SAN JUAN 5:21 - Chatino Tataltepec

²¹ Xa' ta ycui' Ndyosi chalyuu ji'i̱ ngu' chaca quiya', ji'i̱ cua ña'a̱ ca ñati̱ nu nti' Ni cha' ta Ni chalyuu ji'i̱; lo'o jua'a̱ la cui' cña ndu'ni na' nu laca̱ Sñi' ycui' Ni, ta na' chaca chalyuu ji'i̱ lcua ti ñati̱ nu nti' na' cha' ta̱ ji'i̱ ―nacui̱ Jesús ji'i̱ ngu'―.

SAN JUAN 5:21 Iomraidhean Croise

SAN JUAN 11:25

Li' nguxtyacui Jesús cha' lo'o nu cuna'a̱ bi': ―Na' laca̱ nu ndu'ni cha' tyu'ú ñati̱, na' laca̱ nu ndu'ni cha' chañi caca tso'o cresiya ji'i̱ ñati̱ ―nacui̱ Jesús―. Masi cajaa ngu', tya tyu'ú ngu' bi' chaca quiya', caja chalyuu cucui ji'i̱ ngu' si cua ngusñi ngu' cha' jna' ―nacui̱ Jesús ji'i̱ Marta―.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

LOS HECHOS 26:8

¿Ni cha' laca ntsu'u ñati̱ cu'ma̱ nu ná jlya ti' cha' nchca ji'i̱ ycui' Ndyosi cua'ni Ni cha' tyu'ú jyo'o chaca quiya'?

ROMANOS 8:11

La cui' Xtyi'i ycui' Ndyosi laca bi', la cui' laca nu ngulo ji'i̱ jyo'o Jesús ca su ntsiya nguatsi', ndyu'ú yu chaca quiya' li'. Lo'o jua'a̱ cua nda ycui' Ndyosi Xtyi'i ycui' Ni cha' tyanu ne' cresiya ji'i̱ ma̱, cha' nu lo'o cajaa ma̱, li' cua'ni Ni cha' tyu'ú ma̱ chaca quiya' xqui'ya Xtyi'i ycui' Ni.

1 CORINTIOS 15:45

Ndi'ya̱ nscua lo quityi ji'i̱ ycui' Ndyosi: “Ñati̱ lu'ú ngua Adán nu ñati̱ nu nguti'i̱ chalyuu clyo, lo'o jua'a̱ ycui' Ndyosi laca nu cua nda cresiya ji'i̱ yu”. Jua'a̱ cha' nda quityi cusu'. Tiya' la li' nda Ni ji'i̱ chaca ñati̱ nu ya̱a̱ chalyuu; ngua bi' ñati̱, la cui' ñi'ya̱ nu ngua Adán ñati̱. Pana tso'o la ña'a̱ ñati̱ ngua nu Jesús bi'; cua nda ycui' yu chaca cresiya nu tso'o la ji'i̱ ñati̱, cha' caca stu'ba cha' ji'i̱ yu lo'o ycui' Ndyosi.