SAN JUAN 5:3 - Chatino Tataltepec

³ Tyi'i̱ ca to' tayu' piti bi' ndacui ca'yu tya'a corredor su ndi'i̱ quiña'a̱ tsa ngu' quicha; nu cuityi̱', nu cu' quiya', nu nchcu̱' tyucuí̱, ndi'i̱ ngu' ca bi' ntajatya ngu' ña'a̱ cuayá' nu quiña lo hitya tayu' bi'.

SAN JUAN 5:3 Iomraidhean Croise

SAN MATEO 15:30

Quiña'a̱ tsa ñati̱ ndyalaa slo yu li'; ndya'a̱ lo'o ngu' ji'i̱ quiña'a̱ tsa ngu' quicha, lo'o ngu' nu quicha quiya', lo'o ngu' cuityi̱', lo'o ngu' cu'u̱, lo'o nu cu' ya', nu cu' quiya', lcaa lo nu quicha. Nsta ngu' ji'i̱ ngu' quicha bi' lo yuu slo Jesús, lo'o ngua'ni Jesús cha' ndyaca tso'o ngu' li'.

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN LUCAS 7:22

Bi' cha' ndi'ya̱ nguxacui̱ Jesús cha' ji'i̱ ngu' bi' li': ―Yaa clya ma̱ cacha' ma̱ ji'i̱ nu Juan bi' lcaa cha' nu cua na'a̱ ma̱ slo na', lcaa cha' nu cua ndyuna ma̱ ca nde. Ñacui̱ ma̱ ji'i̱ yu cha' xa' nda na' xee ña'a̱ tyu̱u̱ tya'a ngu' nu ngua cuityi̱'; lo'o juani tso'o tsa ndya'a̱ ngu' nu ngua quicha quiya'; jua'a̱ cua ngua lubii cuaña' ngu' nu ndyatsu' cuaña'; lo'o juani cua nduna tso'o ngu' nu ngua cu'u̱ jyaca̱; jua'a̱ xa' ndyu'ú ngu' chaca quiya', ngu' nu cua ngujuii; jua'a̱ ngu' ti'i ni, nduna ngu' cha' tso'o nu nda na' lo'o ngu' ñi'ya̱ ndu'ni lyaá Ni ji'i̱ ngu' ji'i̱ nu cuxi. Jua'a̱ ñacui̱ ma̱ ji'i̱ Juan bi'.

SAN JUAN 5:2

Nde Jerusalén bi' ntsu'u sca to' lo'o quichi̱ su naa to' lo'o ji'i̱ xlya'. Ca bi' nscua sca tayu' piti, Betesda naa tayu' bi' cha'cña ji'i̱ ngu' judío bi'.

SAN JUAN 5:4

Nda ti' ngu' quichi̱ bi', cha' tyijyu' ndacui cuayá' ti nda'ya sca xca̱ ji'i̱ ycui' Ndyosi nu yaa̱ nde cua̱, ndyaa ne' hitya tayu' bi', cha' xquiña lo hitya bi'; nu quicha nu ndyaa yala la ndyaata chcu to' hitya bi' lo'o nguiña ca ti lo hitya, bi' laca nu ndyaca tso'o ji'i̱ cua ña'a̱ ca quicha nu ntsu'u ji'i̱, nacui̱ ngu'.

ROMANOS 8:25

Pana lo'o chañi cha' tya ntajatya na ji'i̱ sca cha', li' ntsu'u cha' talo na ji'i̱, masi tya lyiji ña'a̱ na ji'i̱, masi talo na tyiquee' ña'a̱ cuayá' nu ña'a̱ na ji'i̱ cha' cua ndyu'u tucua.

SANTIAGO 5:7

Cu'ma̱ tya'a ngusñi na cha' ji'i̱ Jesús, talo ma̱ tyiquee' cha' ntajatya ma̱ ji'i̱ ycui' nu Xu'na na, ni jacua' ca̱a̱ Ni chaca quiya' nde chalyuu. Ñati̱ nu cua ndyataa xtya̱ ji'i̱ ni, ndalo tsa tyiquee ngu' ntajatya ngu' ni jacua' tyu'u si'yu nu ndulo tsa cha' caja ji'i̱ ngu'; ndu̱ ti' ngu' bi' cha' ca'ya tyo, masi tyo nu ca'ya yala la, masi tyo nu ca'ya tiya' la.