SAN JUAN 5:32 - Chatino Tataltepec

³² Ntsu'u chaca nu jlo ti' cha' liñi laca cha' nu nchcui' na', lo'o jua'a̱ jlo ti' na' cha' liñi nchcui' nu bi' ―nacui̱―.

SAN JUAN 5:32 Iomraidhean Croise

SAN MATEO 17:5

Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.

SAN MATEO 3:17

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

SAN MARCOS 1:11

Lo'o li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu sca ca Sñi' na' laca nu'u̱, lo'o jua'a̱ ntsu'u tsa tyiquee na' ña'a̱ na' jinu'u̱ ―nacui̱ ycui' Ni ji'i̱ Jesús―. Tyaca'a tsa nu'u̱ 'na ―nacui̱ Ni.

SAN LUCAS 3:22

Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱: ―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.

SAN JUAN 1:33

Ná ndyuloo na' ji'i̱ Jesús clyo, pana ycui' Ndyosi laca nu ndacha' cha' bi' 'na, ycui' Ndyosi laca nu ngulo cña jna' cha' tyucuatya̱ ji'i̱ ngu'. Ndi'ya̱ nchcui' Ni lo'o na': “Lo'o ña'a̱ nu'u̱ cha' lijya̱ nda'ya Xtyi'i ycui' Na' lo sca ñati̱”, nacui̱ Ni, “li' caca cuayá' ti' nu'u̱ cha' yu bi' laca nu tyucuatya ji'i̱ ngu' lo'o Xtyi'i ycui' Na', nga'aa si'i lo'o hitya ti”.

SAN JUAN 12:50

Jlo ti' na' cha' talo tsa lcaa cña nu nda Sti na' cha' cua'ni ma̱, ná nga'a̱ cha' tye chalyuu ji'i̱ ma̱ si taquiya' ma̱ ji'i̱ cha' bi' ―nacui̱ Jesús ji'i̱ ngu'―. Bi' cha' tsa ña'a̱ cha' nu cua nchcui' Sti na' lo'o na', bi' laca cha' nu nchcui' na' lo'o ma̱ juani.

SAN JUAN 5:34

Pana ná ntsu'u cha' caja sca nu chcui' cha' liñi cuentya jna'. Na nda ti na' cha' bi' lo'o ma̱ cha' caja ñi'ya̱ clyaá ycui' ma̱ tsa̱ bi' lo'o caca cuayá' ji'i̱ ma̱ slo ycui' Ndyosi.