SAN JUAN 4:46 - Chatino Tataltepec

⁴⁶ Lo'o li' xa' ndyaa Jesús ca quichi̱ Caná loyuu su cuentya Galilea chaca quiya'; quichi̱ bi' ngua su ngüiñá Jesús vino lo'o hitya ti, cha' co'o ngu' nu nguti'i̱ ta'a bi'. Ca bi' ntsu'u sca ñati̱ tlyu nu ndya'a̱ ne' xña ji'i̱ rey, pana quicha tsa sñi' ntsiya ca to' tyi nu cusu' bi' nde quichi̱ Capernaum.

SAN JUAN 4:46 Iomraidhean Croise

SAN MATEO 15:22

Lo'o li' ñaa sca nu cuna'a̱ ca tyi quichi̱ bi' slo Jesús, ngusi'ya tsa nu cuna'a̱ bi' ji'i̱ Jesús li': ―Cua'ni tya'na ti' nu'u̱ 'na, Xu'na ―nacui̱ nu cuna'a̱ bi' ji'i̱ Jesús―. Nu'u̱ nu laca la cui' ñati̱ tya'a ji'i̱ jyo'o cusu' David, cua'ni nu'u̱ sca cha' tso'o lo'o na'. Nxalú tsa cui'i̱ ji'i̱ sñi' na'.

SAN MATEO 4:13

Pana ná ndyanu yu nde Nazaret; nguxcutsa'a̱ yu su ndi'i̱ yu, ndyaa yu ca quichi̱ Capernaum to' tayu'. Nscua quichi̱ bi' loyuu su ndu'ni ngu' sa'ni cha' su cuentya Zabulón lo'o su cuentya Neftalí laca bi'.

SAN MATEO 9:18

Laja lo'o nchcui' Jesús lo'o ngu' bi', li' ndyalaa sca ngu' judío nu laca loo; ndatu̱ sti̱' yu slo Jesús li', cha' jña yu sca cha' clyu ti' ji'i̱: ―Cua ngujuii ca ti sca nu piti cuna'a̱ sñi' na' ―nacui̱ nu cusu' ji'i̱ Jesús―. ¿Ha ná tsaa nu'u̱ slo na' cha' sta ya' nu'u̱ lo nu piti bi'? ―nacui̱―. Jlo ti' na' cha' nchca jinu'u̱ cua'ni cha' tyu'ú nu piti chaca quiya'.

SAN LUCAS 4:23

Li' nguxacui̱ Jesús cha' ji'i̱ ngu' bi': ―Ná tyiquee' tiya' la xi ta ma̱ cha' re lo'o na': “Si nu jo'o laca nu'u̱, cua'ni nu'u̱ jo'o ji'i̱ ycui' ca lacua”. Lo'o jua'a̱ ná tyiquee' ñacui̱ ma̱ jna': “Cua ndyuna ya cha' ji'i̱ lcaa cña tonu nu ngua'ni nu'u̱ nde quichi̱ Capernaum bi'”, ñacui̱ ma̱. “La cui' jua'a̱ cua'ni nu'u̱ nde quichi̱ tyi na lacua, cha' ña'a̱ ya xi”, ñacui̱ ma̱ 'na li'.

SAN LUCAS 7:2

Ca bi' ndi'i̱ sca capitán nu laca loo ji'i̱ sendaru ji'i̱ ngu' romano. Ntsu'u sca msu ji'i̱ nu tyaca'a tsa ji'i̱; pana quicha tsa nu msu bi', cua cajaa ti.

SAN LUCAS 8:42

Sca ti sñi' ntsu'u ji'i̱ nu Jairo bi', sca nu cuna'a̱ cuañi' nu ntsu'u tii tyucuaa ti yija̱. Pana juani quicha tsa nu piti bi', cua cajaa ti. Li' ndyaa Jesús lo'o nu cusu' bi', lo'o quiña'a̱ tsa ñati̱ tya'a ndya'a̱ lo'o; cha' quiña'a̱ ñati̱ ni, tachaa tsa ndi'i̱ ngu' slo Jesús.

SAN JUAN 2:12

Tiya' la li' ngutu'u Jesús ndyaa yu nde quichi̱ Capernaum. Ndyaa yu lo'o xtya'a̱ yu, lo'o ngu' qui'yu tya'a yu, lo'o ngu' nu ndyaca tsa'a̱ ji'i̱ yu ndyaa ngu'; pana xti ti tsa̱ ndyanu ngu' ca bi'.

SAN JUAN 21:2

Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'.