SAN JUAN 5:2 - Chatino Tataltepec

² Nde Jerusalén bi' ntsu'u sca to' lo'o quichi̱ su naa to' lo'o ji'i̱ xlya'. Ca bi' nscua sca tayu' piti, Betesda naa tayu' bi' cha'cña ji'i̱ ngu' judío bi'.

SAN JUAN 5:2 Iomraidhean Croise

SAN JUAN 19:13

Lo'o ndyuna Pilato ñi'ya̱ nacui̱ ngu' judío bi', li' ndu'u yu ndyaa tucua yu ca su ndu'ni cuayá' yu ji'i̱ ngu'. Li' ngulo yu cña cha' ca̱a̱ lo'o ngu' ji'i̱ Jesús ca su ntucua yu, la cui' se'i̱ su ntsiya quee cuaja' nu ngua naa Gabata cha'cña ji'i̱ ngu' judío.

SAN JUAN 19:17

Li' ndaya' sendaru ji'i̱ Jesús, ndyaa lo'o ngu' ji'i̱ Jesús ca su cajaa yu. Ngüi'ya Jesús ji'i̱ crusi nu ji'i̱ ycui' ca yu, ndyaa yu li'. Ndyaa lo'o ngu' ji'i̱ yu nde su naa Gólgota cha'cña ji'i̱ ngu' judío, nu jua'a̱ nti' tyu'u cha'cña bi': Su nscua tyijya̱ hique jyo'o.

SAN JUAN 19:20

Quiña'a̱ tsa ngu' judío na'a̱ ji'i̱ cha' nu nscua hique crusi bi', cha' ná tyijyu', to' quichi̱ ti ngua su ndyujuii ngu' ji'i̱ Jesús lo crusi. Sna lo cha'cña ji'i̱ ngu' nscua cha' bi' hique crusi: cha'cña ji'i̱ ngu' judío nscua bi', cha'cña ji'i̱ ngu' latín nscua bi', lo'o cha'cña ji'i̱ ngu' griego nscua bi'.

SAN JUAN 20:16

―¡María! ―nacui̱ Jesús ji'i̱ li'. Lo'o li' nguxtyacui María na'a̱ su ndu̱ Jesús. ―¡Raboni! ―nacui̱. (Sca cha' hebreo laca; La Mstru 'na, jua'a̱ nti' ñacui̱ cha' bi'.)

SAN JUAN 5:3

Tyi'i̱ ca to' tayu' piti bi' ndacui ca'yu tya'a corredor su ndi'i̱ quiña'a̱ tsa ngu' quicha; nu cuityi̱', nu cu' quiya', nu nchcu̱' tyucuí̱, ndi'i̱ ngu' ca bi' ntajatya ngu' ña'a̱ cuayá' nu quiña lo hitya tayu' bi'.

SAN JUAN 7:21

Li' nchcui' Jesús lo'o ngu' chaca quiya': ―Sca ti quiya' ngua'ni na' sca cha' tlyu tsa̱ ta'a tsa̱ nu tacati tsa ji'i̱ ma̱, lo'o li' ndube tsa ti' ma̱.

LOS HECHOS 21:40

Li' nda xu'na sendaru chacuayá' chcui' Pablo, bi' cha' ndatu̱ yu lo ndyiya' quee bi' li', ngutacui ya' yu cha' ca ti̱ nu ngu' quiña'a̱ bi'. Lo'o ngua ti̱ ngu', li' cha' hebreo nchcui' Pablo lo'o ngu', cha' bi' laca cha'cña ji'i̱ ngu' judío.

APOCALIPSIS 16:16

Li' nxuti'i̱ cuiñaja bi' ji'i̱ ngu' laca loo, cha' tya̱a̱ ngu' nde sca nati̱', su naa Armagedón cha'cña ji'i̱ ngu' judío.

APOCALIPSIS 9:11

Ntsu'u nu laca loo ji'i̱ ni', la cui' nu ntucua tlyu ca ne' tyuquee bi'; Abadón naa nu bi' cha'cña ji'i̱ ngu' judío, lo'o jua'a̱ Apolión naa nu bi' cha'cña ji'i̱ ngu' griego, nu nti' ñacui̱ cha'cña ji'na: ycui' nu ndu'ni ñu'u̱ ji'i̱ chalyuu.