SAN JUAN 5:23 - Chatino Tataltepec

²³ Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN JUAN 5:23 Iomraidhean Croise

SAN MATEO 10:37

’Tso'o tsa lo'o ndu'ni tyaca'a ngu' ji'i̱ sti ngu', ji'i̱ xtya'a̱ ngu'; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'. Lo'o jua'a̱ tso'o lo'o ndu'ni tyaca'a ngu' ji'i̱ sñi' ngu', masi sñi' qui'yu, masi sñi' cuna'a̱; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'.

SAN MATEO 11:27

Lo'o li' tya ngulu'u la Jesús xi ji'i̱ ngu': ―Lcaa chacuaya' ji'i̱ Sti na' ndyanu ya' na'. Ni sca ñati̱ ná jlo ti' ñi'ya̱ laca cha' nu ntsu'u ne' cresiya 'na nu laca̱ Sñi' ycui' Ni; sca ti ycui' Ndyosi Sti na' jlo ti' ñi'ya̱ laca cha' nu ntsu'u ne' cresiya 'na. Lo'o jua'a̱, ni sca ñati̱ ná jlo ti' ñi'ya̱ laca cha' nu ntsu'u ne' cresiya ji'i̱ Sti na'; sca ti na' nu laca̱ Sñi' ycui' Ni jlo ti' na', lo'o jua'a̱ culu'u na' cha' bi' ji'i̱ ñati̱ nu subi na' ji'i̱ cha' ca tsa'a̱ ngu' 'na.

SAN MATEO 12:21

Ndu̱ ti' ñati̱ tyucui ña'a̱ chalyuu cha' cua ca̱a̱ ti yu. Jua'a̱ nscua cha' ji'i̱ Cristo lo quityi bi'.

SAN MATEO 15:8

Ndu'ni tlyu ngu' re jna' cha' tu'ba ti ngu', nacui̱ ycui' Ni. Si'i tyucui tyiquee ngu' ndu'ni tlyu ngu' 'na.

SAN MATEO 28:19

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi.

SAN LUCAS 10:16

―Ñati̱ nu cua'a̱ jyaca̱ ji'i̱ cha' nu ta cu'ma̱ lo'o, ñi'ya̱ si ndaca'a̱ jyaca̱ ngu' bi' ji'i̱ cha' nu ta na' lo'o ngu' laca; lo'o ñati̱ nu xlyú cha' hichu̱' cu'ma̱, ñi'ya̱ si nxlyú ngu' bi' cha' hichu̱' na' laca. Lo'o jua'a̱ ñati̱ nu xlyú cha' hichu̱' na' ni, na nxlyú ngu' cha' bi' hichu̱' ycui' Ndyosi nu nda jna' lijya̱a̱; jua'a̱ laca cha' ―nacui̱ Jesús ji'i̱ ngu'. Ndu'u ngu' ndyaa ngu' li'.

SAN JUAN 14:1

’Ná quiña'a̱ tsa cha' culacua ti' ma̱ cuentya 'na ―nacui̱ Jesús ji'i̱ ngu' li'―. Cua ngusñi ma̱ cha' ji'i̱ ycui' Ndyosi, jua'a̱ xñi tso'o ma̱ cha' jna' li'.

SAN JUAN 16:14

Cua'ni tlyu Xtyi'i ycui' Ni jna'. Lcaa cha' nu culu'u nu bi' ji'i̱ ma̱, cha' jna' laca bi'; na' laca̱ su̱u̱ cha' bi' ―nacui̱ Jesús ji'i̱ ngu' nu ndyaca tsa'a̱ ji'i̱―.

SAN JUAN 17:10

Lcaa ngu' nu ngusñi cha' 'na, laca ngu' bi' ñati̱ jinu'u̱ ―nacui̱―. La cui' ti cha', ñati̱ jna' laca ngu', xqui'ya cha' laca ngu' ñati̱ ji'i̱ ycui' nu'u̱. Lo'o ña'a̱ xa' ñati̱ chalyuu ji'i̱ ngu' bi', hora ti caca cuayá' ti' ngu' cha' tlyu tsa cha' tso'o ntsu'u jna'.

