SAN JUAN 5:29 - Chatino Tataltepec

²⁹ Ñati̱ nu ngua tso'o cresiya ji'i̱ ni, tyaa ngu' bi' tyi'i̱ ngu' lo'o ycui' Ndyosi; pana ñati̱ nu ntsu'u cha' cuxi ji'i̱, tyaa ngu' bi' ca su xcube' Ni ji'i̱ ngu', su tye tsiya' ti cha' ji'i̱ ngu' ―nacui̱ Jesús―.

SAN JUAN 5:29 Iomraidhean Croise

SAN LUCAS 14:14

Li' tso'o tsa tyi'i̱ ma̱ chalyuu si jua'a̱ cua'ni ma̱, cha' nu ngu' quicha bi' ni, ná caja ñi'ya̱ nu tya ngu' cha' tso'o ji'i̱ ma̱. Pana tiya' la caja cha' tso'o ji'i̱ ma̱, nu lo'o tyu'ú ma̱ chaca quiya' lo'o lcaa ngu' jyo'o nu ngua tso'o cresiya ji'i̱ ngu' cuentya ji'i̱ ycui' Ndyosi lo'o tya nguti'i̱ ngu' chalyuu.

LOS HECHOS 24:15

Ñi'ya̱ nu jlya ti' ngu' judío re, jua'a̱ jlya ti' na'. Chañi cha' cua'ni ycui' Ndyosi cha' tyu'ú lcaa jyo'o chaca quiya', masi ñati̱ tso'o ngua jyo'o bi', masi ñati̱ cuxi ngua ngu';

1 TIMOTEO 6:18

Culo nu'u̱ cña ji'i̱ ngu' culiya' bi' ndi'ya̱: Xcui' cha' tso'o cua'ni ngu'; cua'ni tya'na ti' ngu' ji'i̱ xa' ñati̱, lo'o jua'a̱ tyi'u ti' ngu' ji'i̱ ngu' ti'i, cha' ta ngu' na nu lyiji ji'i̱ ngu' ti'i bi'.

HEBREOS 10:27

Jua'a̱ ti caca na li', cutsi̱i̱ tsa na ji'i̱ ycui' Ndyosi lo'o tyalaa hora nu cua'ni cuayá' Ni ji'i̱ lcaa ñati̱ tya'a ngusu̱u̱ lo'o Ni. Lo'o li' cua'ni tye Ni ji'i̱ lcaa ngu' bi', tsaa ngu' nde lo quii' tlyu nu ná nga'a̱ cha' tye tyaqui̱.

HEBREOS 13:16

La cui' jua'a̱ ná ca taja ti' ma̱ cua'ni ma̱ lcaa cha' tso'o, jua'a̱ xtyucua ma̱ ji'i̱ tya'a ñati̱ ma̱; bi' laca cña nu ndiya ti' Ni cha' cua'ni na cuentya ji'i̱ ycui' Ni.

1 PEDRO 3:11

Ntsu'u cha' tyaatsu' ngu' bi' ji'i̱ lcaa cha' cuxi nu ntsu'u ji'i̱ ngu', cha' nga'aa cua'ni ngu' cha' cuxi bi'. Xcui' cha' tso'o ntsu'u cha' cua'ni ngu' bi'. Lo'o li' ntsu'u cha' xtyucua ngu' bi' ji'i̱ tya'a ñati̱ ngu' lcaa tsa̱, xqui'ya cha' tso'o ntsu'u tyiquee ngu' bi' ña'a̱ ngu' ji'i̱ tya'a ñati̱ ngu'; jua'a̱ nga'aa xu̱u̱ tya'a ngu' bi' li'.