SAN JUAN 4:54 - Chatino Tataltepec

⁵⁴ Cua ngua tucua quiya' nu ngua'ni Jesús sca cña tonu cuentya ji'i̱ ycui' Ndyosi nde loyuu su cuentya Galilea bi', tya lo'o nguxtyu̱u̱ yu nde Galilea.

SAN JUAN 4:54 Iomraidhean Croise

SAN MATEO 2:1

La cui' tyempo lo'o ngula Jesús nde quichi̱ Belén, sca nu cusu' nu naa Herodes ngua loo ji'i̱ nasiyu̱ bi'. Ca loyuu su cuentya Judea, ca bi' ndi'i̱ quichi̱ Belén bi'. Lo'o li' ndyalaa xi ngu' tii nde Judea bi'; ngutu'u ngu' tii bi' xa' quichi̱ nde su ntyucua cuichaa, lo'o li' ndyalaa ngu' quichi̱ Jerusalén. Nchcui' ngu' tii bi' lo'o ngu' nu ndyacua tya'a lo'o ngu' tyucui̱i̱:

SAN JUAN 4:45

Lo'o cua ndyalaa yu nde loyuu bi', tso'o tsa nchcui' ngu' Galilea lo'o. Cua na'a̱ ngu' bi' lcaa cña tonu nu ngua'ni Jesús nu lo'o ndyaa yu ta'a quichi̱ Jerusalén bi', cha' lo'o ngu' bi' ndyaa ngu' ta'a.

SAN JUAN 4:47

Lo'o cua ndyuna nu laca cña bi', cha' ngutu'u Jesús loyuu su cuentya Judea ndyalaa yu sca quichi̱ cacua ti su ndi'i̱ nu cusu' bi', la cui' nde loyuu su cuentya Galilea, li' ndyaa nu cusu' bi' slo Jesús. Ndijña tsa cha' clyu ti' ji'i̱ Jesús cha' tsaa yu quichi̱ tyi nu cusu' bi', cha' tsaa yu cua'ni yu jo'o ji'i̱ nu piti quicha bi', cha' cua cajaa ti.