ROMANOS 1:7

Nscua na' quityi re cha' ca̱a̱ nde quichi̱ Roma ca su ndi'i̱ ma̱. Nda na' xlyo ni'i̱ ji'i̱ ma̱ cuentya ji'i̱ ycui' Ndyosi Sti na, cuentya ji'i̱ Jesucristo nu Xu'na na, cha' ntsu'u tsa tyiquee ycui' Ndyosi ña'a̱ Ni ji'i̱ ma̱. Cua ngusubi Ni ji'i̱ ma̱ cha' tyucui tyiquee ma̱ taca caca ma̱ ñati̱ ji'i̱ Ni. Ndi'ya̱ nti' na', cha' ña'a̱ ti cua'ni ycui' Ndyosi Sti na cha' tso'o lo'o ma̱, cha' cua'ni Ni cha' ti̱ ti tyi'i̱ tyiquee ma̱ xqui'ya Jesucristo nu Xu'na na.

ROMANOS 15:12

Lo'o jyo'o Isaías nguscua sca cha' lo quityi cusu' nu nacui̱ ndi'ya̱: Tyu'u tucua sca ñati̱ tya'a ñati̱ ji'i̱ jyo'o Isaí, ca̱a̱ yu bi' lo yuu cha' caca yu loo ji'i̱ ngu' xa' tsu'. Ndu̱ ti' ngu' xa' tsu' ji'i̱ yu bi', cha' cua'ni lyaá yu ji'i̱ ngu'. Jua'a̱ nchcui' quityi cusu' bi'.

ROMANOS 6:22

Pana juani ni, nga'aa caca ji'i̱ nu cuxi bi' culo cña ji'i̱ ma̱, cha' cua ndyatí̱ ma̱ lo cña ji'i̱ ycui' Ndyosi. Chaa ti' ma̱ ndyu'ni ma̱ cña ji'i̱ Ni juani, cha' xcui' na ndi'i̱ ma̱ chalyuu cuentya ji'i̱ ycui' Ni; li' ná nga'a̱ cha' tye chalyuu nu ta Ni ji'i̱ ma̱ lo'o cua ndye lcaa cha'.

ROMANOS 8:9

Nga'aa si'i jua'a̱ ndi'i̱ ma̱ juani, nga'aa nchca tiji̱' ti' ma̱ ji'i̱ cha' cuxi nu ntsu'u nde chalyuu; stu'ba ntsu'u cha' ji'i̱ ma̱ lo'o ycui' Ndyosi juani, cha' cua nda ycui' Ndyosi Xtyi'i Ni cha' tyanu ne' cresiya ji'i̱ ma̱. Lo'o jua'a̱ ná ntsu'u cha' ji'na lo'o Cristo tsiya' ti, si bilya tyanu Xtyi'i ycui' Ni ne' cresiya ji'na, la cui' Xtyi'i nu ndyu'u ji'i̱ Cristo.

1 CORINTIOS 1:3

Ndi'ya̱ nti' na': cha' ña'a̱ ti cua'ni ycui' Ndyosi Sti na cha' tso'o lo'o ma̱, cha' cua'ni Ni cha' ti̱ ti tyi'i̱ tyiquee ma̱ xqui'ya Jesucristo nu Xu'na na.

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

1 CORINTIOS 16:22

Chaca tya cha' chcui' na' lo'o ma̱ juani: Si ntsu'u ngu' tya'a ndyu'u ti'i̱ ma̱ nu ná liñi cha' tso'o ntsu'u tyiquee ngu' ña'a̱ ngu' ji'i̱ ycui' nu Xu'na na, xtyanu ti'i̱ ma̱ ji'i̱ ngu' li', cha' xcube' ycui' Ndyosi ji'i̱. ¡Tya̱a̱ nu'u̱, Xu'na, ca su ndi'i̱ ya!

