SAN JUAN 5:17 - Chatino Tataltepec

¹⁷ Pana nguxtyacui Jesús cha' lo'o ngu' li': ―Tya lyiji tye cua'ni Sti na' cña ―nacui̱ Jesús―, lo'o jua'a̱ na', tya ndyu'ni na' cña.

SAN JUAN 5:17 Iomraidhean Croise

SAN MATEO 10:29

’Cua jlo ti' ma̱ cha' tsa'ña tsa nga'a̱ quiñi sube nu ndujui' ngu', masi tucua tya'a quiñi sube caja ji'i̱ ma̱ sa paxu ti. Pana ycui' Sti na laca loo, lcaa cha' jlo ti' Ni; masi sca ti quiñi sube cajaa ni', pana cua jlo ti' ycui' Ni cha' bi'.

SAN JUAN 10:36

¿Ni cha' laca ngusta cu'ma̱ qui'ya jna' slo ycui' Ndyosi lo'o nacui̱ ma̱ cha' nchcui' na' cha' cuxi ji'i̱ ycui' Ni? ―nacui̱ Jesús―. Cua ngusubi Sti na' jna', nda Ni 'na lijya̱a̱ nde chalyuu. ¿Ni cha' laca ná tso'o nti' ma̱ cha' nacui̱ na' cha' nu sca ti Sñi' ycui' Ndyosi laca na'?

SAN JUAN 14:10

¿Ha ná jlya ti' ma̱ cha' stu'ba ntsu'u cha' 'na lo'o ycui' Ndyosi Sti' na'? Lo'o jua'a̱ lcaa hora ndi'i̱ ycui' Ndyosi Sti na' lo'o na' ―nacui̱―. Si'i cha' nu ngulo hique ti na' nu nchcui' na' lo'o ma̱; stu'ba ntsu'u cha' ji'i̱ Sti na' lo'o na', lo'o ycui' Ni laca nu nclyo cña 'na, ñi'ya̱ nu cua'ni na'.

SAN JUAN 5:16

Ngua cuayá' ti' ngu' bi' li', cha' ngua'ni Jesús cha' tlyu lo'o nu quicha bi' tsa̱ ta'a lo'o ndi'i̱ cña' ngu', bi' cha' ngunasi̱' tsa ngu' judío bi' ji'i̱ Jesús. Nguxana ngu' bi' ngulacua cuxi ti' ngu' ña'a̱ ngu' ji'i̱ yu, ngua ti' ngu' cujuii ngu' ji'i̱ yu.

SAN JUAN 5:18

Bi' cha' chi̱i̱ tsa ntsu'u tyiquee ngu' judío bi' ña'a̱ ngu' ji'i̱ Jesús, ntsu'u tsa ngu' bi' nu nti' cujuii ji'i̱ Jesús li'. Ti'í ti' ngu' bi' ña'a̱ ngu' ji'i̱ yu, cha' ná ndaquiya' yu tsa̱ ta'a ji'i̱ ngu', nacui̱ ngu'. Ná ndiya ti' ngu' tsiya' ti cha' nacui̱ Jesús cha' ycui' Ndyosi laca Sti yu, cha' stu'ba nti' ycui' ca yu lo'o ycui' Ndyosi.

SAN JUAN 9:4

Lo'o tya xee nga'a̱ cha' cua'ni na cña ―nacui̱ Jesús―, lo'o cua ndyaa cuichaa nga'aa caca cua'ni ni sca na cña li'. Lo'o jua'a̱ laca lo'o na' ―nacui̱―, nga'a̱ cha' cua'ni na' lcaa ña'a̱ cña nu ngulo ycui' Ndyosi jna' lo'o nda Ni jna' lijya̱ na' ca nde ―nacui̱ Jesús―.

