SAN JUAN 4:6 - Chatino Tataltepec

⁶ Ca bi' ndu̱ sca tyuu pilya nu nacui̱ ngu' cha' tyuu ji'i̱ jyo'o Jacob laca bi'. Nde hora ngua li', lo'o jua'a̱ ngua cña' tsa Jesús tyucui̱i̱. Li' ndyaa tucua yu to' tyuu bi'.

SAN JUAN 4:6 Iomraidhean Croise

SAN MATEO 27:45

Lo'o li' ngua talya chalyuu chu̱' sna hora; nde hora nguxana cha' bi', hasta ña'a̱ cuayá' nu ndyalaa hora cua sna nde ngusi̱i̱.

SAN MATEO 4:2

Lo'o li' tu'ba tsa̱ tu'ba talya ná ndyacu Jesús tsiya' ti, ntyute' tsa yu li'.

SAN MATEO 8:24

Lo'o li' lye tsa ndyaca cui'i̱, lye tsa ndyatu̱ clyoo' lo tayu'; cua quilyu'u ti yaca ni'i̱ bi' ne' hitya xqui'ya clyoo', pana laja' Jesús ntsu'u ne' yaca ni'i̱ bi'.

SAN LUCAS 2:7

Qui'yu cubi' nu ngula ji'i̱ María bi', sñi' clyo nu cuna'a̱ bi' laca cubi' bi'. Tso'o ngüixi̱i̱ xtya'a̱ late' hichu̱' cubi' bi', lo'o li' ngusta ji'i̱ cubi' ne' canoa su ndacu cuayu, cha' ná ngujui ni'i̱ su tyi'i̱ ngu' tsiya' ti.

SAN LUCAS 9:58

Li' nguxacui̱ Jesús cha' ji'i̱ nu qui'yu bi': ―Nu naa cuatya' ni, ne' xtyú ni' ndyu'ú ni'; lo'o nu quiñi sube ni, ne' xlyati̱ ndyu'ú ni'; lo'o na' ni, cua lijya̱ na' chalyuu cha' caca na' ñati̱, pana ná ntsu'u su xtyii na' caja' na', ná ntsu'u su chca'a̱ cña' na'.

SAN JUAN 11:9

Li' nacui̱ Jesús ji'i̱ ngu' bi': ―Tii tyucuaa ti hora ntsu'u ji'i̱ sca tsa̱. Lo'o tya'a̱ na ndacua̱, ná sca na tyacua quiya' na, tyaca̱' su ndya'a̱ na cha' tya xee ―nacui̱―.

SAN JUAN 4:12

¿Ha tlyu la nu'u̱ que jyo'o cusu' Jacob ji'na nu nda tyuu re ji'i̱ ya? ―nacui̱―. Ndyi'yu jyo'o bi' hitya tyuu re, lo'o jua'a̱ ndyi'yu sñi' yu, lo'o scu̱' ngu' ndyi'yu hitya re.

SAN JUAN 4:5

Li' ndyalaa yu quichi̱ Sicar, sca quichi̱ su ndi'i̱ ngu' Samaria. Ndi'i̱ quichi̱ bi' lo yuu nu nda jyo'o Jacob ji'i̱ jyo'o José sñi'.

SAN JUAN 4:7

Cua ndyaa ngu' nu ndyaca tsa'a̱ ji'i̱ lquichi̱, ndyaa ngu' cui'ya ngu' na cacu ngu'. Lo'o li' ya̱a̱ sca nu cuna'a̱ ngu' Samaria yaa qui'ya hitya. ―¿Ha ná ta xi hitya co'o na'? ―nacui̱ Jesús ji'i̱ nu cuna'a̱ bi'.

2 CORINTIOS 8:9

Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.