1 CORINTIOS 6:19

¿Ha ná nda ma̱ cuentya cha' tyaca'a tsa ma̱ ji'i̱ ycui' Ndyosi, xqui'ya cha' nda Ni Xtyi'i ycui' Ni nu ndyanu ne' cresiya ji'i̱ ma̱? Nga'aa si'i cuentya ji'i̱ ycui' ti ma̱ ndya'a̱ ma̱, cuentya ji'i̱ ycui' Ndyosi laca ma̱. Quiña'a̱ tsa cha' tso'o ngua'ni Ni cuentya ji'na cha' ngulaá ma̱ ji'i̱ nu cuxi, cha' laca ma̱ ñati̱ ji'i̱ ycui' Ni; bi' cha' cua'ni tlyu ma̱ ji'i̱ ycui' Ndyosi lcaa su ndya'a̱ ma̱, tyi'u ti' ma̱ ji'i̱ Ni, lo'o jua'a̱ tyucui tyiquee ma̱ cua'ni ma̱ lcaa cña nu culo ycui' Ni ji'i̱ ma̱.

2 CORINTIOS 1:9

cha' cua ndyalaa tyempo nu cua cajaa ti ya. Pana jua'a̱ ngua cha' tso'o la jlya ti' ya ji'i̱ sca ti ycui' Ndyosi, cha' nchca ji'i̱ Ni cua'ni Ni cha' tyu'ú ñati̱ chaca quiya' masi cua ngujuii ngu'; bi' cha' nchca ji'i̱ Ni cua'ni lyaá Ni ji'na, si'i na culacua ti' na cha' ycui' ca ti na ntsu'u cha' cua'ni na cha' clyaá na laja cha' cuxi bi'.

2 CORINTIOS 13:14

Lo'o juani nti' tsa na' cha' ná tye cha' stu'ba cha' ji'i̱ lcaa cu'ma̱ cajua lo'o Jesucristo nu Xu'na na, la cui' Ni laca nu quiña'a̱ tsa cha' tso'o ndu'ni lo'o na lcaa tsa̱. Jua'a̱ nti' na' cha' lcaa tsa̱ caca stu'ba cha' ji'i̱ ma̱ lo'o ycui' Ndyosi, la cui' Ni laca nu ntsu'u tsa tyiquee Ni ña'a̱ Ni ji'na. Jua'a̱ nti' na' cha' tyanu Xtyi'i ycui' Ndyosi ne' cresiya ji'i̱ ma̱, la cui' Ni laca nu ndu'ni cha' stu'ba ntsu'u cha' ji'na lo'o Ni, jua'a̱ lo'o xa' la ngu' tya'a ngusñi na cha' ji'i̱ ycui' Ndyosi. Jua'a̱ caca cha' lacua.

2 CORINTIOS 5:14

Cua jlo ti' na cha' sca ti ycui' Cristo ngujuii lo crusi cuentya ji'i̱ lcaa ñati̱ chalyuu; ñi'ya̱ nti' si cua ngujuii lcaa ñati̱ chalyuu xqui'ya qui'ya nu ntsu'u ji'i̱ ngu', jua'a̱ laca cha', xqui'ya cha' ngujuii yu lo crusi bi'. Lo'o juani jlo ti' na cha' ntsu'u tsa tyiquee Cristo ña'a̱ Ni ji'i̱ lcaa ñati̱ chalyuu, bi' cha' nga'a̱ cha' chcui' na cha' ji'i̱ Jesús lo'o xa' ñati̱.

2 CORINTIOS 5:19

Xqui'ya Cristo ndu'ni Ni cha' cati̱ qui'ya nu ntsu'u ji'i̱ ñati̱ chalyuu lo'o Ni, nga'aa culotu̱ Ni ji'i̱ cha' cuxi nu cua ngua'ni ñati̱. Lo'o li' cua ngua'a̱ lo Ni ji'na, cha' cua'ni na cña cuentya ji'i̱ Ni, cha' chcui' na lo'o ñati̱ ñi'ya̱ taca ca stu'ba cha' ji'i̱ ngu' lo'o ycui' Ndyosi;

EFESIOS 6:24

Lo'o jua'a̱ nti' na' cha' ña'a̱ ti cua'ni Ni cha' tso'o lo'o lcaa cu'ma̱ nu ntsu'u tyiquee ma̱ ji'i̱ Jesucristo nu Xu'na na, cu'ma̱ nu nga'aa nti' tya'a̱chu̱' ma̱ ji'i̱ Cristo. Chañi cha' jua'a̱ caca cha' bi'.