LOS HECHOS 14:17

Lo'o jua'a̱ nda Ni lcaa cha' tso'o nu ndyiji ji'na: nda Ni tyo nu nda'ya lo yuu cha' caluu tso'o si'yu nu ntyaa na, cha' tso'o caca clacua ji'na li'; ndyiji cha' bi' ji'na cha' cacu tso'o na, cha' jua'a̱ tso'o tsa caca tyiquee na li'. Jua'a̱ laca cha' nu nclyu'u ycui' Ndyosi ji'na cha' caca cuayá' ti' na tilaca laca Ni.

LOS HECHOS 17:28

Chacuayá' ji'i̱ Ni lu'ú na, chacuayá' ji'i̱ Ni ndya'a̱ na, lo'o jua'a̱ chacuayá' ji'i̱ Ni ndyu'ni na lcaa cña. Ntsu'u sca cha' nu nguscua jyo'o ngu' tii tya'a ma̱ lo quityi sa'ni, cha' nu ndi'ya̱ nchcui': “Tya'a ycui' Ndyosi laca na”. Jua'a̱ nacui̱ jyo'o cusu' bi' ji'i̱ ma̱.

1 CORINTIOS 12:6

Masi ná stu'ba ndyu'ni lcaa na, pana sca ti ycui' Ndyosi ndu'ni cha' taca cua'ni na cña bi', ca ta'a na.

COLOSENSES 1:16

Stu'ba ti ndu̱ yu bi' lo'o ycui' Ndyosi Sti yu lo'o ntucua quiya' ndya' chalyuu, masi lo'o ndya' tyucui ña'a̱ nde cua̱, masi lo'o ndya' tyucui ña'a̱ nde lo yuu. Cua ngüiñá Ni lcaa na nu nchca ña'a̱ na ji'i̱ nde lo yuu chalyuu; lo'o jua'a̱ cua ngüiñá Ni lcaa na nu ná nchca ña'a̱ na ji'i̱, ñi'ya̱ nti' lcaa cui'i̱ nu laca loo nde cua̱; jua'a̱ cua ngüiñá Ni lcaa lo xu'na nu culo cña ji'i̱ ngu', masi nde lo yuu chalyuu, masi nde cua̱. Stu'ba ti ndu̱ Cristo lo'o ycui' Ndyosi Sti yu nu lo'o ngüiñá Ni tyucui ña'a̱ chalyuu; la cui' jua'a̱ xqui'ya yu bi', bi' cha' ndya' lcaa lo na.

1 TESALONICENSES 2:13

Lo'o jua'a̱ lcaa hora ndya ya xlya'be ji'i̱ ycui' Ndyosi cuentya ji'i̱ ma̱, xqui'ya cha' nu lo'o ndyuna ma̱ cha' tso'o ji'i̱ ycui' Ndyosi, la cui' cha' nu cua nda ya lo'o ma̱, li' jlya ti' ma̱ cha' bi'. Ngua cuayá' ti' ma̱ cha' laca cha' bi' nu cha' liñi ji'i̱ ycui' Ndyosi, si'i cha' ngua'ya hique sca ñati̱ ti; ngusñi ma̱ cha' bi' li', bi' cha' ndyu'ni ycui' Ndyosi cña ne' cresiya ji'i̱ ma̱.

HEBREOS 1:3

Lcaa xee lubii nu ntsu'u ca slo ycui' Ndyosi, cua ndyanu xee bi' lo Jesús Sñi' Ni lo'o ñaa Jesús nguti'i̱ yu chalyuu. Ñi'ya̱ nu laca ycui' Ndyosi, la cui' jua'a̱ laca nu Jesús bi'; liñi tsa nclyo Jesús cña ji'i̱ lcaa na nu ntsu'u chalyuu tsiya' ti, bi' cha' laca ndi'i̱ tso'o ti lcaa na bi'. Nu lo'o ndye ngua'ni Jesús cña nu ntsu'u ji'i̱ yu nde chalyuu, cha' ngüityi̱ yu yabe' nu ntsu'u ji'i̱ ñati̱, li' nguxtyu̱u̱ yu ndyaa yu ca slo ycui' Ndyosi Sti yu, ndyaa tucua yu nde la'a tsu' cui̱ su tlyu ca su ntucua ycui' Ni.