui' ca cha' xcui' cha' tso'o ti cua'ni nu'u̱. Tso'o ti culu'u nu'u̱ ji'i̱ ngu' tya'a na, cha' jua'a̱ cuna tso'o ngu' cha' nu nclu'u nu'u̱ ji'i̱ ngu', cha' cua'ni lyaá ycui' Ndyosi ji'i̱ ngu' bi' li'. Lo'o jua'a̱ cua'ni lyaá Ni jinu'u̱ li'.

1 JUAN 5:9

Ntucuá na ji'i̱ cha' nu nchcui' ñati̱ chalyuu lo'o na, pana juani ndulo la cha' nu nda ycui' Ndyosi lo'o na. Ca ta'a sna cha' nu nda ycui' Ndyosi, lcaa cha' bi' nchcui' cha' sca ti Jesucristo laca Sñi' ycui' Ndyosi.