2 TIMOTEO 1:12

bi' cha' ndyiji cha' ti'í 'na juani. Pana ná tyuju'u ti' na', cha' cua jlo ti' na' tilaca laca nu ngusñi na' cha' ji'i̱ Ni. Jlo ti' na' cha' nchca ji'i̱ Ni ña'a̱si̱i̱ Ni 'na; nchca ji'i̱ Ni xtyucua Ni 'na lo'o ndyu'ni na' cña nu nda Ni 'na, cha' taca tyu'u tso'o cña 'na tsa̱ bi' lo'o tya̱a̱ Jesús nde chalyuu chaca quiya'.

HEBREOS 1:6

Tya clyo lo'o cua ta ti ycui' Ndyosi ji'i̱ Sñi' ycui' ca Ni cha' ca̱a̱ yu chalyuu, li' nacui̱ Ni: Lcaa xca̱ nu ntsu'u cuentya jna' nde cua̱, nga'a̱ cha' cua'ni tlyu ngu' xca̱ bi' ji'i̱ Sñi' na'.

2 PEDRO 1:1

Simón Pedro laca na'; ndyu'ni na' cña ji'i̱ Jesucristo, cha' cua ngusubi Ni 'na cha' tsa'a na' ta na' cha' tso'o ji'i̱ Cristo lo'o ngu' xa' quichi̱. Lo'o nu juani nscua na' quityi re cha' tsaa slo lcaa ñati̱ nu ngusñi cha' ji'i̱ ycui' Ndyosi ñi'ya̱ nu ngusñi na ji'i̱. Xcui' cha' liñi ndu'ni ycui' Ndyosi nu Xu'na na, la cui' Jesucristo nu ndyu'ni lyaá ji'na ji'i̱ nu cuxi laca bi'; bi' cha' stu'ba ti laca lcaa na cuentya ji'i̱ ycui' Ndyosi, tso'o tsa ndyaca ji'i̱ lcaa na cuentya ji'i̱ Ni.

2 PEDRO 3:18

Pana tso'o la ca tsa'a̱ la ma̱ cha' tso'o ji'i̱ Jesucristo nu Xu'na na, nu cua ngua'ni lyaá ji'na; li' taca tyi'i̱ tso'o la tyiquee ma̱ cuentya ji'i̱ ycui' nu Xu'na na. Cua'ni tlyu na ji'i̱ ycui' Ni nde chalyuu, lo'o jua'a̱ ná nga'a̱ cha' tye tsa̱ nu cua'ni tlyu na ji'i̱ Ni ca slo ycui' Ni. Jua'a̱ caca cha' lacua.

1 JUAN 2:23

Si ñacui̱ na ji'i̱ ñati̱ cha' si'i Sñi' ycui' Ndyosi laca Jesucristo, ná ntsu'u cha' ji'na lo'o ycui' Ndyosi Sti Jesucristo, jua'a̱ ndyu'u cha' bi' li'; pana lo'o xñi na cha' ji'i̱ Sñi' ycui' Ni, cua ntsu'u cha' ji'na lo'o ycui' Ndyosi Sti yu, jua'a̱ ndyu'u cha' bi' li'.

2 JUAN 1:9

Lcaa ñati̱ nu tyatí̱ yu'u lo'o xa' la cha', ná ntsu'u cha' ji'i̱ ngu' bi' lo'o ycui' Ndyosi tsiya' ti, cha' ná cuayá' cha' ji'na lo'o jlya ti' na ji'i̱ Cristo, nti' ngu' bi'; pana lo'o cua ngusñi na cha' ji'i̱ Cristo ca ne' cresiya ji'na, li' stu'ba ntsu'u cha' ji'na lo'o ycui' Ndyosi, jua'a̱ lo'o ycui' nu sca ti Sñi' ycui' Ni.